1 SAMUEL 2:2 - Ngawm Bible

² Topa bangin a thiangthomi kuamah um haw ma; a Pathian uh bangin mihuptu suangpi kuamah um haw ma.

1 SAMUEL 2:2 Iomraidhean Croise

2 Samuel 22:3

Ka Pathian cu keimah humtu hi, amah cu ka himnak hi, Amah in lumphaw bangin hupin, a pat hangin him ing. Topa cu keimah pantu le huptu hi in, thisan luannak mun pen luattik hi.

2 Samuel 22:32

Topa amah bek Pathian hi, Pathian amah bek a ngal lumphaw uh hi.

2 Samuel 7:22

Maw Topa Pathian iti zahin thasiahhuai hi cim? Nangmah bang kuamah um haw ma hi; keimuh loli ka theih khawng zo bangin nangmah bang Pathian kuamah um haw ma hi.

1 KUMPI 8:23

“Topa aw, Israel i Pathian, vanah hihen, lei ah hihen, nang bang Pathian imah lai ah umma hi. Na thutepmi cu kimtik leleng ci, lungmu tak tuah a zuitu na mihing tei humah a cat awng ngawlmi itnak langtik ci.

SAAM LABU 111:9

A mihing tei lakah patnak hengtikin, amuh tuah kumkhua ca in thutepnak bawl hi. A thiangthomi le huham nei zetmi hi.

SAAM LABU 18:2

Topa cu keimah pantu le a khomi suangpi ka kulhtian hi. Ka Pathian cu ka belhmi suangpi hi; Aman lumphol bangin keimah cu khamsak hi. Ama sungah him ing.

SAAM LABU 18:31

Topa sial ngawl Pathian dang akua um him? A Pathian uh humah suangpi dang um maw?

SAAM LABU 71:19

Maw Pathian aw, na diknak cu van khong hi. Thasiahhuai nate bawl zo ci; Nangmah a bangtu kuamah um haw ma hi.

SAAM LABU 71:3

Ka buk mi suangpi hi zal inna, keimah huptu ngal kulhtian khohzet hi zalin hi. Nang cu ka himnak le ka ngal kulhtian hi ci.

SAAM LABU 73:25

Vancungah nangmah sial ngawl nei ing kaw? Nangmah sial ngawl leihumah akua um tuk kaw?

SAAM LABU 86:8

Topa aw, nangmah bangtu pathian dang umma hi. Na bawl theih mi bawl theitu kuamah umma hi.

SAAM LABU 89:6

Topa aw, vancungah nangmah bang kuamah um haw ma hi. Ilai vancungmi in nangmah bang thei tuk him?

SAAM LABU 89:8

Maw Topa Pathian, Cungnungbel, Nangmah bang a ngilmi kuamah umma hi. Topa aw, ihempoh ah nang cu muantak hi ci.

SAAM LABU 99:3

Mi hempoh ten a thawmngeng le a sunglawi mi a min cu pahcawi haw tuk hi. Amah cu thiangtho hi.

SAAM LABU 99:5

Topa a Pathian uh cu thangphat pahcawi un! A kumpi khunnak mai ah kuunin bia un! Amah cu thiangtho hi.

SAAM LABU 99:9

Topa a Pathian uh cu thangphat pahcawi un, A mual thiangtho ah amah bia un! Topa a Pathian uh cu thiangtho hi.

SUAHTULNAK 15:11

“Topa aw, leihum a, pathian dang tei lak pen, Nang a bangtu akua um kaw? Nangmah a bangtu akua um tuk kaw? Thianthohnakah lamdangzet ci, sunloihnakah zahhuai ci, Thil tihtheihnakah thasiahhuai hi ci.

ISAIAH 40:18

Pathian cu akua tuah tehkip thei kam nung? Akua tuah bang hum tih cu, itin kaw a sonciang theih tuk uh?

ISAIAH 44:6

Israel uktu le a huptu Topa Cungnungbel Topa in, “Keimah cu masabel le nungdawlbel ing hi; Keimah sialngawl Pathian dang umma.

ISAIAH 44:8

Ka mihingte, imah lau pahsuh un; Tanglaih pen atu khan tian a piang tukmi hempoh a laih ngawlin hilh ham zo ing; Mah thu na zak uh hangin keima thu theihpihtu uh ci. Pathian dang kuabek um haw maw? A ngilmi Pathian, ka theih awng ngawlmi um haw a maw?” tin ti hi.

ISAIAH 57:15

Keimah cu kumkhua a nungmi Pathian, a sangmi le a thiangtho Pathian ing. A sang le a thiangthomi humah um ing; mahnaven niamkhiatnak le sihkiknak na neih lehnak tukin lungkham mi le lungnem mi lak hei ah um ing.

ISAIAH 6:3

Pa khat le pa khat samdunin: “Thiangtho, thiangtho, thiangtho! Cungnungbel Topa cu thiangtho hi! A sunloihnak cu leihumah dim hi,” tin au haw hi.

JEREMIAH 10:6

Topa, nangmah bang kuamah um haw ma, na min cu thawmngengbel, huham nei sih hi.

THIAMPI NADEHNAK 11:44

Keimah cu Topa na Pathian uh ing hi, keimah ka thianthoh hangin, nohte vang thiangtho bok un hi.

THIAMPI NADEHNAK 11:45

Keimah cu na Pathian uh hi tukin, Izipt ngam pen a suahtultu Topa ing. Keimah cu a thiangthomi ka hih hangin nohte vang thiangtho bok un.

THIAMPI NADEHNAK 19:2

Topa in Moses nelah hi bangin hilh hi, “Keimah ka thiangtho bangbokin thiangtho un hi. Topa na Pathian uh ing.

ROM Khua Khristian Tei Lakah Paul i Laikuat (Paul’s Letter to the Romans) 15:4

Lai Thiangtho i zilhnak le sosuahnakte hangin muansannak a neihnak tukin Lai Thiangtho sung a ngatmi hempoh cu eimuhte thuzilhtu hi.

ROM Khua Khristian Tei Lakah Paul i Laikuat (Paul’s Letter to the Romans) 4:8

Topa in, a sualnak haw a tiamteh ngawlmi le, a sualnak haw cazin sungah a khum khak ngawlte cu mi lungdamte haw hi,” ti hi.

DAAN PIAKLEHNAK 3:24

‘Topa Pathian, na thawmngennak le thasiahhuai na lak tukmi cu a patnak bek hi laih hi, tih thei ing. Vanah hihen leihumah hihen nangmah bangin na ngengpi bawl theitu pathian kua mah um haw ma hi.

DAAN PIAKLEHNAK 32:20

“Amuhte bawmleh tukma toh ing, i suak haw tuk hum tih zo hih tung.” Hi mizol thei casuan le mi muantak ngawlte!

DAAN PIAKLEHNAK 32:39

Keimah bek, Keimah bebek hi Pathian hi ing hi, Pathian tatak cu hi ing. Adang kuamah um haw ma hi. That ing a, nungtikleh ing, liamsuah ing a, dam lehtik ing, Ka khut sung pen a doktul theitu kuamah um haw ma.

DAAN PIAKLEHNAK 32:4

Topa cu nangmuh nunpantu a ngilbel hi. A bawlmi hempoh cu dikcangin, cangkim hi. Na Pathian uh cu a dikmi le muantak hi. A dikmi le a manmi bek bawl hi.

DAAN PIAKLEHNAK 4:35

Amah bek Pathian hi, Amah sial ngawl pathian dang umma hi, tih na theihnak tuk uhin hi nate cu Topa in nohte lak hi.

DAAN PIAKLEHNAK 4:39

Mah hangin Topa cu vancung le leihumah Pathian hi, tih cu cing leleng unna, pathian dang um haw ma tih cu phawkngil hihim pahsuh un hi.

1 PETER 1:16

Lai Thiangtho sungah, “Keimah ka thiangtho bang bokin nangmuh vang thiangtho bok un,” tin um hi.