1 SAMUEL 2:1 - Ngawm Bible

¹ Hannah cu hi bangin thungen hi. “Topa in ka lungmu cu lungdamnak tuah dimtik zo hi. A bawlsa mi hangin ka lungdam. Ka ngalte cu nuihsan thei zo ing; A bop zo hangin ka lungdam.

1 SAMUEL 2:1 Iomraidhean Croise

2 KHANGSIALNAK 20:27

Topa in, a ngalte a nehtik nungten Jehoshafat le a ngalkapte cu Jerusalem ah nehnak lungdamnak tuah kikleh haw hi.

NEHEMIAH 11:17

Mika i capa le Asaf casuan Zabdi i tusin Matteniah lungdam thungetnak la a sak haw ten Matteniah cu la puitu hi. Matteniah bawmtu cu Bakbukiah hi. Shammua i capa le Jeduthun casuan Galal i tupa Abda.

JOB Laibu (The Book of Job) 16:15

Mithi ngai in um ing, ka vun khuhnak tukin thangkhau puan silh ing; Atu-in, leivul lakah lungbingin khung ing.

SAAM LABU 118:14

Topa in huham neizet le ngil zetin keimah bawl hi; Amah cu keimah pantu hi.

SAAM LABU 13:5

Mahnaven kei in, a kheel awng ngawlmi na itnak muang ing. Kei na luattik hangin ka lungdam tung.

SAAM LABU 148:14

Ama mihing tei ngam cu caktikin, a deihmi Israel, Ama mihing hempoh ten thangphat haw tuk hi. Topa cu thangphat un!

SAAM LABU 18:2

Topa cu keimah pantu le a khomi suangpi ka kulhtian hi. Ka Pathian cu ka belhmi suangpi hi; Aman lumphol bangin keimah cu khamsak hi. Ama sungah him ing.

SAAM LABU 20:5

Mahti bangin na neh hangin lungdamin, au tuk hung a, na nehnak cu Pathian thangphatin pahcawi tung. Topa in, na nget uh hempoh pia zal tahen.

SAAM LABU 21:2

Nehtu na hihtik hangin lungdamnak tuah dimin, a lungtupmi pia in; A ngetmi hempoh el ma ci.

SAAM LABU 35:9

Topa hangin ka thatui tung, kei a hup zo hangin ka thatui tung.

SAAM LABU 51:15

Topa aw, ka muk hong inna, nangmah thangphat tung.

SAAM LABU 71:8

Thalengin nangmah thangphat tung. Na sunloihnak thu than tung.

SAAM LABU 75:10

Amah in mipha ngawl tei huham cu siatsuah tuk hi; Mahnaven mipha tei huham cu khangtotik tuk hi.

SAAM LABU 89:17

Ngalnehnak nase zetin pia ci; Hehpihin nehtu hitik ci.

SAAM LABU 89:18

Itahim titale huptu tuk cu, Topa nangma ten mi hi. Israel tei a thiangtho Pathian nangmah in ka kumpi uh pia ci.

SAAM LABU 89:24

Amah cu it leleng tung a, ama ca in muantak hi leleng tung hi. Ngal neh lelengtu in bawl tung.

SAAM LABU 9:14

Jerusalem khuasung tei mai ah dingin, Nang ka pahcoihnak thu le late hilh tung. Na patsuah hangin lungdam thu hilh tung.

SAAM LABU 92:10

Nangmah in khuicang bangin caktik ci; Nunnopnak thupha muicu pia zo ci.

SUAHTULNAK 15:1

Moses le Israel miten hi la hi; Topa i lakah sa haw hi. “Thasiahhuai in, a neh hangin, Topa i lakah la sa tung. Tui sungah cipuh le a khungtu paivawk khawng zo hi.

SUAHTULNAK 15:21

Miriam in, a lak hawah, “Topa i lakah lasa un, sunglawi zetin neh zo hi; cipuh le cipuh ngalkap cu, tui sungah khe khawng zo hi,” tin sa hi.

HABAKKUK 3:1

Profet Habakkuk i thungetnak cu hi bangin hi.

HABAKKUK 3:18

Ka lungdamin ka thinnop leleng tung hi. Itahim titale Topa Pathian cu keimah pantu pa hi.

LUKA 1:69

Ohtei ca in, a ngil zetmi nunpantu suaktik zo hi, Amah cu a salpa David i casuan hi.

ROM Khua Khristian Tei Lakah Paul i Laikuat (Paul’s Letter to the Romans) 5:11

Hi bek hei kha ma laih hi; Pathian ngualcamin, a bawlsaktu a Topa uh Khrih hangin Pathian i thil bawlmi ah lungdamzet hung hi.

DAAN PIAKLEHNAK 33:17

Josef ngilnak cu sunglawi in, a zaangtha cu khuicang bang hi, A ki cu Manasseh mi a thawng a thawng le Efraim mi thawng sawm bang haw hi. Mah a ki tuah hinnam tampi khi in, Leipi mawktian nawkvawk hi,” ti hi.

FILIPI 3:3

Amuhte hi ngawlin eimuh saw lehlam hi a manmi vunceptalhnak a cotu hi saw hung hi; itahim titale Hawvang i hangin Pathian bia hung a, a nunnak uh cu Khrih Jesuh tuah a pehzop uhnak hangin lungdamnak dim hi. A pualam bawlnak i humah imah muan tuk nei ma hung.

FILIPI 4:4

Topa tuah na pehzopnak uhah lungdam leleng un; notleh hih tung lungdam leleng un!

FILIPI 4:6

I thu ah hei hihen lungmu tamin, um pahsuh un; thu na nget uh sial ten na kul uhmi cu Pathian nelah ngen unna, lungdam thatuino in ngen poh un hi.

1 PETER 1:8

Amah cu mu awng ma nave uhcin it uh ci, mu ma nave uhcin um uh ci. Mah hangin kam hei son zawh ngawlmi a sunglawimi lungdamnak nei uh ci.

MANGMUHNAK 18:20

Maw vancung, Babilon siatnak hangin lungdamin! Pathian mite aw, tiikmi le profette lungdam thatui in um un. Itahim titale noh tei hum a, thil a bawlmi hangin Pathian lak pen dantatnak tawk zo hi.

1 SAMUEL 1:6

Ca nei ngawl a hih hangin Peninnah in Hannah cu bawlsia in, a zakcatik mek hi.

1 SAMUEL 1:7

Kum khat nung kum khat hitih bangin bawl hi. Topa i innah a hawh haw ten Peninnah in Hannah cu thasiatik mek a hih ten Hannah cu an hei ei ngawlin kap mek hi.