1 PETER 5:2 - Ngawm Bible

² Pathian i piakmi tuuhon cingtu hi un; Phu thathahin, a cingtu hi ngawlin Pathian i itnak bangin, lungtho zetin cingtu hi un. Na nadeh uhten thaman ngah nuam hangin dek hi ngawlin itnak tatak tuah dek saw un hi.

1 PETER 5:2 Iomraidhean Croise

2 KUMPI 12:6

Mahnaven kumpi Joash in ngam a uknak kum sawm nih le kum thum a kim ten, thiampi ten Biakinn cu imah lem haw ma laih.

SOLOMON LA 1:8

Zozaam cam laklawh pen, ngaihno mawibel ci? Hawhnak na thei ma tale; zui pah ni ci, tuunote mu tuk poh ci, na keel ca in, tuucing buk elah hamdawn.

ISAIAH 40:11

Tuucing bangin a tuute cu cingkhawi tuk hi; tuuhonte cu hulawmin, a angsungah cawi tuk, a pi haw cu demhetno in hawhpih tuk hi.

ISAIAH 56:11

A hampumdan haw cu khamtih nei ngawl uico bang thong haw hi. Theihtupnak nei ngawl hotu hi haw hi. A venghawng haw in amu deihmi bek bawlin, amu metnak tuk bek zei haw hi.

ISAIAH 6:8

Topa in, “Akua kaw ka hah tuk? Akua kaw ka kamtai hi tuk? a tih za ing.” Kei in, “Keimah hawh tung! Hu hahin,” ti ing.

ISAIAH 63:11

Mahnaven a bosa mi hun, Topa nadektu Moses i hun laih phawk kiklehin, “A mihing hotute tuipi pen a nunpantu Topa cu atu ilai ah kaw? Moses lakah ngilnak huham a dang cuampengin, a piatu Topa cu ilai ah kaw?

JEREMIAH 13:17

Mahmi thu na ngai nuam uh ma tale, na tuangkhawn uh hangin a kuhno kap tung hi. Kap tung a, ka mit hitui nase zetin luang tuk hi. Itahim titale Topa i mihingte cu sal matmi in cang khawng zo haw hi.

JEREMIAH 13:20

Jerusalem zo hemin! Na ngalte saklam pen hung haw hi. Nangmah cingkhawi tukin a piakmi mihingte na uanpih zetmi mihingte cu ilai ah haw kaw?

JEREMIAH 6:13

Hi ngam mite akua kua hei hihen, a ngeng a neu in, thuman ngawllam bekin sum ngah tuk tum haw hi. Profet le thiampite hei in mizol haw hi.

JEREMIAH 8:10

Mah hangin a lo le lam haw cu midang pia tung a, a zite cu midang tei angsungah hengtik tung. A venghawng haw a neu, a ngengin, a man ngawlin tangka metnak cu zei haw, profet le thiampite hei in, mipite zol haw hi.

EZEKIEL 34:23

Amuh cingtu tukin ka nadektu David bang kumpi pia tung a, cingkhawi tuk hi.

EZEKIEL 34:31

“Noh ka tuute, ka cawmmi ka tuu honte cu ka mihing hih uh ci. Keimah hi na Pathian uh ing. Cungnungbel Topa in,” ti hi.

EZEKIEL 46:24

Mahpa in, “Hi anbukte hi biakinn nadektu ten mipi tei biakpiaknak a piakmi cik a huannak haw mun hi tuk,” ti hi.

MIKAH 3:11

Khuapi uktu bawi ten nawhthuh la in, mi uk haw; thiampi ten sum ngah nuamin, Thukham laibu hilhcian haw a, profet ten sum deihin, mailam thu phuang haw; mahten a venghawng haw in, “Kohtei nelah Topa um hi,” tin ti khawng haw hi. “Keimu humah thilpha ngawl imah heng tukma. Topa cu kohtei nelah um,” ti haw tuk hi.

MIKAH 5:4

Amah a hun ten Topa i ngilnak le Topa Pathian i huham tuah a miphunte cu uk tuk hi. Leihum mi hempohin, a thawm ngengnak amuh haw hangin a mihingte cu himdam zetin um haw tuk a,

MIKAH 7:14

Topa, na tenmi na mihingte hi tuu bangin cing in hi. A elkim haw a, ngamte cu ngamphazet hi haw in, amu umnak cu ngamkhing hi a, mahlai munah amuhte bek um haw hi. Ngam phatnak Bashan le Gillead ah hawhlehin ni dang laihin, a um haw bangin an khamin, umleh haw hen.

ZEKHARIAH 11:17

Mahtibang tuucingpa cu a lampi bingin, a bo hi toh hi. A tuute zamsan zo hi. A huham hempoh ngal ten siatsuah khawng haw tuk hi. A baan zawng tuk a, a taklam mit caw tuk hi.”

MALAKHI 1:10

Ihempoh tithei Topa in, “Ka biaklandawh humah a nemcuam ngawlmi meivak kha tuk ngawlin, nangmu lak pen pa khatin biakinn kongka khak unna, awi ing. Na hum uhah lungdam mang; na cawi uhmi biakpiaknakte cu sang tuk mang.

MIPUM SIALNAK 18:7

Mahnaven nangmah le na capate bekin biaklandawh le Mun Thiangthobel sung a, thiampi nadeh cu dek khawng un hi. Thiampi nadeh cu ka piak zo hangin, na dehvo uh hi. Hi nate dek tukin a tak ngawl mite cu na thiangtho elah, a hung haw tale thah hi haw tuk hi,” ti hi.

LUKA 12:32

“Tuuhonno aw, lau pahsuh un hi. Itahim titale noh tei lak a Vancung Uknak piak cu na Pa uh i lungdam mi hi.

NUNGZUITU 20:29

Keima hawh nungten a lauhuai cingne hang hengin tuuhonte hi zo thong haw tukma hi, tih thei ing.

NUNGZUITU 21:13

Mahten Paul in “Ita hitin um kam uh ci! Hi bangin na kap uh tale ka thinnatik sesem tuk uh ci. Topa Jesuh ca in keen le khih bek hei in, tham ngawlin thih tuk tianin mansa zo ing,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 1:15

Mah hangin Rom khua a um nangmu lakah vang Thuthangpha phuang tuk cu ngakhel mahtak ing.

1 KORIN 9:7

Akua kaw mai tangka mangin ngalkap a dek awng? Lobungtu pa in, a lo sung pen a suakmi sabit cu ei ngawlin um awng maw? Tuucingpa in, a tuu nawitui in ngawlin um awng maw?

1 TIMOTE 3:3

Zukham misil hi tukma, thinsup thei ngawlmi, midang tuah a haudun theimi, mi ngilo, iksiknak neimi le phuciak theimi hi ma hen, mahnaven lungnemmi le lemdaihnak a deihtu hi tuk hi. Sum deih leitatu hi tukma hi.

1 TIMOTE 3:8

Pawlpi upa cu ziaza pha neimi le lungmu manmi hihen, zu a in ngawlmi le tangka lamah hampum leita mi hi haw ma hen.

TITUS 1:11

Mahmi cu kham kul hi. Itahim titale zilh tuk ngawlmi a zilh haw hangin innkua tampi buaitikin, a zilhnak haw cu zahcakhuai zetmi sumpai deihnak thong hangin hi.

TITUS 1:7

Itahim titale pawlpi lamhuaitu cu Pathian na dehvo a neitu a hih hangin mawhsiatnak tuk a nei ngawlmi hihen; mi pualthau le mi thincom, zukham misil, mi ngilo le sum deih leita mi hi ma hen.

TITUS 2:14

Ama nunnak loli in eimu phat ngawlnak pen suakca tukin, na pha bawl tuk a nuamtu hi tukin le ama bulta mithiang a cantiknak tukin ohte pia zo hi.

TITUS 3:1

Uktu bawi le thuneitu upa tei nuai ah niamkhiat unna, a thu haw ngai un hi. Mahten thilpha bawl tukin tuangtimsa lelengin um un, tin na mihingte hilhin hi.

FILEMON 1:14

Mahnaven umtik tuk mang. Itahim titale na awi ngawlpi, bawmin tih tuk nuam mang hi. Na lungmu thatho zetin le nangma thinthawhin, na bawl tuk khi deih ing. Mah hangin na lungkim ngawlmi imah bawl tuk mang hi.

HEBRU 12:15

Pathian i hehpihnak khi kuamah in nungheksan tuk ngawlin ngalling un hi. A sia le a kha mi thingkung khangto in, a ngu pha ngawlin mi tampi cimnak a piak bang hi kha pahsuh un hi.

2 PETER 2:3

A hampumnak haw hangin hi zilhtu man ngawl ten tangthu bawlcawm hilhin, nangmuhte cu sum zeinakah mang haw tuk hi. Mahnaven amuh Thukhentu cu a ngallinnak ngeipi zo a, amuh siatsuahtu tuk vang hihbu ngawlin um hi.