1 SAMUEL 6:3 - Ngawm Bible

³ “Israel tei Pathian Thutiam Kuang cu na kikleh uh tale na sualnak uhte ngaidam a hihnak tukin Pathian lakah laksawng pia unna, mah tuah kik un hi. Laksawng tel ngawlin Thutiam Kuang cu kik pahsuh un. Laksawng tuah na kuat kikleh uh ahi tale dam tuk uh ci. Pathian in ita kohte bawlsia him tih thei tuk uh ci,” tin ti haw hi.

1 SAMUEL 6:3 Iomraidhean Croise

JOB Laibu (The Book of Job) 10:2

Maw Pathian aw, mi mawh ci ti phal hih pahsun; iti bang sualnak kaw kei na not, hilh hemin!

SUAHTULNAK 23:15

Naman hel ngawl Cangho Puai bawl un. Thu ka piak bangin, ni ka tekmi Abib ha, in ni salih sung naman hel ngawl cangho ei un hi; itahim titale mah ha, in Izipt ngam pen tul uh ci. Ituk mahten ka lakah khut thacangin kuamah hung ngawlin, khut ken tuah keimah bia tukin hung un hi.

SUAHTULNAK 34:20

Mahnaven laak i catawntil pawpoh cu mah ai-in tuu pa khat pia in tanleh un hi. Na tanleh uh ma tale, a ngawng melh ek un hi. Na catawntil pawpoh uh cu tan un hi. “Akua hei hihen biakpiaknak bawl ngawlin khut nguakcangin ka maiah hung thei tukma hi.

SUAHTULNAK 8:15

Kumpipa in simphuk thi khawng zo haw tih amuh ten a lungmu cu khoh leleu hi. Topa i hilh hamsa bangin Moses le Aaron i thu cu ngai nuam ma leng hi.

THIAMPI NADEHNAK 5:6

Sualhahnak tukin thiampi in biakpiaknak bawlsak tuk hi.

THIAMPI NADEHNAK 6:6

A sualhah biakpiaknak tukin thiampi nelah sonbang ngawl tuucang ahimata keelcang hunpih tuk hi. A man cu upa tei ciangtan bangin hituk hi.

DAAN PIAKLEHNAK 16:16

“Na hin venghawng sung uh a, pano hempoh cu Topa biaknak munah kum khatah vei thum hung un hi. Kaltan Puai, An Laak Puai, le Puanbuk Puai ah hung un. A kuakua hei in laksawng keng tek unna,

1 SAMUEL 5:11

Mah hangin Filistin kumpi cu sam khawmleh haw a, “Israel tei Thutiam Kuang cu a umnak munah kuatleh un, mahten keimuh le ka innkua thi tukma ung hi,” tin ti haw hi. Nase zetin Pathian in, a bawlsiat hangin khuasung mite cu ngaihsut hak zetin um haw hi.

1 SAMUEL 5:7

Mahti bang a um haw cu mipi in, amuh haw ten, “Israel tei Pathian in eimuh le a biak uh pathian Dagon tianin bawlsia hi. Thutiam Kuang hi munah umtik tuk cu cangthei ma toh hi,” tin ti haw hi.

1 SAMUEL 5:9

Mahnaven Gath ah a koih bek haw ten Topa in Gath khuasung mite bawlsia in haksa zetin um haw hi. Gath khuasung mi hempoh a neu a ngengin uilut vei khawng haw hi.

1 SAMUEL 6:8

Topa i Thutiam Kuang cu la unna, khuileng humah koih un. A elah na sual uh ngaihdamnak tukin na bawl uhmi Pathian lak a, na piak uhmi sui milimte cu kuang dangno in mah Thutiam Kuang elah koih un. Khuileng cu a mawngtu um ngawlin amahno hawhtik un hi.

1 SAMUEL 6:9

a hawh cu zo un. Beth Shemesh khua lamah a hawh tale, a hum uhah siatnak a hengtiktu cu Israel tei Pathian hi, tih cu lang tuk hi. Mahnaven Shemesh khua lamah a hawh ma tale cu natnak piatu cu Israel tei Pathian hi ngawlin a bawngsiat uh hang hi tuk hi, tih thei tuk hung hi,” tin ti haw hi.