1 PETER 3:4 - Ngawm Bible

⁴ Pathian i mitmai pen a sunglawibel mi mawinak ngangai cu nangmuh tei lungmu sung a ummi a bo thei ngawl thinnemnak le lungdaihnak saw khi hi.

1 PETER 3:4 Iomraidhean Croise

SAAM LABU 131:2

Ka lungnopin, ka thindap hi. Nauno cu a nui ang humah a lungmuan bangin ka lungmu cu lungnopnak tuah um hi.

SAAM LABU 147:6

Mi lungnemte cu dangto naven, mipha ngawlte cu leihumah sikpek hi.

SAAM LABU 149:4

A mihing tei humah Topa a lungdam hi; Ngalnehnak tuah mi lungnemte cu upatnak pia hi.

SAAM LABU 25:9

Mi niamkhiatte cu lampi dikah pui in, ama deihnakte zilh hi.

SAAM LABU 45:13

Kumpi canu cu kumpi inn sungah um hi. Khanglai mawizet hi! A puansilhte cu sui nimzang tuah takmi hi.

SAAM LABU 51:6

Thutak le lungmu tak cu na deihmi hi, Ka lungmu cu na cihnak tuah dimtikin hi.

ISAIAH 11:4

Mi ca-ngah tei thu cu phano khen sak tuk a, bawmtu nei ngawlte a covo haw hupsak tuk hi. A thupiaknak bangin mihing cu bawlsiat hi tuk a, mipha ngawl cu thah hi tuk hi.

ISAIAH 29:19

Mi ca-ngah le mi lungnem ten Israel Pathian thiangtho i piakmi lungdamnak cu coleh haw tuk hi.

ISAIAH 57:15

Keimah cu kumkhua a nungmi Pathian, a sangmi le a thiangtho Pathian ing. A sang le a thiangthomi humah um ing; mahnaven niamkhiatnak le sihkiknak na neih lehnak tukin lungkham mi le lungnem mi lak hei ah um ing.

ISAIAH 61:1

Topa i hawvang cu ka lakah umin, a ngilnak tuah dimtik hi. Topa in keimah tengin, mi ca-ngah tei lakah thuthang pha hilh tukin, lungmu tamzante damtik tukin, ngalmatmi tei lakah luatnak thuthantu tukin, thawngta mitei lakah luatnak thu hilhtu tukin hah zo hi.

JEREMIAH 51:59

Kumpi Zedekiah bawmtu pa khat cu Seraiah hi. Seraiah cu Neriah capa, Mahseiah i tupa hi. Zedekiah cu Judah kumpi a deh sawng kum linakin Babilon ah a hawh ten Seraiah in zui bok hi. Seraiah lakah thucah ing.

MATTHAI 11:29

Ka kolhak hi pua teh unna, keima lak pen cung un; kei cu nunnem le niamkhiatnak lungmu neimi ing. Keima lak pen cung unna, colhdamnak ngah tuk uh ci.

MATTHAI 21:5

“Zion khuapi cu hilh un, na kumpipa cu na lakah hung li laih hi. Amah cu lungnemmi hi in, laak humah khung hi. Laakno humah khung,” ti hi.

MATTHAI 23:26

Farasi mitcawte! Na khuat uh a sunglam som masa unna, mahten a pualam vang ciang bok tuk hi.

MATTHAI 5:5

Mi niamkhiatte cu thupha muicu ngahte haw hi. Itahim titale Pathian i tepsa leihum lo le lam co haw tuk hi.

LUKA 11:40

Misilte! A pualam a bawltu Pathian in, a sunglam hei bawl bokma maw?

LUKA 16:15

Jesuh in amuh tei lakah, “Mipi mai ah midikbel bangin langdun cawmtik hi uh ci. Mahnaven Pathian in, na lungmu uhte thei khawng hi. Itahim titale mihingin man neizet a ngaihsutmi cu Pathian muhnak pen imah ma hi.

ROM Khua Khristian Tei Lakah Paul i Laikuat (Paul’s Letter to the Romans) 1:23

Kumkhua nungmi Pathian bia saw ngawlin a thi theimi mihing, vano, ngamsa le a bokvak ngamsate bangin bawlmi milimte saw khi bia haw hi.

ROM Khua Khristian Tei Lakah Paul i Laikuat (Paul’s Letter to the Romans) 2:29

A sunglam saw ah Judah lungmu in vunceptalhnak a ngahtu khi Judah mi ngangai haw hi. Mahmi cu ngatmi Daan i bawlmi kha ma hi. Pathian Hawvang i bawlmi hi. Mahti bang mihing cu mihing lak pen hi ngawlin Pathian lak pen thangphatnak ngahtu hi.

ROM Khua Khristian Tei Lakah Paul i Laikuat (Paul’s Letter to the Romans) 6:6

Mahmi cu sualnak tuah a dimmi a nun lun uh i cahnak huham cu bo khawng tuk tihnak hi. Sualnak i sila hi lehma toh hung hi.

ROM Khua Khristian Tei Lakah Paul i Laikuat (Paul’s Letter to the Romans) 7:22

Ka sungmu ngilin, Pathian i daanah lungdam hi.

2 KORIN 10:1

Munkhatah a umlangkhat ten uh laihin, a nun pha zetin, a awnkam nem tin ti uh ci a, khendun nungten ti belbul na tih uh mipa keimah Paul in Khrih i hehpihnak le nunnemnak lungmu tuah ngen ing.

2 KORIN 4:16

Hitih bang a hih hangin lungkiamin umma ung hi. Ka taksa pumpi uh cu a kiam susuk li vangin ka hawvang lungmu uh cu nisialin thak suakto lelengin um hi.

GALATI 5:23

niamkhiatnak le lungmu sup theihnakte hi. Mahti bang a ngah umnakah daan cu kul lehma toh hi.

EFESA 4:2

Thinnemnak nei un; niamkhiat le thinsau in um unna, itnak na neih uhmi khi pa khat le pa khat na thinsaunak uh langtik un.

KOLOSE 3:12

Noh cu Pathian i mihingte hi uh ci. Nangmuh it zetin, ama ca in, a tenmite hi uh ci. Mah hangin hehpihnak, niamkhiatnak, thinnemnak le thinsaunakte cu puan bangin silh un.

KOLOSE 3:3

Itahim titale le nohte cu thi zo in, na nunnak tatak uh cu Khrih tuah Pathian i sungah selin um hi.

1 THESALON 4:11

Ka hilh zo toh uh bangin cingdenno in nuntuk khi tumtah un, nangmuhno in, nadek tek unna, pumcawmnak tukin zuam tek un hi.

2 THESALON 3:12

Mahti bangin a nungca mitei lakah nuncan phano a nun theihnak haw tuk le mai pum cawmnak ca dek thei bok tukin, Jesuh Khrih minin ka bawltik uhmi le ngallinnak ka piak nuam uhmi hi haw hi.

1 TIMOTE 2:2

Pathian kihcaknak tuah ziaza phano in le lemdaizetno in, a nun theihnak tuk uhin kumpi le ngamsung hotu upa tei ca in Pathian nelah thunget sak un hi.

2 TIMOTE 2:25

amah a dodaltu nun a hilh ten thinnemno in mi a hilh theitu hi saw hen. Mahtin a bawl tale amuhte thinthekin thutak a theih hawnak tukin Pathian in huncan pha a pia hei hi thei hi.

TITUS 3:2

A kuakua hei hihen sonsia pahsuh un, mengdenin le lemdunno in phialdun duaduam poh unna, mi hempoh humah lungnemnak lungmu le awnkam langtik leleng un tin hilhin hi.

JAMES 1:21

Mah hangin a nawngkai le a ninmi ngamtat pha ngawl hempoh cu vawk khawng un. Pathian nelah ap unna, nangmuh nunpan theitu thudik cu nangmu lungmu sungah khumin pom un.

1 PETER 1:23

A nungmi le kumkhua a khomi Pathian awnkam hangin hinthakmi hi zo uh ci. A thi theimi, nu le pa tei cate hi lehma toh uh ci. A thi thei ngawlmi i cate hi zo uh ci.

1 PETER 3:15

Na lungmu uhin Khrih cu kihca unna, Topa hi tin upat un, nangmu lungmu sung a na pom uh mite thu a dongtu pa kha khat a um haw tale, a dotmi donleh paih thei tukin ngallingsa in um leleng un.

1 SAMUEL 16:7

Mahnaven Topa in, a lakah, “Mi dingsau le mipiangzet ahi vangin zo nuam pahsun. Amah cu ka vawk zo mi hi, itahim titale mihing tei zohdanin zo mang. Mihing ten a pualam zo uh ci, kei in, a lungmu haw zo ing.”