1 SAMUEL 9:9 - Ngawm Bible

^9-11 Saul in, “Na ngaihsutnak pha hei! Hawh nung,” ti in, mi thiangtho pa i umnak khua ah hawh haw hi. A khuataw lamto ah a hawh toh haw laihtakin tuicawi tukin a hungmi khanglaite tawk haw hi. “Na khua sung uhah thumutu um maw?” tin khanglaite cu dong haw hi. Mah hun laihin mi pa khatin Pathian nelah dot nuammi a neih ten, “Thu mu pa i lakah hawh nung” tin timek haw hi. Itahim titale mahlai in profet cu thumutu tin sam haw hi.

1 SAMUEL 9:9 Iomraidhean Croise

ISAIAH 30:10

Profet hei cu, “Dapdenin um un, awn pahsuh un! Hihi man hi, mahmi cu man ma hi, tih hei hilh nuam pahsuh un! Ka zak nuam uhmi bek hilh un. Eimu um banglengno in um bok nung!

AMOS 7:12

Amaziah in Amos lakah, “Nang profet! Awn toh pahsun; Judah ngamah kik inna, mahlai ah thuhilhin hi. Amuh ten na thaman pia haw hen.

1 KHANGSIALNAK 29:29

David Kumpi i tangthu cu a bul pen a bo tian profet pa thum, Samuel, Nathan le Gad tei tangthu khumnak sungah kimno in ngan haw hi.

1 KHANGSIALNAK 26:28

Shelomith le a innkua pihte cu Biakinn sung man tuk na, a piakmi hempoh, profet Samuel, kumpi Saul, Ner capa Abner le Zeruiah capa Joab tei piakmi tianin, a cingtu haw hi.

2 KUMPI 17:13

Topa in, Israel le Judah mitei lakah a kamtaite le profet hahin, “Thil pha ngawl na bawl uhte zam unna, na pi le pu tei lak a, ka phuanmi le ka kamtai profet mangin na lak uh a ka piakmi ka thukham le ka daante cu zui un hi,” tin ngallinnak vei tampi pia hi.

2 Samuel 24:11

David i thiampi a dektu, profet Gad lakah Topa i awnkam cu hengin, “David i ten tukin thil pa thum pia ing. Pa kha khat teng hen na, a humah kimtik tung hi, tin David hilhin hi,” ti hi. A zingten David a thawh ten,

ISAIAH 29:10

Topa in, thi awn veu in, a hihbuh uh suaktik hi. Profet cu mi zapi tei mit hi haw tuk naven Pathian in, a mit haw hup hi.

PIANPATNAK 25:22

A pum sungah caphil pai in, a saihdun lih haw a theih ten a lungmutamin, “Hiti bang ahi tale ka nun man i kaw a um?” tin ti in, Topa i lakah thungen hi.

2 KHANGSIALNAK 16:10

Mah thu a zak ten Asa cu profet Hanani humah a thinuk zetin, thik taicin tuah kenin thawnginn sungah khia hi. Mah hun laihin Asa in, a ngam sungmi khenkhatte cu hehpihnak um ngawlin bawlsia hi.

2 KHANGSIALNAK 16:7

Mah hunin profet Hanani cu Judah kumpi Asa lakah hawhin, “Topa na Pathian muang ngawlin, Siria kumpi na muan saw hangin Israel ngalkapte cu na khut sung pen luat khawng zo haw toh hi.

1 KHANGSIALNAK 9:22

A venghawngin mihing za nih le sawm le pa nih cu kongka le kongkhahte cingtu tukin teng haw hi. Amuhte cu a umnak khua tek haw pen cazin lakmi hi. A pu le pate cu muantak a hih haw hangin kumpi David le profet Samuel in mahtibang nadeh thupi cu dektik hi.

THUKHENTUTE 1:1

Joshua a thih nungten Israel miten, Topa “Kei mu lak pen a koi hinnam kaw hawh masabelin Kanaan mite a do tuk?” tin dong haw hi.

1 KHANGSIALNAK 21:9

Topa in, David i profet Gad lakah,

THUKHENTUTE 18:5

Amuh ten, “Ka khualzinnakah tuangtung tuk ung maw, tuangtung tukma ung kaw tih Pathian dot sak hemin,” tin ngen haw hi.

1 KORIN 12:17

Pumpi hi mit ahi khawng bang ahin itin kaw thu a theihtheih tuk? Mahten beng ahi khawng bang ahin itin kaw ngim a nap theih tuk?