1 SAMUEL 10:3 - Ngawm Bible

³ Mahlai mun pen hawhin, Tabor a tih haw mi mun a, sasua kungpi na hen ten Bethel khua ah Pathian lakah biakpiaknak pia tukin a hawh papi pa thum tawk tuk ci. Pa khat pa in keelno pa thum pui tukin, pa nihnak pa in cangho zawl thum keng tuk hi. A pa thumnak pa in savun thawl dimin sabittui keng tuk hi.

1 SAMUEL 10:3 Iomraidhean Croise

PIANPATNAK 28:19

Jakob in mah mun cu Bethel tin a minsa hi. Mah laihngawlin mah khua cu Luz tin sam haw hi.

PIANPATNAK 28:22

Hih ka phutmi phawhngilh ngawlnak suangphut hi, Pathian nangma inn hi tuk a, keimah na piakmi hempoh sung pen seh sawm seh khat pia loli tung hi,” tin thutiam hi.

PIANPATNAK 35:1

Pathian in Jakob lakah, “Na tuangtimin, Bethel ah hawh inna, cengin hi. Na u Esau lak pen na tai laihin, na lakah a langmi, Pathian keima ca in biaklan pa khat dawhin hi,” ti hi.

PIANPATNAK 35:3

Hilai mun pen tulin Bethel ah hawh tuk hung. Mahlai a, ka vahvaihnak hempoh ah a umpihtu le ka thinsuknak hempoh pen ka ngam muangtiktu Pathian ca in biaklan dawh tung,” ti hi.

SAAM LABU 89:12

Hanglam le saklam vang nangma bawlmi hi. Tabor mual le Hermon mual ten lungdamin, na nelah lasa haw hi.

JEREMIAH 32:8

Topa in, a hilh ceng bek ten Hanamel cu ka umnak khansungah hungin lo leitik hi. Mah hangin Topa in ka lakah a otmi hi man hi tih thei ing.

THIAMPI NADEHNAK 1:10

Kua hei hihen a tuuhon sungta ahimata keelhon sungta biakpiaknakin, a mang tale, sonbang ngawlmi tuucang ahimata keelcang hi tuk hi.

THIAMPI NADEHNAK 23:13

Mahmi tuah mun khatin olif thau tuah cawhhelmi sangvut vawh khat cu an tuah biakpiaknakin mang un. Hihi cu Topa i nelah namtui mi hi. Mah hum pen sabittui khuat nih vang pia cih un.

THIAMPI NADEHNAK 3:12

Mi pa khatin keel a pia tale,

THIAMPI NADEHNAK 3:6

Lemnak biakpiaknak tukin tuu ahimata keel hihen a piak haw ten a nu ahimata, a cang hei hi thei; mahnaven sonbang ngawlmi hi loli tuk hi.

THIAMPI NADEHNAK 7:13

Mah hum pen naman cawhhel ngawlmi cangho em pia tuk hi.

JOSHUA 19:12

Sarid khua pen a ngalkhat lam a, ngamngi cu nitumnak lamah hawh hi. Chisloth Tabor pen Daberath ah hawhto lehin, Jafia tian heng hi.

JOSHUA 19:22

A ngamngi haw cu Tabor, Shahazumah le Beth Shemesh khua bang thahin Jordan ngunah tawp hi. A venghawng haw in khuapi sawm le khua luk um haw hi. A elkim hawah vang khuano dang um bok laih hi.

THUKHENTUTE 20:18

Israel mite cu Bethel khua Pathian biaknak munah hawh haw in Pathian nelah, “A koi hinnamin kaw Benjamin hinnam do masabel tuk?” tin dong haw hi. Topa in, “Judah hinnam ten do masa hen,” tin ti hi.

THUKHENTUTE 20:27

Pathian Thutiam Kuang cu Bethel ah umin,

THUKHENTUTE 4:12

Sisera lakah, Abinoam i capa Barak cu Tabor mualah heng zo hi tin, a hilh haw ten,

THUKHENTUTE 4:6

Ni khat cu Deborah in mi hahin, Naftali ngam Kedesh khuapi a ummi Abinoam i capa Barak samtikin, a lakah, “Topa Israel Pathian in, nangmah thupia hi, “Hawh inna, na mihingte cu Tabor mualah pui in, Naftali le Zebulun hinnam tei sung pen ngalkap thawng sawm la in, ti hi ma maw?

THUKHENTUTE 8:18

Zebah le Zalmunna cu Gideon in, “Tabor ah na thah uhmi mihing cu akua kaw?” tin dong hi. Amuh ten, “Nangmah bang hi haw hi. A venghawngin kumpi capa bang khawng haw,” ti hi.

1 SAMUEL 10:4

Nuksat haw tuk a, cangho zawl nih a piak haw ten sangin hi.