1 PETER 4:12 - Ngawm Bible

¹² Ka ihmi ngualcamte aw, a haksa zetmi thiatha zohnak na thuak uh hangin amthongin um pahsuh un, kuamah i tawh awng ngawlmi eimu humah heng hi, tin ngaisung pahsuh un.

1 PETER 4:12 Iomraidhean Croise

THUHILHTU 5:8

Ngamkhen pa kha khat sungah mi ca-ngah nemsukin, a co haw tuk le a ngah haw tuk hei ngah ngawlin, um na mu uh tale lamdang sa pahsun; itahim titale bawi pa khat cu a humah bawi dang pa khat umlaihin, a venghawng haw i hum a, bawi upabelin, zoleng poh hi.

ISAIAH 28:21

Topa i, a bawl nuammi thil phundangzet abang hei in bawlsuak tuk; Perazim Mual le Gebion munlawn a do lih zo bangin a kul tale atu hei in do tuk hi. A patzomi a nadeh cu kimtik tuk; mah a nadehmi cu theih zawh ngawlmi na lamdangzet haw hi.

DANIEL 11:35

Mah dotu micip khenkhatte cu thahnak tawk haw tuk hi. Hiti bang thuaknak hangin mipite cu thiangtho deuh haw tuk hi. Pathian i tekmi hun tawpnak a hen laklawh cu hi bangin cang pepel tuk laih hi.

1 KORIN 10:13

Sualloihnak na tawh uhte hi midang tei lakah a heng mekmi sualloihnak hi. Mahnaven Pathian in, a thutiam kimtikin na thuakzawh tuk ngawl uh tianin sualloihnak hengtik tukma hi. Sualloihnak na tawh uhten na thuakzawh theihnak tuk uhin tha ngilnak pia tuk a, na suahcaknak tuk uhin lampi selh sak tuk hi.

1 KORIN 3:13

A nadekte haw iti bang him tih cu Khrih Ni ten langleh tuk hi. Itahim titale mah Ni ten a nadeh haw mi cu mei tuah zohnak um tuk hi; iti bang nadeh him tih cu mei tuah zo ten ciangtik tuk hi.

2 TIMOTE 3:12

A kuakua hei hihen Khrih tuah a pehdunnak hangin Pathian deihzawngin nun a tumtu cu bawlsiatnak tawk haw tuk hi.

1 PETER 2:11

Ka ihmi ka ngualcamte, hi leihumah mikhual le ngaltaimi bangkek hi nave uhcin, nangmuh tei lakah hehpih kun ing. Hawvang tuah a ngaldun lelengmi tisa i deihnakin neh pahsuh hen.

1 PETER 4:4

Atu cu Pathian thu umngawltu tei, supnak imah nei ngawlin a nunnak hawah na tualtelleh uh ngawl ten nangmu humah lamdangsa in zawnsak haw hi.

1 PETER 5:9

Na upnak uhah khohzet unna, dawihmangpa cu do un; itahim titale leihum khua hempoh a ummi thu umtute vang hiti bang haksatnakte thuak bok haw hi tih khi thei uh ci.