1 PETER 5:8 - Ngawm Bible

⁸ Cingcaizet le ngalling zetin um un! Na ngalpa uh Dawihmangpa cu mat tuk zei in, a thum limi kiosa bangin vak kawkawi li hi.

1 PETER 5:8 Iomraidhean Croise

Esther 7:6

Esther in, “Keimuh a langpangtu le a bawlsiatu cu hi mi ngilo Haman hi,” ti hi. Mahlai takin Haman cu kumpi pa le kumpinu mai ah a tihnak tuk theih ngawlin, cantawtok li thong hi.

JOB Laibu (The Book of Job) 2:2

Topa in, “Ilai lam pen hung nge cim?” tin dong hi. Satan in, “Leihum buppi ah suk le to in, ka vah kawkawi nikneknak pen hung ing,” tin don hi.

SAAM LABU 104:21

Pawpino cu an a zei haw laih takin hawkin, Pathian i piakmi an zei haw hi.

SAAM LABU 109:6

Ka ngal pa i thuson tukin thukhentu mipha ngawl tengin koihin hi. Itahim titale mihing tei bopnak cu man nei ma hi. A ngalpa leng cu sual nawntu in koihin hi.

THUPAUCAP 19:12

Kumpi thinuknak cu kiosa thum bang hi. Mahnaven a hehpihnak cu hampa hum a daita bang hi.

THUPAUCAP 20:2

A thinukmi kumpi cu a hawk khu khummi kiosa na lau bangin lau in hi. Amah a thinuktik tu cu amah le mah thatdun tuah bangten hi.

THUPAUCAP 28:15

Uktu pha ngawlin a uk ten mi ca-ngah nautate cu pantu nei haw ma hi, Uktu ngilo cu a hawk li mi kiosa, an zei a vai li mi vom bangin lauhuai hi.

ISAIAH 50:8

Itahim titale Pathian cu ka elah umin, thiancotik tuk hi. Sual a nawn ngamtu akua um haw kaw? Thukhennak munah hawh pah nung. Sual nawn himpo haw hen!

JEREMIAH 2:15

A ngal ten kiosa bangin a auh san haw? A ngam haw cu phillawnah cangtikin, A khuapi haw cu khualopah bawlin taisan khawng haw hi.

JEREMIAH 51:38

Babilon mite cu kiosa bangin kio haw tuk a, pawpino bangin ham haw tuk hi.

EZEKIEL 19:7

Khua sung kulhtiante pheletin, khua tampi siatsuah hi. Nase zetin, a kio ngungun ten ngamsung mihing ten lauzet haw,

EZEKIEL 22:25

A hotute cu a matsa haw ngamsa tei humah a thum limi kiosa bang haw hi. Mi thatin, a ngah theih haw zahin, sum le nate laksak haw a, mi a thah haw hangin numei tamzet cu meivong suaktik haw hi.

DANIEL 6:24

Kumpipa in Daniel sual a nawntute cu a zi le canote tuah manin, kiosa khumnak sungah khia tukin thupia hi. A thupiakmi bangin manin, kiosa khumnak sungah a khiak haw ten lei a hen haw laih ngawlin kiosa ten dawkin, a nguh haw tianin cep siksek khawng haw hi.

HOSEA 11:10

“A ngal tei lamah kiosa bangin hawk tung a, ka miphun ten zui in, nitumnak lam pen manlang zetin zuan haw tuk hi.

HOSEA 13:8

Ano lonsakmi vompi bangin nangmuhte manin botlai tung. Kiosa bangin na umnak mun uh pen ei khawng tung. Sahang bangin nangmuhte zan niknekin botkek tung.

JOEL 3:16

Topa i thawm ngengnak cu Zion Mual pen thumsuk tuk hi. Jerusalem pen a aw suah tuk a, lei le van hing khawng tuk hi. Mahnaven a mihing tei ca in Topa cu a buknak haw hi. Israel tei ca in panmun khualnak mun hi.

AMOS 1:2

Amos in, “Topa cu Zion Mual pen au sukin, A aw cu Jerusalem pen vanthum bangin nging hi. Tuu tei tatnak hampa ko zo. Karmel mualhum a, hampate ko khawng zo,” ti hi.

AMOS 3:4

Kiosa cu sa matmi amu ngawl ahin, tupi sungah ham li a ni maw? Pawpino cu sa matmi a nei ma ahin, akua sung pen ham li ni maw?

AMOS 3:8

Kiosa in, a thup ten a lau ngawl kua um tuk hum? Cungnungbel Topa a ot ten a otmi tangau pih ngawlin kua um thei tuk hum?

ZEKHARIAH 11:3

Ngam uktute thasia le khawngai in kap haw; A sunloihnak haw bo zo hi. Kiosa tei hawk lih cu ngai ten un! Jordan ngun mawk, tupi sung a, innte cu siatsuah khawng zo hi.

ZEKHARIAH 3:1

Muhnak a dang pa khatah, Topa in, Thiampi Sang Joshua cu Topa i vancungmi mai ah a din leng khi lak hi. Joshua elah a sual zei tukin satan ding leng cu mu ing.

MATTHAI 13:39

Hampa ci a vawhtu a ngal uh cu Satan pa hi. Ankung cop cu hun bonak hi in, ankung cawmtute cu vancungmite haw hi.

MATTHAI 24:42

“Mah hangin ngallingin um un; ituk ten na Topa heng tuk him tih thei ham ma uh ci.

MATTHAI 25:41

“Mahten a veilamah a um tei lakah, ‘Noh Pathian i tamsiat mite ka lak pen tai un. Satan le a zuitu tei ca in bawlsa, a mit awng ngawl meipi sungah hawhta un.

MATTHAI 4:1

Satan i sualsoh tukin Jesuh cu Hawvangin ngamkhingah hawhpih hi.

MATTHAI 4:11

Mahten Satan in taisan a, mah nungten vancungmite hungin tuamlawm haw hi.

MARKA 4:15

Lampi lakah a cumi ancite cu Pathian thu a zak bek haw ten Satan hung paihin, amu sung a Pathian thu cu lonsakta hi.

LUKA 21:34

Jesuh in, “Ngallingin um un! Puai bawlin zu inthah le sa ei hei in hihen, nun khuasaknak helhkamin, na umta pahsuh un hi; na um sual uh tale na phawhkhak uh ngawlin mah Ni cu heng tuk hi.

LUKA 21:36

Ngalling zetin um unna, a heng tukmi thil hempoh himdamno nawkvawk theihnak tukin le Mihing Capa i mai ah na din theihnak tuk uhin tawp ngawlin thungen un,” ti hi.

LUKA 22:31

Jesuh in, “Simon, Simon! Ngai in! Lobung pa in ancang le a sivai a khen bangin Satan in nohtei lakah a sia le pha deidan tukin le na venghawng uhin, a bawlsiat theihnak tuk thu ngah zo hi.

JOHAN 8:44

Nohte cu na pa uh Satan i ca hi uh ci. Na pa uh i deihnak bangin nungca nuam uh ci. Amah cu a pattung himpo in laithat hi. Thutak khi ituk mahin len awng ma hi. Itahim titale a sungah thutak umma hi. Zolthu a son ten a bawl lih sa mek bawlleh sal cu poh hi. Itahim titale amah cu zolthu son theimi hi a, zolthu hempoh i pa hi.

2 KORIN 2:11

Mahti bangin ka ngaihthiamnak cu satan in eimuhte neh ma hen tih ka deihnak hangin hi. Satan i tuptahmi tale theithei sih hung hi.

EFESA 4:27

Satan khi hunpha pia pahsuh un.

EFESA 6:11

Satan zolnak do thei tukin Pathian piakmi ngalthuam khi silh un.

1 TIMOTE 2:15

Mahnaven numei ten lungnemin, itnak upnak le thianthohnak sungah a khohkhah haw tale ca a neihnak haw i hangin nunpat hi haw tuk hi.

1 TIMOTE 2:9

Numeite vang cu a zoh mawi in um haw hen na, zoh mawi in paallel haw hen. A sam haw cu a tom haw ten a valin tom haw pahsuh hen; neih le lam, sui, suang manpha le nikcen puansilh manphazet tuah thuam haw mahen.

1 TIMOTE 3:11

A zite haw vang ziaza pha mi hi tuk a, mi sonsia in kamtam mi hi haw pahsuh hen, zu a in ngawlmi hi haw tuk a, ihempoh ah mi ngeikhei zetmi hi haw hen.

1 TIMOTE 3:2

Pawlpi lamhuaitu cu khelhnak nei ngawlmi tuk hi. Zi pa khat bek neitu, zu a in ngawlmi, mah le mah ukdun thei mi, zohlemin, a nungmi, mikhual zothiamtu le mi a zilhthiamtu hih kul hi.

2 TIMOTE 4:17

Mahnaven Pathian cu ka lakah umin, thazaang pia hi. Mah hangin Thuthangpha cu cangcian zetin Gentail mi hempoh tei lakah hilh thei ing a, thihnak tawk ngawlin luat ing.

TITUS 1:8

Mikhual le danglengte zothiamtu hi henna, thilpha a ngai na mi hihen. Amah le mah ukdun theitu hi henna, midik, mi thiangtho le ziaza pha mi hihen.

TITUS 2:12

Mah hehpihnakin Pathian ziaza tuah a lemcang thei ngawlmi nundan le leihum tisa nopnakte zamsan tukin zilh hi. Mahten mah le mah ukduncop theimi le diknak le hi leihumah Pathian tuah a lemcangmi ziaza tuah a nun theihnak tuk uhin hilh sih bok hi.

TITUS 2:2

Papi deuh ten zu poh cu in pahsuh un, lungmu ciangkai zetin um un, mah le mah ukdun theih tum un, upnak dik, itnak le haksat thuak theihnak neimi hi un, tin zilhin hi.

TITUS 2:4

Nupi deuh ten khangno deuh numeite cu a pasal le a cate it deuh tukin, mah le mah ukdun theitu hi tukin le mithiang a hih theihnak haw tukin a pasal tei khut nuai ah niamkhiat thiamin, zi pha a can theih hawnak tukin zilh inna, hilhin hi. Mahten Pathian lak pen a hungmi thuthang cu kuamah in sonsia haw tukma hi.

TITUS 2:6

Mahtibang bokin tangvalte vang mahleh mah ukdun theitu a hih theihnak haw tukin sosuahin hi.

JAMES 4:7

Mah hangin Pathian deihnak a zuitu hi un. Satan cu do unna, nangmu lak pen tai paih tuk hi.

1 PETER 1:13

Mah hangin nadek pan tukin na lungmu uh tuangtim sa in um un, ngalling sa in um unna, Jesuh Khrih a lang ten na ngah tuk uhmi thupha muicu laksawng humah na ngaihsutnak uh a venghawngin nga un.

1 PETER 4:7

Ihempoh ca in hun dawlbel ni heng awndiak toh a hih hangin phazetno in thu na nget theihnak tukin supnak nei in, lungmu cihnak tuah um un.

MANGMUHNAK 12:10

Mahten vancung pen aw nging zetin hitin aumi za ing hi, “Pathian i nunpatnak cu heng zo hi. Pathian in kumpi bawi a hihnak huham langtik zo hi. Khrih in, a thuneihnak langtik zo hi. Itahim titale Pathian mai ah dingin sun le zanin, a unaupih uhte sualnawntu cu vancung pen vawk hi zo hi.

MANGMUHNAK 12:12

Mah hangin van le a sung a um hempoh ten na lung uh dam un. Mahnaven lei le tuipi ca in izah lauhuai him! Itahim titale khawhuai cu nohtei lakah hengsuk zo in, hun tam a neih ngawllam a theih hangin a thinuk mahtak hi.”

MANGMUHNAK 12:9

Ngulpi ngengpi, tanglaih ngulpi, Dawi ahimata Satan tin sammi, lei buppi zoltu cu van pen vawksukin um zo a, a vancungmite vang amah tuah um haw hi.

MANGMUHNAK 20:10

Mahten amuhte zoltu Satan cu sahang le profet manngawl a vawknak haw tuiting bangin a tingmi meipi le kaat mei sungah vawk haw hi. Mahlai ah sun le zan haksa le bawlsia in um cimit haw tuk hi.

MANGMUHNAK 20:2

Mah vancungmi in tanglaih a ngulpi, Dawi mangpa a himata Satan cu manin, thik taicin khau tuah khih a, taw nei ngawl khukpi sungah kum thawng khat sung khia hi.

THUKHENTUTE 14:5

Samson cu a nu le pa tuah Timnah ah hawhsuk haw hi. Timnah sabit huanah a um haw laihin, Samson cu pawpino pa khatin thum hi.