1 PETER 4:10 - Ngawm Bible

¹⁰ Pathian laksawng dadang kemtu pha na hih uh bangin ama lak pen na ngah uhmi laksawng cu midang tei phatnak tukin mang bok un.

1 PETER 4:10 Iomraidhean Croise

MATTHAI 20:28

Mihing Capa vang cu mahtih bang hi bok hi. Mihing Capa cu mite nadeh atiktu hi ngawlin, mitei nadehsaktu tukin le mi tampi i nunpan tukin a nunnak pia tukin hung hi,” tin ti hi.

MATTHAI 24:14

Mahten miphun hempoh tei theih khawng tukin vancung Uknak Thuthangpha hi leihum khua hempoh ah phuan hi tuk hi. Mah nungten a tawpnak cu heng tuk hi.

MATTHAI 24:21

Itahim titale leipi a pian tung pepan tuni tian a heng awng ngawlmi mullinghuai haksatnak a lauhuai nate heng tuk a, mahtih bang a lauhuai haksatnak cu tunung hei ten hengleh tukma toh hi.

MATTHAI 24:45

“Mahti bang ahi tale, akua tuk him, muantak le a cip umlawh cu? Muantak le a cipmi umlawhpa cu a bawipa in, a dang umlawhte a khawngtu in koih tuk hi, a hun man zetin umlawh dangte an pia theimi hi tuk hi.

MATTHAI 25:17

Mahti bang bokin thawng nih a ngahtu pa vangin, a met thawng nih ngah bok hi.

MATTHAI 25:44

Mahten amuh in, ‘Topa itukin kaw na ngilkialin, na dang a dum, mikhual le puan nei ngawlin na um, na tinat le thawng na tak mu in ka bop nuam uh ngawl?’ tin ti haw tuk hi.

MARKA 10:45

Itahim titale Mihing Capa hei hi midang nadektik tukin a hungmi hi ngawlin; mitei nadektu tukin, mi tampi tei nunpan tukin le a nunnak pia tukin hung saw hi,” ti hi.

LUKA 12:42

Topa in, “Muantak le a cipmi innceng pa cu akua him? Muantak le a cipmi innceng pa cu a bawipa in, a innpi cingtu tukin le a dang nadektu a hun le can bangno in amu co tuk an eih tui in semtu tukin a koih tukmi khi hi.

LUKA 19:13

Mahten a hawh laih ngawlin a nadektu sawm khat sam a, sui tangka cang khat ten pia in, ‘Hi tuah sumbawl un hi. Izah ngah thei na uh cim? Zo teh hih nung,’ ti hi.

LUKA 8:3

Herod zungah bawi nadek Chuza i zi Joanna, Susanna le a neihmi hempoh tuah Jesuh le a nungzuitute a bawm litu numeite vang tel bok haw hi.

ROM Khua Khristian Tei Lakah Paul i Laikuat (Paul’s Letter to the Romans) 15:25

Mahnaven atu-in Jerusalem ah hawhin, Pathian i mihingte bawm hih tung hi.

ROM Khua Khristian Tei Lakah Paul i Laikuat (Paul’s Letter to the Romans) 15:27

Mahtibang a bawl haw mi cu amu ngaihsut thiamnak hang hi. Thu khatah mi a bop haw cu amu dehvo hi bok hi. Judah miten Hawvang lam thupha a co haw mi khi Gentail mite a hoih haw bang bokin Gentail mite vangin neihcalam thupha a co haw mite, Judah mite bopnakah a hoih bok haw tukmi hi.

1 KORIN 15:10

Mahnaven Pathian hehpihnak hangin tu bangin ka hih theihnak hi. Ka humah a itnak le hehpihnak a neihmi cu a thawnthong hi ma hi. Tiikmi dangte sangin nase saw in, nadek ing. Mahnaven mahmi cu keima dehmi tih tuk hi ma hi. Ka nel a, um Pathian hehpihnak i dehmi hi saw hi.

1 KORIN 3:10

Pathian in keimah a piakmi ka covo laksawng mangin innsa thiamzet bangin innkuul khuampi phut ing a, midang ten mahmi humah sa haw hi. Mahnaven itin kaw a sak uh tih cu kua hei in, a ngallin tek uh kul hi.

1 KORIN 4:7

Kua in kaw midang sangin cuangcung deuh tukin a bawl? Na neihmi hempoh hi Pathian piakmi hi khawng ma maw? Mahti bangin laksawngin, na ngahmi ahi tale itin kaw na ultung theihnak a um?

2 KORIN 6:1

Pathian tuah na a dek langkhatmi ka hih uh hangin Pathian hehpihnak a cotu noh ten mah hehpihnak cu a thawnthongin cangtik pahsuh un tin ngen ung hi.

2 KORIN 9:1

Judah ngam a, Pathian umtu tei lakah bopnak na kuat uhmi thu ah nangmu lakah laikuat kul tukin ngaisung lawlawm mang hi.

EFESA 3:8

Kei cu Pathian i mihing tei lakah mi nautabel sangin nauta saw laih ing. Mahnaven son theih ngawl tianin, a ngengmi Khrih Thuthangpha cu Gentail mitei lakah henpih tukin le,

EFESA 4:11

“Mihing tei lakah laksawng a piatu,” hei cu amah hi. Laksawng a piakmi a khenkhat cu tiikmite, khenkhat cu profette, khenkhat cu Thuthangpha phuangtute, a khente cu pastor le zilhtu haw hi.

2 TIMOTE 1:18

Mah ni ten Topa in hehpihnak pia tahen! Mahten Efesa khua pen itihzah tian ka ca in nadek haw him tihvang thei ciangzet ci.

TITUS 1:7

Itahim titale pawlpi lamhuaitu cu Pathian na dehvo a neitu a hih hangin mawhsiatnak tuk a nei ngawlmi hihen; mi pualthau le mi thincom, zukham misil, mi ngilo le sum deih leita mi hi ma hen.

HEBRU 6:10

Pathian in mi deidan ma hi. Na nadeh uhmi ah Pathian na itnak uh langtikin, Khristian unaupihte na bopnak uh le atu na bop lih laih uhte khi Pathian in sialsiah sak leleng hi.

1 PETER 5:10

Mahten hun comno sung na thuak celh uhten hehpihnak tuah a dimmi Pathian in Khrih tuah na pehzomnak uh hangin kumkhua sunloihnak co bok tukin a samtu Pathian amah loli in cangkimtikin khohkhahnak le thangilnak pia tuk hi.

1 PETER 5:12

Hi laikuat comno hi muantak Khristian unau tin ka ngaihsutmi Silas i bopnak tuah nangmu lakah ka ngatmi hi. Ka sosuah nuammi cu hi laikuat sung a ka ngatmi hi. Pathian i hehpihnak tatak hi tin, a thei ciangtu hi ing a, mah hehpihnak sungah kho zetin ding un hi.