1 PETER 5:5 - Ngawm Bible

⁵ Mahtibang bokin noh khangnote nangmuh sangin kum upa saw tei thu khi ngai tuk uh ci. Na venghawng uhin niamkhiatnak tuah thuam unna, pa khat le pa khat bawmdun un. Itahim titale Lai Thiangtho in, “Mi tuangkhawngte cu Pathian in do in, mi niamkhiatte cu mitmai pha pia,” ti hi.

1 PETER 5:5 Iomraidhean Croise

2 KHANGSIALNAK 6:41

Topa Pathian, atu-in tho inna, ngilnak langtiktu Thutiam Kuang tuah Biakinn sungah tum inna, kumkhua in um leleng zalin hi. Thiampi tei nadehnak hempoh ah muicu pia inna, a hum hawah na phatnak hangin, na mihingte cu lungdam thatui lelengin, um haw hen.

JOB Laibu (The Book of Job) 22:29

Pathian in mi pualthaute khesukin, mi nuai a umte pan hi.

JOB Laibu (The Book of Job) 29:14

Dikcangnak cu puan bang silh ing, Dikcang zetin thukhennak cu puancual le lupawng bangin silh ing.

SAAM LABU 132:16

A thiampite cu a nadehnak haw hempoh pen muicu pia tung a, a mihingte cu lungdamin, au thahin, lasa haw tuk hi.

SAAM LABU 132:9

Na mihingte pantu cu nangmah hi ci. Thiampi ten tang aupih haw hen. Na mihingte lungdamin au haw hen.

SAAM LABU 138:6

Topa cu a sangbelah um naven, mi nauta tei ca ngaisung hi; A mitmuh pen mi pualthaute cu ngelh thei haw ma hi.

THUPAUCAP 25:7

Itahim titale hilai ah khungin tih cu, nangmah sangin a upa saw mi khunnak kianin tih sangin pha saw hi.

THUPAUCAP 3:34

Mi imah simsial ngawltute cu imah simsial bokma, mi niamkhiattu tei humah a ihnak langtik hi.

ISAIAH 57:15

Keimah cu kumkhua a nungmi Pathian, a sangmi le a thiangtho Pathian ing. A sang le a thiangthomi humah um ing; mahnaven niamkhiatnak le sihkiknak na neih lehnak tukin lungkham mi le lungnem mi lak hei ah um ing.

ISAIAH 61:10

Topa i thil bawlnak hangin Jerusalem cu a lungdam tuk hi. Huaidunnak tukin van a thuamdunmi monu bang haw hi. Pathian in patnak le nehnak tuah thuamtik zo hi.

ISAIAH 66:2

Lei le vante cu keima semsuahmi haw hi. Lung nemmi, sihkiknak lungmu neimi le ka thu zui in, a kihca tei humah ka lungdam hi.

EZEKIEL 26:16

Tuipi thuanthum hum a khualzin miphun tei kumpi hempoh cu a khunnak haw hum pen tolh haw tuk hi. A puancual haw le a puan coihte dukin, lei ah cantawtokin khung haw tuk hi. Na thuak daan amuh haw ten a mulling haw tuk a, lau ngawlin um thei haw tukma hi.

DANIEL 11:12

Mahti bangin a ngual zawhnak le Siria ngalkap tampi a thah hangin tuangkhawngzet tuk naven, ngual zo leleng tukma hi.

THIAMPI NADEHNAK 19:32

“Kum upa upat unna, kihcaknak nei un. Keimah kihca un. Keimah cu Topa ing.

LUKA 22:26

Mahnaven nohte cu mahti bang hi kha tukma uh ci. Nangmu lak pen upabel cu nautabel bangin um tuk a, hotubel cu umlawh bangin um tuk hi.

ROM Khua Khristian Tei Lakah Paul i Laikuat (Paul’s Letter to the Romans) 12:10

Khristian unau ten na hih uh hangin pa khat le pa khat sunsak dunzetno in itdun un hi. Pa khat le pa khat maizah dunnak thiam un hi.

ROM Khua Khristian Tei Lakah Paul i Laikuat (Paul’s Letter to the Romans) 13:14

A Topa uh Jesuh Khrih khi ngaldonak thuam bangin silh unna tisa sual nuamnak le nopsaknak hun khi tawp toh un hi.

EFESA 5:21

Khrih na upatnak uh hangin pa khat le pa khat i deihnak khi zuidun un hi.

FILIPI 2:3

Mi nautat nimnak nei in, mai matan bek ngaisungin le mai minphatnak tuk bek zei in imah bawl pahsuh un hi. Pa khat le pa khat niamkhiat dunnak nei unna, midang sangin pha saw deuh ing tin, itik mah hei ten tidun pahsuh un hi.

KOLOSE 3:12

Noh cu Pathian i mihingte hi uh ci. Nangmuh it zetin, ama ca in, a tenmite hi uh ci. Mah hangin hehpihnak, niamkhiatnak, thinnemnak le thinsaunakte cu puan bangin silh un.

1 TIMOTE 5:1

Nangmah sangin upa sawte khi liat pahsun hi; na pa bangin ngaisung inna, hanthawn saw in hi. Khangno deuhte khi na unau bangin ngaisungin hi.

HEBRU 13:17

Nangmuh lamhuaitu tei thu ngai unna, a thupiaknak haw bangin zui un. A nadeh dan haw cu Pathian mai pen phuangleh khawng tuk a hih tak cawlngawlin, a cinkhawinak haw hi. A thu haw na ngai uh tale lungdam thatui in, a nadek haw tuk hi; a thu na ngai uh ma tale thasiatnak tuah dek haw tuk a, mahmi cu noh tei ca nemcuamnak um hihim tukma hi.

JAMES 4:6

Mahnaven Pathian i piakmi hehpihnak cu mah sangin ngil saw hi. Hi lai thiangtho i tihnak bangbokin, “Pathian in mi pualthaute do in lungnem mite hehpih hi.”

1 PETER 3:8

A dawlbelnakin ka sosuah nuammi cu ngaihsutnak munkhat le lungmu munkhatno in um un; unau bangin pa khat le pa khat itdun unna, pa khat le pa khat hehpih dunnak nei in, lungnem un.

1 PETER 4:1

Khrih cu a tisa in haksatnak a thuak hangin nangmuh vang ama lungmu bang nei in, na zaangtha uh khohtik un. Itahim titale tisa haksatnak a thuaktu cu sualnak sungah telleh ma zo hi.

1 PETER 4:5

Mahnaven amuhte cu a nungmi hihen, a thi mi hihen thukhentu Pathian mai ah a nundan haw phuang copleh haw tuk hi.