1 PETER 4:7 - Ngawm Bible

⁷ Ihempoh ca in hun dawlbel ni heng awndiak toh a hih hangin phazetno in thu na nget theihnak tukin supnak nei in, lungmu cihnak tuah um un.

1 PETER 4:7 Iomraidhean Croise

PIANPATNAK 19:35

Mah hangin mah zanin, a pa haw cu sabittui pia leleu haw a, khampek leleu in, a canu nauta saw tuah zaukawm haw hi. Amasa bangin a pa cu sabit a kham leita hangin a canu nauta saw tuah a zaukawm haw lam thei ma hi.

PIANPATNAK 6:13

Pathian in, Noah lakah, “Mihing cu leihum pen botik tukin ngaisung zo ing. Siatsuah khawng tung, itahim titale a bawl haw mi sualnak cu leihumah dim hi.

THUHILHTU 7:2

Puai bawlnak mun a, hawh sangin, mithi inn a, hawh pha saw hi. Itahim titale mihing cu a venghawng uhin, thihnakin, ngakleng hi tih cu theih leleng tuk hi.

JEREMIAH 5:31

Profet hei in zolthu ngeh hilh haw, profet tei thupiaknak bangin thiampi ten mi ukin, ka mite kuamah in el haw ma hi. A tawpnak ten itin um haw tuk nen tim?” tin ti hi.

EZEKIEL 7:6

A tawpnak hun heng zo hi. Nohte cu a bo uh ci. Bothal zo uh ci.

MATTHAI 24:42

“Mah hangin ngallingin um un; ituk ten na Topa heng tuk him tih thei ham ma uh ci.

MATTHAI 25:13

Jesuh in, “Mahti bangin a ni le hun na theih uh ngawl hangin ngalling zetin ngak un,” tin, a dawltabelin ti hi.

LUKA 21:34

Jesuh in, “Ngallingin um un! Puai bawlin zu inthah le sa ei hei in hihen, nun khuasaknak helhkamin, na umta pahsuh un hi; na um sual uh tale na phawhkhak uh ngawlin mah Ni cu heng tuk hi.

LUKA 21:36

Ngalling zetin um unna, a heng tukmi thil hempoh himdamno nawkvawk theihnak tukin le Mihing Capa i mai ah na din theihnak tuk uhin tawp ngawlin thungen un,” ti hi.

LUKA 22:46

Amuh tei lakah “Ita hihbu leng uh cim? Sualsohnak sungah tel kha tuk ngawlin tho unna, thungen un hi” tin ti hi.

ROM Khua Khristian Tei Lakah Paul i Laikuat (Paul’s Letter to the Romans) 12:12

Na muansannak uhin, na lung uh damtik hen; haksatnak na tawh uhten thinsau in um un; catngawlin thungen un.

1 KORIN 15:24

Mah nungten a dawltabel hun heng tuk hi. Khrih i Hawvang lam uktute, thuneitute le huham neitute hempoh a neh khawng nungten Uknak cu Pa Pathian nelah ap tuk hi.

1 KORIN 7:29

U le naute, ka son nuammi cu hi tin hi: hun ngei tuk ngawl toh a hih hangin tu pepanin zi nei ten a nei ngawl bangin nung hen.

EFESA 6:18

Hitih bangte na bawl uhten thungen thahin bawl unna, Pathian nelah Hawvang Thiangtho i lampuinak bangin bopnak ngen un. Iti bang hun hei ten thasia pahsuh un. Pathian i mihing tei ca tukin catngawlin thungen un.

FILIPI 4:5

Mi hempoh tei humah lungnem un. Topa cu hungpal tuk hi.

KOLOSE 4:2

Zuam zetin thungen un; thu na nget uhten, Pathian nelah lungdam thu hilh thahin, lungmu tak tuah ngen un hi.

2 TIMOTE 4:5

Mahnaven nang cu ilai banglai munah hei hihen, ihun bang hunah hei hihen, thu saupi ngaisungin, mahleh mah ukdun thei tukin zuamin; haksatnakte thuak thei tukin zuam inna, Thuthangpha phuangtu tei nadeh khi dekin hi. Mahten Pathian nadektu na hih bang bokin, na nadeh ten a cangkimno in dekin hi.

TITUS 2:12

Mah hehpihnakin Pathian ziaza tuah a lemcang thei ngawlmi nundan le leihum tisa nopnakte zamsan tukin zilh hi. Mahten mah le mah ukduncop theimi le diknak le hi leihumah Pathian tuah a lemcangmi ziaza tuah a nun theihnak tuk uhin hilh sih bok hi.

HEBRU 10:25

Munkhatno in, a pumkhawm mek uhmi khi zamsan thong ma nung. Mi khenkhat ten zamsan haw naven Topa i Ni a nai dedeuh li toh hangin, oh cu pa khat le pa khat thazaang a piadun dedeuh tuk mite hung hi.

HEBRU 9:26

Mahti bangin leipi pianpat pepan vei tam leita thuak kul tuk hi! Mahti bang hi ngawlin atu hun dawlbelnak a bo kuanno ten amah le mah biakpiaknakah piadunin, sual a thiantik theihnak tukin kumkhua phaatin vei khat bek lang hi.

1 PETER 1:13

Mah hangin nadek pan tukin na lungmu uh tuangtim sa in um un, ngalling sa in um unna, Jesuh Khrih a lang ten na ngah tuk uhmi thupha muicu laksawng humah na ngaihsutnak uh a venghawngin nga un.

1 PETER 3:7

Mahtibang bok kekin pasalte aw na zi uhte cu nangmuhte sangin thanem saw mi haw tih khi theitum un. Nangmuhte bang bokin Pathian i nunnak laksawng co bok tukmi haw hi. Mah hangin upatnak tuah tuamlawm un hi. Mahti bangin na um uh tale na thungetnak uh cu imah in siatsuah zo tukma hi.

1 PETER 5:8

Cingcaizet le ngalling zetin um un! Na ngalpa uh Dawihmangpa cu mat tuk zei in, a thum limi kiosa bangin vak kawkawi li hi.

MANGMUHNAK 16:15

“Ngai un! Nguca bangin hung tung hi. Mipi mai ah thacang le zakca in, a um haw ngawlnak tukin hihbu ngawl a nikcen puansilh a kemtute cu mi lungdam mite hi haw hi,” tin Topa in ti hi.