1 SAMUEL 7:3 - Ngawm Bible

³ Samuel in, “Na lungmu tatak tuah uhin, Topa na zuan nuam uh tale ngamdang pathian le Astrate zukte cu vawk khawng un hi. Na nunnak uh a venghawngin Topa i lakah pia khawng unna, amah bek bia un. Filistin tei khut sung pen Topa in luattik tuk,” ti hi.

1 SAMUEL 7:3 Iomraidhean Croise

PIANPATNAK 35:2

Jakob in, a innkuapih le a lak a, ummi hempoh lakah, “Ngamdang pathian zuk na neihmi hempoh cu vawk khawng toh un, thiangthono in um unna, puan thiangtho silh un.

1 KUMPI 11:33

Solomon in keimah lawlin Sidon pathiannu Astarte, Moab pathian Khemosh le Ammon mitei pathian Milkom a biak hangin a humah hi bangin ka bawl tumnak hi. Solomon in ka thungai ma hi. Thil sual bawlin ka daan le ka thupiakmite cu a pa David bangin zui ma hi.

1 KUMPI 8:48

Mah ngam pen thungai le lungmu tak tuah a pi le pu tei lak a, na piak zomi ngam le na tenmi khuapi cu na ca in ka sakmi Biakinn lam hekin thu a ngen haw tale,

2 KUMPI 17:39

Topa na Pathian uh keimah cu kihca unna, na ngal tei khut sung pen pantul tung hi,” tin thupia hi.

2 KUMPI 23:15

Nebat capa, Israel mite sualnak sungah a puitu, Kumpi Jeroboam in Bethel ah Pathian biaknak a sakmi cu Josiah in siatsuah khawng hi. Biaklandawhte a siatsuah nungten suangphutte sukeh khawngin, zantik khawng hi. Asherah biaknak ca in, a phut haw mi khuam thiangthote haal hi.

1 KHANGSIALNAK 22:19

Atu-in, na lungmu uh venghawng le na tha neih uhmi venghawng tuah Topa i na cu dek un. Topa i Thutiam Kuang le amah biaknak a manmi na thiangthote koihnak tukin le a minthannak tukin Topa i biakinn cu sa un,” ti hi.

1 KHANGSIALNAK 28:9

Mahten nang, “Ka capa Solomon, na pai Pathian cu kihca inna, lungmu khenkhek ngawlin le a thuzui nuamnak lungmu tuah a na cu dek zalin hi. Amah a ngaihsutnak uh le a lungmu uh cu a venghawngin thei khawng hi. A lakah na hawh tale amah in pom tuk hi; mahnaven na nunghek tale kumkhua in nang cu zamsan tuk hi.

2 KHANGSIALNAK 19:3

Mahnaven a phatnak vang cu um bok; midang tei biakmi Asherah milimte vawk khawngin, Topa i deihnak zei leleng ci,” tin hilhhawl hi.

2 KHANGSIALNAK 20:33

mahnaven dawi a biaknak munte cu siatsuah ma hi. Mipi in, a pu le pa tei Pathian cu a lungmu hempoh tuah bia haw ma hi.

2 KHANGSIALNAK 30:19

“Topa aw, ka pu le pa tei Pathian, mi thiangtho ngawl hi haw naven lungmu tatak tuah nangmah a biatute cu na hehpihnak tuah ngaidam zazalin hi,” ti hi.

THUPAUCAP 16:1

Mihing ten mai deihnak bangin khuakhannak tampi nei tuk naven a tawpnak thuneitu cu Pathian hi.

ISAIAH 55:7

Mipha ngawl ten a ziaza haw zamin, a ngaihsut dan haw khel hen. Topa a Pathian uh i lakah kikleh haw henna, ngaidam paih zen tuk hi. Amah cu mi hehpihtu hi.

JEREMIAH 24:7

Topa ka hihlam a theihnuamnak haw tukin, kei cu a Pathian haw hi tung hi. Itahim titale a lungmu hempoh tuah ka lakah kikleh haw tuk hi.

JEREMIAH 36:3

Judah tei humah siatsuahnak ka hentik nuammi hi thei in, a nundan haw ngen khelleh thei haw bang a hin, a sualnak le a phat ngawlnak haw cu ngaidam tuk na veng,” ti hi.

JEREMIAH 4:1

Topa in, “Maw Israel mite, kikleh na nuam uh tale ka lakah kikleh un. Ka ningdelhzetmi, milim biaknakte vawkin ka mai ah muantakin, na um uhten.

EZEKIEL 14:6

“Atu-in, Israel tei lakah keimah Cungnungbel Topa in, ‘Sikkik un! Kikleh unna, ningdelhhuai na milim uhte taisan un,’ ka tihmi na hilhin hi.

EZEKIEL 18:31

Thilpha ngawl na bawl leleng uhte hi zamsan toh unna, lungmu thak le ngaihsutnak thak nei toh un hi. Israel mite, itakaw thih cu na nuam uh?

HOSEA 14:1

Israel mite aw, Topa na Pathian nelah kikleh un. Na sualnak uh hang bahin, lum zo uh ci.

MATTHAI 15:8

‘Himi ten a kambek tuah keimah upatin, a lungmu ngangai haw cu kei tuah kangzet hi.

MATTHAI 4:10

Jesuh in, “Satan tai in, itahim titale Lai Thiangtho in; Topa na Pathian bia inna, ama na bek dekin hi tin ti hi,” tin don hi.

MATTHAI 6:24

Mi pa khat cu bawi pa nih i sila hi thei tukma hi. Pa khat deih tuk a, pa khat cu hua tuk hi. Pa khat lakah muantak zetin um tuk a, pa khatlam cu zawnsak tuk hi. Pathian na le sumpai na dek kawm thei tukma uh ci.

LUKA 4:8

Jesuh in, “Lai Thiangtho sungah, ‘Na Topa na Pathian bek bia inna,’ ama na bek dekin ti hi,” tin don leleu hi.

JOHAN 4:24

Pathian cu Hawvang hi in, a biatu ten Hawvang le thutak tuah bia haw tuk,” ti hi.

DAAN PIAKLEHNAK 10:20

Mah hangin Topa na Pathian uh i thu cu zui unna, amah bek bia un. Ama ca tukin muantakzet unna, ama min tuah bekin thutiam un.

DAAN PIAKLEHNAK 13:4

Topa cu zui unna, kihca un. Ama thu cu ngai unna, a thupiakmite zui un. Amah cu bia unna, a muantakmi hi un. A nadek unna, amah cu kho zetin pom un.

DAAN PIAKLEHNAK 4:29

Mahlaiah Topa a Pathian uh cu zei in, na lungmu ngai uh tuah na zei uh tale tawk tuk uh ci.

DAAN PIAKLEHNAK 6:13

Topa na Pathian bek kihca un. Ama na bek dek unna, ama min tuah bekin thutepnak bawl un hi.

JOSHUA 13:31

Gilead ngam a lang, Bashan ngamsung Og kumpi i ukmi khuapi Ashtaroth le Edrei tel hi. Hi ngam le khuapi cu Manasseh i capa Makhir i casuan khenkhat innkua tei lak a piakmi hi.

JOSHUA 24:14

“Atu-in, Topa cu upat maizahnak tuah bia unna, a na cu muantakzet le lungthiang zetin dek un. Na pu le pa uhten Mesopotamia ngam le Izipt ngam pen a biak haw mi pathian dangte cu zamsan toh unna, Topa na bek dek un.

JOSHUA 24:23

Joshua in, “Mah ahi tale na lak uh a ummi ngamdang pathian cu vawk khawng toh unna, Israel i Pathian Topa i lakah na lungmu uh pia khawng un,” ti hi.

THUKHENTUTE 10:16

Mah hangin ngamdang pathian a biaknak haw cu vawk khawngin, Topa cu bia haw hi. Israel tei haksat thuaknak amuh ten Topa cu a lungnop thei ma toh hi.

THUKHENTUTE 10:6

Israel mite cu Topa i mai ah sual leleu haw hi. Baal pathian, Astartes pathian, Siria pathian, Sidon pathian, Moab pathian, Ammon pathian le Filistin pathian bia haw hi. Topa Pathian cu nunghekin, bia nuam haw ma toh hi.

THUKHENTUTE 2:11

Topa i mai ah Israel mite sual haw in, Baal pathian bia saw haw hi.

THUKHENTUTE 2:13

Topa cu zamsanin, Baal pathian le Astartes pathiante saw bia haw hi.

1 SAMUEL 31:10

Saul i hiamnam cu Astarte pathiante a biaknak haw innah koihin, a luang cu Bethshan khuapi kulhtian humah tak haw hi.