1 PETER 4:3 - Ngawm Bible

³ Pathian umngawltu tei bawl tuk a nuam haw mi cu huncan tawkmoh sung bawlbok zo uh ci. Na nunnak uh cu zoh mawi ngawl nunnak, tisa deihnak le zukham silnak, nunnopin nupa sualnak, ei le in tuah puai bawl nopnak le ningdelhhuai milim biaknakah mang zo uh ci.

1 PETER 4:3 Iomraidhean Croise

2 Samuel 13:28

Absalom in, a umlawh tei lakah, “Ammon hi zo kuh unna, zukham thahin, a um tale that tukin thupialeh tung hi. Lau nuam pahsuh un. Keimah in dehvo la ing. Ngaihsut hak pahsuh un. Ngalpha zetin bawl poh un hi,” tin tiam hi.

1 KUMPI 21:26

A thil sual bawlmi lak pen a ningdelhhuaibel cu Israel mite Kanaan ngam a tum haw ten Topa i hawlvawkmi, Amor mite bangin milim a biakmi hi.

2 KHANGSIALNAK 15:8

Asa in, Oded capa profet Azariah i thuphuanmi cu a zak ten a thathozet hi. Judah, Benjamin ngam le Efraim mualhum ngam a lak haw mi khuapi hempoh sungah a ummi milimte cu vawksak khawng haw hi. Biakinn tual a, um Topa i biaklandawhte vang lemleh hi.

ISAIAH 28:7

Profet le thiampite tian zu cu khamin hoi kawkawi li haw hi. Sabittui le zuhang tam zetin haw a, mun tihkimah lu hai in buaipihzet haw hi. Profet cu zukhamin sil leita a, Pathian in muhnak a neitikmi hei a sullam thei haw ma toh; thiampite vang zukhamin sil leita haw a, amu lakah a hengmi thuson tuk hei sonleh thei haw ma toh.

ISAIAH 5:11

Bothal zo uh ci! Zingtung na thawh bek uhten zu kham panbok na hih uh hangin taklam khuanuzet tian hak uh ci.

ISAIAH 65:4

Zanngil ten mithi hawvang tawk tukin suangkua le khante ah hawh haw hi. Mahmi ten vokcik ei in, dawih bia tei dawi biaknak tuihang hawp haw hi.

JEREMIAH 16:11

Keimah, Topa i hilhmi cu hilhin; “Na pu le pa ten keimah zamin, pathian dang tei nadekin bia haw hi. Nunghekin ka thu zilhmi zui nuam haw ma.

JEREMIAH 16:18

A sualnak haw le a phat ngawlnak cu a let nihin lohlehtik tung. Itahim titale mithi luang bang nunnak a nei ngawlmi, milim ten ka ngam nawngkaitik haw a, imah ahi ngawlmi pathian dimtik zo haw toh hi.”

EZEKIEL 44:6

“Ngaltho phun Israel cu hilhin; ningdelhhuai na a bawl lelengtu haw hi. Cungnungbel Topa keimah in, nem theileh thong tukma toh ing.

EZEKIEL 45:9

Cungnungbel Topa in, “Maw Israel ngam uk bawite, na sualnak uh hi ngei leita zo! Na mi zotsaknak uh le na mi suamnak uhte hi cawl toh un! A dikmi le a manmi bek bawl toh un. Ka mihingte cu a ngam haw pen hawlvawk toh pahsuh un. Cungnungbel Topa keimah in hilh ing.

MARKA 7:22

Ngukcaknak, mi thahnak, mi zi hum a sualnak, duhhawpnak, ngitlohnak, mizolnak, a siasuak deihnak, mi ennak, mi iknak, ultunnak, imah khenkhuai ngawlin nun pawpoh nunnak;

NUNGZUITU 17:30

Mihing tei Pathian theih ngawl hun khi Pathian amah in amu ngawl bangin umsan thong hi; Mahnaven a atu-in, a nundan haw a pha ngawlmi khi nunghek san tukin mi hempoh thupia hi.

ROM Khua Khristian Tei Lakah Paul i Laikuat (Paul’s Letter to the Romans) 13:13

Sun khuavak a ummite bang bokin a ziaza uh cu mawitik nung inna, mi tuah nunsualnak le zukham silnakte umleh ma toh hen; nupa sual bawlnak le zoh mawi ngawlin nun cu umleh ma toh hen; hauhdunnak le iksiknak hei umleh ma toh hen.

1 KORIN 12:2

Umngawltu na hih uh laihin lampial in nunnak nei ngawl milimte bia uh ci.

1 KORIN 6:11

Mi khenkhat cu mahti bang sualnak a bawlte hi uh ci. Mahnaven sualnak pen thianthohtikmi le Pathian nelah apmi hi zo uh ci; Topa Jesuh Khrih le a Pathian uh i Hawvang thawmin Pathian tuah lemduntikmi hi zo uh ci.

2 KORIN 12:21

Nangmu lakah ka henleh ten ka Pathian in nangmu mitmuhah zahcak tawkin bawl kawn tih lauzet ing; mah tin nunglam hun laih a, sualnak a bawltute thil nawngkai a phunkim, tisa nuamnak le nupa sualnak a bawl haw mi sihkiknak a neih haw ngawl hangin kap kha kawn ing tih hi lauzet ing.

GALATI 5:19

Mahten mihing tisa i bawlmite cu langciang hi. Nupa sualnak, a ninmi ziaza, a mawingawlmi nadehnak, milim zuk biaknak le pol sesuakte khi hi.

GALATI 5:21

Iksiknak nei in, zukham misil haw, zoh mawi ngawlin awnin au haw; mahtih bangin a dang tampi bawl pepel haw hi. Ngallinnak thu masa in hilh zo naveng atu-in hilh not leleu tung. Mahti bang a bawltute cu Pathian Uknak co thei haw tukma hi.

EFESA 5:18

Micipte zukham pahsuh un, zu cu mi siatsuahtu bek hi. Mah sangin Hawvang tuah dim saw un hi.

1 THESALON 4:5

Pathian thei ngawl bangin tisa i deihnak zui in nung pahsuh un.

TITUS 3:3

Itahim titale eimuh hei nidang laihin misilzet le thu ngai ngawlmi hi hung a, khialzet hung hi. Tisa deihnak le nopnak a phunkim i sal hi hung hi. Mi nautatnak le mi cinnakin, a hun le can uhte mang hung hi. Miten hua in, eimuhte vangin hua bok hung hi.

1 PETER 1:14

Pathian deihnak zui unna, na theih laih ngawl uh hun a, na neih uhmi tisa deihnakin, na nunnak uh ukleh toh pahsuh hen.

JUDE 1:4

Itahim titale eimuh tei lakah Pathian cu imah in, a simsial ngawltute a theih uh ngawlin tumin, a ngamtat phat ngawlnak haw selcipnak tukin Pathian Thuthangpha cu a ping le pengah hilh haw a, eimuh tei Uktu le Topa Jesuh Khrih cu lawl haw hi. Mahtibang mihingte cu siatsuahnak co haw tuk hi, tin Lai Thiangtho sung pen tanglaihin hilhhamsa khawng zo hi.