1 SAMUEL 15:3 - Ngawm Bible

³ Hawh inna, Amalek cu na do un hi. A neihmi hempoh haw siatsuah khawng un. Imah khawih pahsuh un; pano, numei, naupang le a hingsem nauno tianin that khawng un hi. Khui, tuu, kalauk le laak hei that khawng un,” ti hi.

1 SAMUEL 15:3 Iomraidhean Croise

PIANPATNAK 36:12

Esau capa Elifas i zineu pa khat cu Timna hi a, Amalek hing hi. Hi cu Esau zi Adah i cate na hi haw hi.

2 Samuel 1:8

‘Akua nge cim?’ tin dongin, ‘Amalek mi ing,’ tin ti ing.

SUAHTULNAK 17:14

Topa in Moses lakah, “Cin leleng tukin, hih ngalnehnak thu hi laibu sungah nganin; mahten Joshua vang hilh inna, Amalek mite cu pailal khawng tukin bawl tung,” ti hi.

SUAHTULNAK 20:5

Milim bia pahsuh un; a maiah na lu uh hei kun pahsuh un, itahim titale keimah cu Topa na Pathian uh ing hi a, micing thei Pathian ing. Keimah a haw tu tei humah a sualnak haw hangin dantat tung a, a casuan tei khan, khang thum khang li tian dantatnak hengtik tung hi.

MIPUM SIALNAK 24:20

Balaam in muhnak a neihmi ah, Amalek mite mu in hi ti bangin awn hi. “Amalek cu hinnam lak pen a ngilbel hi. Mahnaven a nungdawlbel ten kumkhua in pailalta tuk hi,” ti hi.

MIPUM SIALNAK 31:17

Mah hangin Pano pawpoh naupang tiangin that unna, pano a phial awng sa mi numei hempoh vang that khawng un hi.

JOSHUA 10:39

A kumpi haw cu manin, mah khua le a elkim a um khua la haw hi. A mihing haw venghawng that khawng haw hi. Hebron le Libnah khua mite le a kumpi haw a thah khawng haw bangbokin, Debir khua mite le a kumpipa vang khawih ngawlin that khawng haw hi.

1 SAMUEL 14:48

Ngalpha zetin do in, Amalek vang neh hi. Israel mi a dotu tei khut sung pen hum ngah hi.

1 SAMUEL 15:18

Mipha ngawl Amalek mite that khawng tukin Topa in thupia in, a venghawngin, na thah khawng laklawh do tukin komno in tiam hi.

1 SAMUEL 15:9

Saul le a ngalkap ten Agag i nunnak cu khawih haw in, a phabel tuu le khui, a phabel tuuno le khuinote le a pha a tih haw pawpoh cu that haw ma hi. Nemcuamnak nei ngawlmi le man nei ngawlmi hempoh cu that belh haw hi.

1 SAMUEL 22:19

Mah humah thiampi khua a tih lih haw mi Nob khuasung a ummi hempoh thah khawng tukin Saul in thu a piak hangin pano hihen, numei hihen, naupang hihen, nauno hei hihen, khui, laak le tuu tianin that khawng haw hi.

1 SAMUEL 27:9

numei hihen, pano hihen, that khawng mek haw hi. A tuu haw, a khui haw, a laak haw le a kalauk haw la in, a puan haw tianin sut khawng haw hi. Akhish lakah a henkik ten

1 SAMUEL 30:17

David in zingtungno pepan taklam khuathim tian do hi. Tangval za li cu kalauk hum kungin tai ngah haw hi. Mahte sial ngawl cu pa khat hei suakca ngawlin that khawng haw hi.