1 SAMUEL 2:6 - Ngawm Bible

⁶ Topa in thitikin, nunnak pialeh hi. Mithi khua ah hen tukin, a thi mite nunglehtik hi.

1 SAMUEL 2:6 Iomraidhean Croise

1 KUMPI 17:22

Topa in Elijah i thungetnak cu zain, naupangpa cu a haihawhto lehin, nungleh hi.

2 KUMPI 5:7

Mah laikuat cu Israel kumpi in, a sial ten lamdangsa in, a puante botkek khawng a, “Itin kaw Siria a kumpi in hi pa hi na damtikin tin, a tih thong theih? Nunnak le thihnak huham neitu Pathian hangin maw kei a ngaihsut? Keimah tuah hauhdunnak zei hi poh hi,” tin ti hi.

JOB Laibu (The Book of Job) 5:18

Pathian i liamsuah mite cu, amah in tuamleh hi; A khutin meima piangtik a, a khut lala tuah damtikleh hi.

SAAM LABU 116:3

Thihnak thangin, keimah cu awk ngahin, Thihnakin keimah kil pimpem a, thinsu linglawngin um ing.

SAAM LABU 30:4

Maw muantak a mi Thiangthote, Topa cu lasa in thangphat un. Thiangthobel Pa i bawlmi cu phawk unna, a lakah lungdamnak pia un.

SAAM LABU 68:20

A Pathian uh cu mi pantu Pathian hi. Thihnak pen a pansuaktu Topa hi.

SAAM LABU 71:20

Haksatnak le cimnak ka humah hengtik ci. Mahnaven ka tha dimtikleh tuk ci. Khaan sung pen pantul tuk ci.

THUHILHTU 3:3

Thah hun umin, damtik hun um hi. Phiat hun umin, sakleh hun um hi.

ISAIAH 26:19

Mahnaven a thi sa mite nung haw tuk; A luangpi haw cu nungleh tuk hi. Khansungah a hihbu mite cu khanglo in le lungdamin lasa haw tuk hi! A de sesepmi daita ten lei a hingtik bangin a thi sate cu Topa in nunglehtik tuk hi.

EZEKIEL 37:12

Mah hangin profet awnin phuang inna, Topa Pathian keima hilhmi hi cu thanin hi. Keimah in, a khan haw cu hong tung. Tultik tung a, Israel ngamah kik lehtik tung hi.

EZEKIEL 37:3

Amah in, “Mihing pa, Ezekiel aw, hi nguhte hi nungleh thei haw ni maw tin dong hi?” kei in, “Cungnungbel Topa, nangmah bekin thei ci,” tin donleh ing.

MATTHAI 12:40

Jonah cu ngasa pum sungah ni thum le zan thum a um bangin Mihing Capa vang cu lei sungah ni thum le zan thum um bok tuk hi.

JOHAN 11:25

Jesuh in Martha lakah, “Kei cu thawhlehnak le nunnak ing hi. Keimah a umtu cu a thi hei in, nungleh tuk hi.

DAAN PIAKLEHNAK 32:39

Keimah bek, Keimah bebek hi Pathian hi ing hi, Pathian tatak cu hi ing. Adang kuamah um haw ma hi. That ing a, nungtikleh ing, liamsuah ing a, dam lehtik ing, Ka khut sung pen a doktul theitu kuamah um haw ma.

MANGMUHNAK 1:18

A nungmi hei hi ing. Thi zo na vengin atu-in kum zangza ca in nungleh zo ing. Thihnak le mithi khua ah thuneitu ing hi.

1 SAMUEL 20:3

Mahnaven David in, “Nangmah in keimah hi iti zahta in deih cim tih cu na pa in, a theih hangin a tumtahmi cu na lungmu natik tuk hi tih a lau hangin, na lakah hilh tum ngawl hi tuk hi. Ka thihnak tukin kal khat bek sam hi tih cu Topa i minin tiam ngam ing.”