1 PETER 3:7 - Ngawm Bible

⁷ Mahtibang bok kekin pasalte aw na zi uhte cu nangmuhte sangin thanem saw mi haw tih khi theitum un. Nangmuhte bang bokin Pathian i nunnak laksawng co bok tukmi haw hi. Mah hangin upatnak tuah tuamlawm un hi. Mahti bangin na um uh tale na thungetnak uh cu imah in siatsuah zo tukma hi.

1 PETER 3:7 Iomraidhean Croise

JOB Laibu (The Book of Job) 42:8

Job lakah khuicang salih le tuucang salih hunpih unna, nangmu ca in biakpiaknak bawl un. Job in nangmu ca in thungenin, a thungetnak cu ngai tung a, na sil uh zahin mualphotik tuk mang hi. Amah bangin ka thuman zetin hilh ma uh ci,” ti hi.

MATTHAI 18:19

“Adang hilh hih tung. Hi leihumah mi pa nih lungkim kawmin, thu na ngen uh tale vancungah a ummi ka Pa in, na nget uh hempoh pia tuk hi.

1 KORIN 7:3

Pano in pasal a hihnak a dehvo cu kimtik henna, numei vangin zi a hihnak dehvo cu kimtik bok hen; a pa nih haw in, a kulnak ten hawah lungkimdun tek haw hen hi.

EFESA 3:6

Mah a thu-ip cu hitih bangin hi. Thuthangpha a umnak hangin Gentail mite vang Judah mite tuah Pathian thupha cotu hileh bok haw zo hi; Pumkhat sungah a telmi hileh bok zo haw toh a, Khrih Jesuh i thawmin Pathian i thutiamnak sungah covo nei bok haw hi.

EFESA 4:30

Pathian i Hawvang Thiangtho khi khaw-ngaitik pahsuh un; itahim titale Hawvang cu Pathian ta hi uh ci, tih sialsiahnak a hih hangin Pathian i luattiknak Ni heng tuk hi tih theihnak tuk na hi.

EFESA 5:33

Mahnaven nangmuhte tuah vangin pehzomdun leleng hi; pasal hempoh ten a zi haw cu amu pumpi a it haw bangin it haw tuk a, zi hempoh vangin a pasal haw cu upat haw tuk hi.

EFESA 6:18

Hitih bangte na bawl uhten thungen thahin bawl unna, Pathian nelah Hawvang Thiangtho i lampuinak bangin bopnak ngen un. Iti bang hun hei ten thasia pahsuh un. Pathian i mihing tei ca tukin catngawlin thungen un.

KOLOSE 3:19

Pasalte, na zi uh it unna, a hum hawah thunei leita pahsuh un hi.

1 THESALON 4:4

Pasalte, na zi uh tuah thiangtho le zoh mawi in um tuk tih cu thei un hi.

TITUS 3:7

Mahmi cu a hehpihnak, hangin Pathian tuah a lemdun theihnak tuk uh le a muansan uhmi kumkhua nunnak cu eimuta a hih theihnak tukin hi.

HEBRU 1:14

Mah ahi tale vancungmite cu akua hum? Amuhte cu Pa i nadektu hawvang hi haw in, nunpatnak a ngahnak tuk bawmtu tukin Pathian i nadektute haw hi.

1 PETER 3:1

Mahti bang bokin zite aw na pasal tei thu ngai un. Pathian umngawltu ahi vangin nangmu ngamtat phatnakin thu umtu ah cangleh tuk hi. Kam khatno hei na ot uh kul tukma hi.