2 JOHAN 1:8 - Ngawm Bible

⁸ Mah hangin muansannak tuah na nadeh lih uhmi na paihtik thong ngawlnak tukin le na laksawng tek uh kimno in, na ngah theihnak tukin ngalling zetin um un.

2 JOHAN 1:8 Iomraidhean Croise

DANIEL 12:3

Hotu micipte cu van a vaknak hempoh tuah vak haw tuk hi. A dikmi bawl tukin mi tampi a zilhtute cu aksi bangin kumkhua in al leleng haw tuk,” ti hi.

MATTHAI 24:4

Jesuh in, “Ngalling un, kuamah in zol haw pahsuh hen.

MARKA 13:23

Ngallingin um un! A laihngawlin hilhham khawng zo ing.

MARKA 13:9

“Nangmuh hihim ngalling un. Nangmuh manin, zungah hawhpih haw tuk hi. Pumkhawm inn pen vaat haw tuk a; keima hangin hotu le kumpi tei mai ah dingtik haw tuk hi. Mah hun cu ka Thuthangpha na hilhnak uh hun hi tuk hi.

LUKA 19:19

Mahpa cu, ‘Khuapi pa nga uktu in koih tung hi,’ tin ti hi.

LUKA 21:8

Jesuh in, “Ngalling un; Zoltheihin umta pahsuh un hi. Keima min pu in, mi tampi hung haw tuk a, ‘Keimah hi amah ing hi tih le a hunkim zo hi,’ tin ti haw tuk hi. Mahnaven zui kha viang pahsuh un hi.

JOHAN 4:36

An a cawmtu pa cu a thaman piak hi in, an cu kumkhua a nunnak tukin cawm hi. Mahten anci a cingtu le an a cawmtu cu langkhatin lungdam khawm haw tuk hi.

1 KORIN 15:8

A dawltabel ten keima lakah lang bok hi. Kei cu ni le ha kimin, a suakmi hei kha ma naveng!

1 KORIN 3:14

Innkil tawphah hum a inn sakmi cu mei in, a siatsuah thei ma tale, a satu in dehman ngah tuk hi.

1 KORIN 3:8

A cingtu le tui a leihtu cu lamdang haw ma hi; a nadeh haw bangin Pathian in laksawng pia tuk hi.

GALATI 3:4

Na nunnak uh i tawh sami hempoh imah ngawl thongin maw a can khawng? Imah ngawl hi khawng haw ma hi; nemcuamnak nei haw hi.

GALATI 4:11

Nangmuh ka ngaihsutnakin ka lungmu cawl ing. Nangmu ca cim zetin na ka deh uhmi hempoh cu imah ngawlthongin cang kha kawn tih lauzet ing.

FILIPI 3:16

Mahlai ngawl sung cu tuni tian a zui uhmi daante zui in, mailamah hawh ten nung hi.

HEBRU 10:32

Ni dang laih na nundan uh ngaisung un. Nangmu lakah Pathian vaknak a hen sem laih khin, thuaknak le haksatnak a phunkim tawk nave uhcin mah haksatnakin neh ma hi.

HEBRU 10:35

Mah hangin thinkham pahsuh unna, ngalphatnak na neih uhmi paitik pahsuh un, laksawng ngengpi ngah tuk uh ci.

HEBRU 12:15

Pathian i hehpihnak khi kuamah in nungheksan tuk ngawlin ngalling un hi. A sia le a kha mi thingkung khangto in, a ngu pha ngawlin mi tampi cimnak a piak bang hi kha pahsuh un hi.

MANGMUHNAK 3:11

Hungpal tung. Nehtu na hihnak hangin na ngah tukmi laksawng cu kuamah i lonsak theih tuk ngawlin na neihsami komzet kemin hi.