1 SAMUEL 2:3 - Ngawm Bible

³ Ngal zetin, na tuangkhawnnak uhte cawl toh un; Pualthau zetmi na awnkam uhte cawl toh un. Itahim titale Topa cu ihempoh a theitu Pathian hi. Mihing tei bawlmi hempoh humah thukhentu hi.

1 SAMUEL 2:3 Iomraidhean Croise

1 KUMPI 8:39

a thungetnak cu hu ngai zalin hi. Na umnak vancung pen ngai inna, a sualnak cu ngaidamin, hu bawm zalin hi. Nangmah bekin mi hempoh tei lungmu cu thei ci. Mi pa khat hum tenah amu umdan bang tekin bawl inna,

JOB Laibu (The Book of Job) 31:6

Pathian amah in, a dikmi cuai tuah khai henna, ka sual ngawllam mu tuk poh hi.

SAAM LABU 147:5

A Topa uh cu a thawmngengmi le a Cungnungbel hi; A thil tihtheih dan cu teh theih tukmi hi ma hi.

SAAM LABU 17:10

Hehpihnak imah nei haw ma, pualthau zetin awn haw hi.

SAAM LABU 31:18

Mi ultungte le mi pualthaute, zotsaknak tuah mipha tei thu a sontu le, Zolthu a sonnak haw kam cu bin zalin hi.

SAAM LABU 44:21

Nangmah in thei khawng zo ci. Itahim titale nang cu mihing tei ngaihsut kuhmite a thei khawngtu ci.

SAAM LABU 75:5

A tuangkhawnnak haw tawp tukin le a ultunnak haw cawl tukin hilh ing hi,” ti hi.

SAAM LABU 94:4

Thilsual a bawltu ten ituk tian kaw tuangkhawng zetin le pualthau zetin, a sualnak haw a aupih haw tuk?

THUPAUCAP 16:2

Na bawlmi hempoh cu a pha ngeh hengin ngaisung tuk ci. Mahnaven Topa in, na lungmu zo hi.

THUPAUCAP 24:12

Hi cu ka nadeh hi ma tin umthong pahsun, Itahim titale Pathian in, na thu cu thei in, na lungmu zo hi. Nangmah cu zawldawt lelengin, na bawlmi bangin lulleh tuk hi.

THUPAUCAP 8:13

Topa kihcaknak cu sual huatnak khi hi. Uangkhonak le pualthaunak sualnak lampi le awnkam pha ngawl hua ing.

ISAIAH 26:7

Topa aw, mipha tei lampi cu tuangtik ci, a zui haw mi lampi cu lam phei hi.

ISAIAH 37:23

Na zotsakmi le na tam lihmi pa cu akua hum tin ngaisung kam? Israel i Pathian Thiangtho keimah ing hi!

JEREMIAH 17:10

Keimah, Topa in mihing tei ngaihsutnak cu mu ing a, a lungmu khingkhai ing. Mi hempoh amu nungcang bangin zo ing a, amu bawl bangin lulleh bok ing,” ti hi.

EZEKIEL 35:13

Ka humah pualthauzet le tuangkhawng zetin, na otlih mekmi cu za leng ing,” ti hi.

DANIEL 4:37

“Atu-in, keimah Nebuchadnezzar in vancung kumpi upat, pahcawi in, sunloih ing. A bawlmi hempoh cu a manmi le a dikmi hi, pualthauzet nadektu cu khiaksuk hi,” tin kumpi in ti hi.

DANIEL 5:27

‘Tekel,’ tihmi cu ‘cuai khai’ tihnak hi a, cuai khai na hih ten cuai kim ma ci tihnak hi.

MALAKHI 3:13

Topa in, “Ka thu la cu mawi ngawl zetin son uh ci. ‘Mahnaven na thu uh ka sonmi i um hum?’ tin ti uh ci.

HEBRU 4:12

Pathian i thu cu nungin, thil tithei hi. Lang nih a hiammi naam sangin hiam saw hi. Nunnak le hawvang a tawhdunnak haw le nguh le ling tei pehdunnak tianin paihlet veu in sunlet khawng thei hi. Mihing tei lungmu deihnak le a ngaihsutnak haw thei khawng hi.

JOSHUA 22:22

“Ihempoh tithei Pathian! Amah cu Topa hi. Ihempoh tithei Pathian pa khat bek hi. Amah cu Topa hi. A thil bawlnak thu uh Topa amah in thei hi. Noh Israel miten na theih uh kul hi. Topa cu do in, na zawnsak uh tale tuni in nungtik pahsuh un.

MANGMUHNAK 2:23

Amah zuitute vang that khawng tung a, mahten pawlpi hempoh ten mihing tei ngaihsutnak hempoh le deihnakte thei khawngtu ka hihlam thei haw tuk hi. Akua abang vang na bawlnak uh bangkekin pia kikleh tung hi.

THUKHENTUTE 9:38

Zebul in Gaal lakah, “Tuangkhawng li vecin, itin kaw? Ita Abimelek na cu dekli tuk kam hung titu cu nangmah hi ci. Hite cu nuihsuak bawlnakin, na manlihte haw poh si. Hawh inna, do vele!” tin ti hi.

1 SAMUEL 16:7

Mahnaven Topa in, a lakah, “Mi dingsau le mipiangzet ahi vangin zo nuam pahsun. Amah cu ka vawk zo mi hi, itahim titale mihing tei zohdanin zo mang. Mihing ten a pualam zo uh ci, kei in, a lungmu haw zo ing.”