1 SAMUEL 2:8 - Ngawm Bible

⁸ Mi nautate cu leivul lak pen phongto in, mi tingsamte cu vut lak pen khaisang hi. Kumpipa i capate tuah khungtikin, upatnak munah umtik hi. Leipi bulphuhnak cu Topa ta hi. Mah humah leipi cu dingtik hi.

1 SAMUEL 2:8 Iomraidhean Croise

PIANPATNAK 41:14

Kumpipa in mi hah a, manlang zetin thawnginn pen Josef cu suah hi. A multe met ciangin a vansilh a thek ceng ten kumpipa i maiah hung hi.

PIANPATNAK 41:40

Ka ngam sungah dehvo neibeltu in bawl tung a, ka mihing ten na thupiak ngai haw tuk hi. Nangmah cu keima nuai a, thuneibeltu hi tuk ci.

2 Samuel 7:8

Mah hangin David cu hilh inna, ‘Keimah Cungnungbel Topa i otmi cu hi bangin hi. Ka mihing Israel mite puitu tukin nangmah cu tuu na khalhnak pen sam ing.

1 KUMPI 16:2

“Leivul lak pen cawisangin ka mihing Israel tei kumpi in bawl ing. Mahnaven Jeroboam bangin Israel mite na lamhuai sual hangin ka thin a uktik ci.

2 KUMPI 9:6

a pa nih haw in, inn sungah tumin profet in olif thau cu Jehu i lu ah leihin, “Topa, Israel Pathian in, ‘Ka miphun Israel tei kumpi tukin sathau thih ing.

JOB Laibu (The Book of Job) 1:21

“Thacangin suak ing, thacang lengin thi tung. Topa in pia in, atu-in laleh hi. A min thangphat hi tahen,” ti hi.

JOB Laibu (The Book of Job) 2:8

Job cu vut lakah khungin, a meima cu beelkeh tuah khuat liphet hi.

SAAM LABU 102:25

Tanglaihin leipi piangtik ci a, na khutzung tuah vante hi semsuah ci.

SAAM LABU 104:5

Leipi ponak a zung cu khoh zetin bawl ci a, thawn awng tukma hi.

SAAM LABU 107:41

Mahnaven mi nuncimte cu a haksatnak haw pepanin; A innkua haw cu tuuhon bangin, pungtik hi.

SAAM LABU 24:2

Itahim titale tui thukzet humah, leipi cu dingtikin, a bul cu tuipi thuanthum tawdengah a zungmut hi.

SAAM LABU 75:3

Leipi le a hum a ummi hempoh a pai khawng vangin, leipi dinnak bul cu khotik tung hi.

SAAM LABU 75:4

Mi ultungte tuangkhawng li tuk ngawltohin hilh ing; Mipha ngawlte pualthau tuk ngawlin hilhtik ing.

SAAM LABU 75:7

Mi thukhentu cu Pathian hi, mi khenkhat cu nemsukin, mi khenkhat cu dangto hi.

THUHILHTU 4:14

Thawnginn pen a suakmi cu kumpi hei cangleh thei a, a ngam sungah ca-ngah siat thei in, a piangmi hei in, kumpi in suak thei hi.

ISAIAH 22:23

Amah cu a khim zetmi puanzaknak thingkhet bangin khimtik tung a, innkua venghawng ca in mitmai pha ngahnak bulpi hi tuk hi.”

DANIEL 2:48

Daniel cu nadeh ngengzet pia in, laksawng mantamzet a piak nungten Babilon peng hotubelah bawl hi. Kumpi thudotmi tei lak pen hotubelin bawlbok hi.

DANIEL 4:17

Hi cu a ngallingzettu vancungmi i soncatmi hi. Mah a hih hangin leihum khua hempoh ten thei haw hen: Cungnungbel Pathian in mihing i ngam uknak humah thunei in, mah ngam uknak cu a deihmi lakah pia hi, leihummi nautabel lak hei ah pia thei,” ti hi.

DANIEL 6:3

A ngei ngawlin Daniel cu hotu a dang pa nihte sangin le ngamkhen uktu bawi dangte sangin a nadeh pha saw tih cu lang hi. Midang sangin a cuangcung saw deuh hangin kumpi in, a ngam buppi uktu tukin Daniel cu ngaisung hi.

HEBRU 1:3

Amah cu Pathian sunloihnak langtiktu hi a, Pathian bang cikcek hi. Huham a neihmi thu tuah lei le van pumpi cu umtikin, cingkhawi hi. Mihing tei sualnak ngaidam le sual a thiantik ceng ten vanhum a Cungnungbel Pathian taklamah khung hi.

JAMES 2:5

Ka ihmi u le naute aw, ngai hih un, Pathian in, mi ca-ngah hi upnak lamah mi hausa hi tukin le amah a ittu tei lakah a tepsami a uknak cotu tukin teng hi.

MANGMUHNAK 1:6

A Pathian le a pa i nadektu hi tukin ohte cu kumpi le thiampi phunin, a bawlsaktu Jesuh Khrih lakah sunloihnak le huham cu kumkhua in um tahen! Amen.

MANGMUHNAK 22:5

Mahlai ah zan umleh tukma toh hi, mei inn hei hihen ni i vaknak hei hihen kul haw tukma toh hi, itahim titale Topa Pathian cu amuh tei vaknak hi tuk a, amuh cu kumpi bawi bangin kumkhua in uktu hi haw tuk hi.

MANGMUHNAK 3:21

Nehtu hi zo ing a, atu-in ka pa i kumpi khunnak humah ka khun bangin nehtute cu ka kumpi khunnak humah khun theihnak thupia tung hi.

MANGMUHNAK 5:10

Ka Pathian uh i nadektu tukin thiampi, kumpi hin le namah, amuh cu bawl zo ci, amuh ten leihumah uk haw tuk hi,” tin sa haw hi.

1 SAMUEL 15:17

Samuel in, “Nang cu imah kha mang tin ngaisung tuk navecin Israel miphun hotu hi ci. Topa, Israel kumpi in sathau thih hi.