1 PETER 3:8 - Ngawm Bible

⁸ A dawlbelnakin ka sosuah nuammi cu ngaihsutnak munkhat le lungmu munkhatno in um un; unau bangin pa khat le pa khat itdun unna, pa khat le pa khat hehpih dunnak nei in, lungnem un.

1 PETER 3:8 Iomraidhean Croise

SAAM LABU 103:13

Pa in, a cate cu, a hehpihzet bangin, mah bangin Topa in, amah a kihcatute cu hehpih hi.

THUPAUCAP 28:8

Midang tei lak pen tangka khang le a met laknak hangin mihau na hi tale, na hauhnak cu mi zawngte a hehpihtu pai lakah hengleh tuk hi.

ZEKHARIAH 7:9

Tanglaihin, hi thutiamte cu ka mihing nelah pia ing. Cam zetin thuson unna, pa khat le pa khat humah hehpihnak le itdunnak nei ta un.

MATTHAI 18:33

Na hum a hehpihnak ka neih bangin na ngualcam lakah hehpihnak nei bok tukin mawi ci,’ tin ti hi.

LUKA 10:33

Mahnaven Samaria mi pa khat cu mahlai lampi ah khualzin bokin, hi tina pa i el a hen ten tina pa cu mu in, hehpih mahtak hi.

NUNGZUITU 2:1

Pentecost ni a hen ten thu umtu hempoh cu munkhatah khawmdun haw hi.

NUNGZUITU 27:3

A zingten Sidon ah heng ung. Julius in Paul i humah hehpihnak lungmu nei in, Paul i kinmi nate a ngah theihnak tukin le a ngualcamte tuah tawhdun theihnak tuk hun pia hi.

NUNGZUITU 28:7

Mahlai pen a nai thimnakah lo ngam zal thim umin, a neitu cu mah tuikulh a, bawi upa Publias hi. Publias in phano zo in, ni thum sung cu a mikhualin suak ung.

NUNGZUITU 4:32

Thu umtute cu lungmu le ngaihsutnak luallemzetno in umlangkhat haw hi. Kuamah in, a neihmi thilte cu ka bulta hi, tin ti haw ma hi; a neih haw hempoh khi pa khat le pa khat mang kawmdun haw hi.

ROM Khua Khristian Tei Lakah Paul i Laikuat (Paul’s Letter to the Romans) 12:10

Khristian unau ten na hih uh hangin pa khat le pa khat sunsak dunzetno in itdun un hi. Pa khat le pa khat maizah dunnak thiam un hi.

ROM Khua Khristian Tei Lakah Paul i Laikuat (Paul’s Letter to the Romans) 15:5

Khrih Jesuh khi zohtehin, nohtei lakah thinkhatno na um theihnak tuk uhin thinsaunak le thapiaknak bulpi Pathian in bawm zal tahen!

1 KORIN 1:10

U le naute aw, nangmu sungah khenkheknak um tuk ngawlin na lungmu uh ailemno in um un, tin a Topa uh Jesuh Khrih minin ngen ing. Lemdunzet le lungmu munkhatno in tuptahnak bangtenno in, na um un.

1 KORIN 12:26

Taksa khen pa khatin, a thuak tale, taksa khen dangte vangin thuakpih bok hi. Taksa khenkhat sunloihnak a ngah tale, a dangte vangin lungdampih bok haw hi.

EFESA 4:2

Thinnemnak nei un; niamkhiat le thinsau in um unna, itnak na neih uhmi khi pa khat le pa khat na thinsaunak uh langtik un.

EFESA 4:31

Lungmu sungin mihuatnak le ngaldunnak, tisa nopnak le thinuknakte khi botik un hi. Pa khat le pa khat hauhdunnak, zotsaknak le huatnak lungmu neuno hei nei toh pahsuh un.

EFESA 4:32

Mahte sangin pa khat le pa khat hehpihdun unna, Khrih i hangin Pathian in, a ngaihthiam bangin pa khat le pa khat ngaithiamdun un hi.

FILIPI 2:3

Mi nautat nimnak nei in, mai matan bek ngaisungin le mai minphatnak tuk bek zei in imah bawl pahsuh un hi. Pa khat le pa khat niamkhiat dunnak nei unna, midang sangin pha saw deuh ing tin, itik mah hei ten tidun pahsuh un hi.

FILIPI 3:16

Mahlai ngawl sung cu tuni tian a zui uhmi daante zui in, mailamah hawh ten nung hi.

KOLOSE 3:12

Noh cu Pathian i mihingte hi uh ci. Nangmuh it zetin, ama ca in, a tenmite hi uh ci. Mah hangin hehpihnak, niamkhiatnak, thinnemnak le thinsaunakte cu puan bangin silh un.

HEBRU 13:1

Khristian u le nau na hih uh bangin pa khat le pa khat itdun leleng un hi.

JAMES 2:13

Mi hehpihnak a nei ngawlmi cu Pathian in, a thu a son ten a humah hehpihnak neileh bok tukma hi, mahnaven thukhennak cu hehpihnakin neh hi.

JAMES 3:17

Mahnaven van pen a hungmi cihnak cu i dang sangin a thiangmi cihnak hi. Mah i humah lemdaihnak tuah dim hi. A lungnemin miphial thiam hi. Hehpih ningnatnak nei in, nadeh pha ngah suahpih hi. Deidatnak le iksiknak nei ngawlin ultunnak vang nei ma hi.

JAMES 5:11

A thuak theih haw hangin mi lungdammi hi haw tuk tin ti hung hi. Job i thinsaunak cu thei zo uh ci. Pathian in, a dawlbel ten cangkim zetin pia tihvang thei hung hi. Itahim titale Pathian cu hehpihnak a neitu hi.

1 PETER 1:22

Atu-in, thutak na zuinak uh hangin thianthohtikmi hi zo uh ci, umtu unau dang khi lungmu takin it uh ci. Mah hangin na lungmu tak uh tuah pa khat le pa khat itdun un.

1 PETER 2:17

Mi hempoh upat un, thu umtu unaute it un, Pathian cu kihca unna, kumpi cu upat maizahnak pia un.

1 PETER 5:5

Mahtibang bokin noh khangnote nangmuh sangin kum upa saw tei thu khi ngai tuk uh ci. Na venghawng uhin niamkhiatnak tuah thuam unna, pa khat le pa khat bawmdun un. Itahim titale Lai Thiangtho in, “Mi tuangkhawngte cu Pathian in do in, mi niamkhiatte cu mitmai pha pia,” ti hi.

2 PETER 1:7

Pathian kihcaknak na neih uhmi humah unau ningnat dunnak bet unna, mahten Khristian unau ningnat dunnak humah itnak beet un.

1 JOHAN 3:14

Ohte cu thihnak zamsanin, nunnak sungah tum zo hung; tih thei hung hi. Mahtibang a theihnak uh cu a unau uhte a ih uh hangin hi; itnak a nei ngawltu cu thihnak sungah a tang hih laihmi hi.