1 PETER 5:10 - Ngawm Bible

¹⁰ Mahten hun comno sung na thuak celh uhten hehpihnak tuah a dimmi Pathian in Khrih tuah na pehzomnak uh hangin kumkhua sunloihnak co bok tukin a samtu Pathian amah loli in cangkimtikin khohkhahnak le thangilnak pia tuk hi.

1 PETER 5:10 Iomraidhean Croise

2 KORIN 4:17

Mahten haksatnak hun comno sung ka tawh uhten a let tampi in kumkhua sunloihnak pia tuk hi.

2 THESALON 3:3

Mahnaven Pathian cu muantak zetin amah in ngilnak pia in, mi ngilo tei khut sung pen humhim tuk hi.

JUDE 1:24

Lum le bah tuk ngawlin cingkhawi a, sualnak nei ngawlin lungdamnak tuah a sunglawimi a umnakah a hen theitu,

SAAM LABU 138:7

Haksatnak tampi ten a kil khawng haw hei in, nangmah in kei hup ci. A thusia zetmi ka ngalte cu do sakin, na huham tuah kei pan ci.

1 TIMOTE 6:12

Upnak tai zuamnakah na tha neihtawp suah inna, na Pathian in nang a sam ten theihpihtu tampi tei mai ah na upnak phuang zo na hih hangin; kumkhua nunnak na neihmi lenkhim zetin hi.

2 THESALON 2:17

Thapia in, a pha mi na bawl theihnak tuk uhin ngilnak dimtik tahen.

2 KORIN 13:11

Atu-in u le naute damno in um zal un. Cangkimzet tukin zuam un. Ka ngetnakte khi ngai un, pa khat le pa khat thinkhat le lemdunno in um unna, itdunnak le lemdaihnak Pathian cu nangmuh tuah um kawm tuk hi.

1 KORIN 1:9

A Capa Jesuh Khrih a Topa uh tuah pawlkomnak nei tukin a samtu Pathian cu muantak hi.

1 THESALON 2:12

A Uknak le a sunloihnak kawm tukin a samtu Pathian lungdamtik tukin le nung thei tukin, catngawlin sosuah ung hi, nangmuh hehnemin thapia ung hi.

ROM Khua Khristian Tei Lakah Paul i Laikuat (Paul’s Letter to the Romans) 16:25

Pathian nelah sunloihnak pia nung. Amah cu Jesuh Khrih i Thuthangpha ka au pihmi le a bosa khang tampi sungah selkuhin um naven atu-in phuansuahin, a ummi thu-ip hangin nangmu upnak sungah khoh zetin, a dingtiktu hi.

ZEKHARIAH 10:12

Ka mihingte ngil zetin bawl tung a; keimah bia in, ka thu zui haw tuk hi.” Topa in hilh zo hi.

ZEKHARIAH 10:6

Judah mite cu mi ngil zetin bawl tung a; Israel mite pan suak tung hi. Amu humah hehpihnak nei in, amu khua le ngamah pui kikleh khawng tung. Ka lawl awng ngawlmi miphun bangin ngaisung tung hi. Kei mah cu a Topa Pathian ka hih hangin, a thu ngetnak haw cu ngai tung hi.

2 PETER 1:3

A sunloihnak le a phatnak co bok tukin a samtu Khrih a theih theihnak uh hangin Pathian kihcaknak tuah a nun theihnak tukin a kul le sap uhmi hempoh cu Pathian ngilnak huhamin pia zo hi.

1 PETER 1:15

A samtu Pathian cu Pathian Thiangtho a hih bang bokin, nisial na nunnak uhah thiangtho zetin nungbok un.

FILIPI 4:13

Khrih i piakmi huham tuah ihempoh nawkzawh theihnak ngilnak nei zo ing.

2 TIMOTE 2:10

Mah hangin Pathian i tenmi mihing ten Khrih Jesuh lak pen a hungmi nunpatnak ngahin, kumkhua sunloihnak a co theih hawnak tukin, haksatnak hempoh thuak ing,

2 THESALON 2:14

Hiti bangte co tukin, Pathian in nangmuh tei lakah ka phuan uhmi Thuthangpha sung pen sam hi. Topa Jesuh Khrih sunloihnak a cotu hi bok tukin sammi hi uh ci.

LUKA 22:32

Mahnaven Simon, na muannak tham thong tuk ngawlin nangma ca tukin thungen ing. Mahten keima lam na hek kikleh ten na unau khi thapia in,” ti hi.

SAAM LABU 86:5

Maw Topa nang cu pha in misual ngaidam ci; Na nelah thu a ngentu tei ca in itnak tuah dimtik ci.

2 TIMOTE 1:9

Pathian in ama mihing hi tukin samin, nunpan zo hi. Mahti bangin a nunpatnakah eimu bawl theihmi a um hang hi ngawlin, a hehpihnak le tumtahnak a neih hang hi saw hi. Hi a hehpihnak cu Khrih Jesuh lak pen hun a pat laih ngawlin pia zo hi.

SAAM LABU 86:15

Maw Pathian aw, nang cu itnak, hehpihnak tuah a dimmi Pathian hi ci. Thinsau in hehpihnak nei leleng tu hi ci. Mi hehpihin muantak hi ci.

KOLOSE 2:7

Ama sungah na zung uh thuk zetin mut unna, na nunnak uh cu ama humah inn bangin sa un; hilhsami na hih uh bangin upnak lamah cak sesem unna, lungdamnak tuah dim un.

ROM Khua Khristian Tei Lakah Paul i Laikuat (Paul’s Letter to the Romans) 15:5

Khrih Jesuh khi zohtehin, nohtei lakah thinkhatno na um theihnak tuk uhin thinsaunak le thapiaknak bulpi Pathian in bawm zal tahen!

1 JOHAN 2:25

Mah kumkhua nunnak cu Khrih amah loli i thutiammi hi.

HEBRU 9:15

Mahti bang a hih hangin Pathian i sammi ten Pathian i tepsami kumkhua thupha co theihnak tuk thutiamnak thak a ngaisungtu cu Khrih amah hi. Mah bangin a hih theihnak cu ama thihnak hangin hi. A thihnakin thukham masa i nuai a um haw laihin, a sualnak haw sung pen luattik hi.

ROM Khua Khristian Tei Lakah Paul i Laikuat (Paul’s Letter to the Romans) 15:13

Hawvang Thiangtho i cahnak thawmin, na muansannak uh cu khang tawto hen na, muansannak bulpi Pathian in, amah na upnak uh thawmin lungdamnak le lemdaihnak phunkim tuah dimtik tahen.

ROM Khua Khristian Tei Lakah Paul i Laikuat (Paul’s Letter to the Romans) 9:11

Mahnaven tenmi capa pa khatin Pathian i tuptahmi a kim theihnak tukin Pathian in Rebeka lakah, “A u in, a nau i na dek tuk,” ti hi. Pathian in hi thu hi amuh tei pian laih ngawlin hilh zo hi, a sia le pha a bawl haw laih ngawlin a hilhmi hi. Mah hangin Pathian in mi a tennak cu a bawl cangkimnak hangin hi saw ngawlin amah in, a sam hangin saw na hi.

1 PETER 4:11

Ihempoh humah Pathian in Jesuh Khrih hangin thangphatnak a ngah theihnak tukin thusontu ten Pathian i thu son unna, nadektu ten Pathian piakmi thazaang tuah dek un hi. Sunloihnak le huham hempoh cu kumkhua in amata hi. Amen.

ROM Khua Khristian Tei Lakah Paul i Laikuat (Paul’s Letter to the Romans) 9:24

Itahim titale ohte cu ama mihing a sammite hung hi; Judah tei sung pen sammi bek hi ngawlin Gentail tei sung pen sammite hung hi.

SAAM LABU 119:28

Ka thasia leita a hih ten, na thutepsa bangin tha neitikleh zalin hi.

1 KORIN 1:10

U le naute aw, nangmu sungah khenkheknak um tuk ngawlin na lungmu uh ailemno in um un, tin a Topa uh Jesuh Khrih minin ngen ing. Lemdunzet le lungmu munkhatno in tuptahnak bangtenno in, na um un.

1 PETER 4:10

Pathian laksawng dadang kemtu pha na hih uh bangin ama lak pen na ngah uhmi laksawng cu midang tei phatnak tukin mang bok un.