1 PETER 4:4 - Ngawm Bible

⁴ Atu cu Pathian thu umngawltu tei, supnak imah nei ngawlin a nunnak hawah na tualtelleh uh ngawl ten nangmu humah lamdangsa in zawnsak haw hi.

1 PETER 4:4 Iomraidhean Croise

MATTHAI 23:25

“Daan zilhtu le Farasi mite! Thusia cote uh ci! Noh mi ultungte! Na khuat le na pakan uhte a pualam bek ciang lenglungin, som nave uhcin, a sunglam cu mitei thil na lon uhmi le hampumnak pen na ngah uhmi tuah dim hi.

LUKA 15:13

A ngei ngawlin capa nauta saw in, a comi lo le lam cu zuak khawngin, a ngahmi tangka tuah inn pen taitulta hi. Ngam khawlapi ah hawhin, tangka cu deih bangin mang hua huah hi.

NUNGZUITU 13:45

Mahmi cu Judah miten amuh haw ten iksik haw a, Paul i thuhilhmi cu elin zawnsak haw hi.

NUNGZUITU 18:6

Amuh ten Paul i thu cu elin awnkam sia tuah a don haw hangin Paul in, a lungkim ngawlnak a laknakin a puan hum a leivul thiingta zamin, “Na phathong uh tale cu nangmu sual hi tuk hi. Kei mawhsiat pahsuh un! Tu pepan Gentail mitei lakah hawh tung,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 13:13

Sun khuavak a ummite bang bokin a ziaza uh cu mawitik nung inna, mi tuah nunsualnak le zukham silnakte umleh ma toh hen; nupa sual bawlnak le zoh mawi ngawlin nun cu umleh ma toh hen; hauhdunnak le iksiknak hei umleh ma toh hen.

EFESA 5:18

Micipte zukham pahsuh un, zu cu mi siatsuahtu bek hi. Mah sangin Hawvang tuah dim saw un hi.

1 PETER 2:12

Pathian a um kha ngawl tei lakah zohteh tak tukin nung unna, phat ngawlnak a bawltu tin sual a nawn haw hei in, na ngamtat phatnak uhte mu in, Pathian a hunleh ni ten amah cu thangphat haw tuk hi.

1 PETER 3:16

A thudotmi haw na donleh uhten nemnak le upatnak tuah don un: lungmu thiangzetno in um un; mahtibang na um uh tale, Khrih zuitu na hih uh bang bokin, na ngamtat ziaza uh cu miten a sonsia haw hei in, na ngamtat dan uh pha hi tih khi amuh haw ten amuh lehlam zakca haw tuk hi.

2 PETER 2:12

Mahnaven hi zilhsualtute cu ngaihsutnak imah nei haw ma hi. Amu thin sung pen a suak vutmi babangin hilh haw hi. Mat le ngawh tukmi ngamsa bang haw hi. A theihtheih haw ngawlmi pawpoh cu nautatnak tuah sonsia haw hi. Mah hangin ngamsa bangin thahnak tawk bok haw tuk hi.

2 PETER 2:22

Hitih bangin amu humah a piangmi in, “Uico in, a luak eileh kik,” tih le, “Vok cu somciang nung hei ten cinciak sungah bualleh kik hi,” tihmi awnkam tehkipnak hi thuman hi tihmi langtik hi.

JUDE 1:10

Mahnaven hi mihingte cu a theihtheih haw ngawlmi thu hempoh cu nautatnak tuah sonsia haw hi. Mahten ngamsate bangin a tisa deihnak tuah a theih theihmi haw thilte cu amuh le muh siatsuahtu in cang hi.