2 JOHAN 1:9 - Ngawm Bible

⁹ Akua hei hihen Khrih thuzilhnak sungah um ngawlin a valthau in, a nungtu cu Pathian nei ma hi. Mahnaven Khrih thuzilhnak sungah a umtu cu, Pathian nei in, a Capa vang nei bok hi.

2 JOHAN 1:9 Iomraidhean Croise

MATTHAI 11:27

“Ka Pa in, ka khut sungah ihempoh pia khawng zo hi. Pa sialngawl kuamah in, Capa cu thei haw ma hi; mahten Capa in thei bok haw hen tin, a ten mite sial ngawl, kuamah in Pa thei haw ma hi.

LUKA 10:22

“Ka pa in, ihempoh ka lakah pia zo toh hi. Capa hi akua him tih cu Pa sialngawl kuamah in thei haw ma hi. Mahti bang bokin, Pa hi akua him tihvang Pa le Capa i phuan mitei lakah sial ngawl kuamah in thei zo haw ma,” ti hi.

JOHAN 14:6

Jesuh in, “Kei cu lampi, thutak le nunnak ing. Keimah tawn ngawlin kuamah in ka Pa i lakah heng thei haw tukma hi.

JOHAN 15:6

Keima sungah a umngawltu cu sabit kung vawkin, a ko mi bang haw hi. Mahtibang a kangkote cawm khawmin, meipualah vawk haw a, kangtum khawng hi.

JOHAN 5:23

Mah hangin Pa a upattu hempoh ten Capa vang upat bok haw tuk hi. Kua hei hihen Capa a upat ngawltu cu a tiiktu a Pa vang upat bok haw ma hi.

JOHAN 8:31

Jesuh in, amah a umtu Judah mitei lakah, “Ka thuzilhnak na zui uh tale ka nungzuitu tatak hi tuk uh ci.

NUNGZUITU 2:42

Nungzuitu tei thuhilh cu ngai haw a, an eih khawmnak le thunget khawmnak tuah pawlkomnak nei leleng haw hi.

KOLOSE 3:16

Khrih i thu cu na lungmu sung uhah cangkimno in cam leleng hen. Cihnak namkim tuah pa khat le pa khat zilhdunin thapiadun un. Saam labu sung a la, apdunnak la le la thiangte sa un. Na lungdamnak uh cu la tuah Pathian thangphat un.

TITUS 2:10

Mahten nate vang ngu haw pahsuh hen. Mipha a hihnak hawleh muantak a hihnak haw langtik saw haw tahen na, mahten a bawl haw mi hempoh ah nunpantu a Pathian uh thu a zilh uhmi humah thangphatnak hengtik haw tuk hi.

HEBRU 3:14

Itahim titale a pattungin, a co uhmi lungmuannak khi a tawpnak tian a lenkhim thei uh tale, a venghawng uhin Khrih i ngualcam hi tuk hung hi.

HEBRU 6:1

Mah hangin mailamah not tuk hung; Khristian thuthang a tawpatnak a, zilhdunnak cu zamsanin, piting hilhdunnakah hawh tuk toh hung. Nemcuamnak imah nei ngawlmi nadeh a zamsa zo uhmi cu a taw pepanleh tukma toh hung. Pathian a upnak uh vang a taw pen panleh tukma toh hung hi.

1 JOHAN 1:3

Pa le a Capa Jesuh Khrih tuah pawlkomnak a neih uhmi sungah na tel theihnak tuk uhin ka muh uhmi le ka zak uhmi cu nangmuh tei lakah phuang ung hi.

3 JOHAN 1:9

Pawlpi tei lakah lai comno ngan ing. Mahnaven hotu dek nuamtu Diotrefes in ka hilhmi cu imah simsial tukma hi.