1 PETER 3:3 - Ngawm Bible

³ A pualam mawinak, sam na bawldan uh, sui le ngun, suang manpha tuah na thuamdun dan uhte le na nikcen puansilh dan uhte tuah mawinak zei pahsuh un.

1 PETER 3:3 Iomraidhean Croise

PIANPATNAK 24:22

Rebekah in kalauk cu tui a piak ceng ten, Abraham i umlawhpa in tikal lang a ngitmi sui naalkhaih suahin, a naalah khaih sak a, sui tikal sawm a ngitmi cau ngengzet pa nih la in, a khutah buntik hi.

PIANPATNAK 24:47

‘Na pa akua kaw?’ tin ka dot ten, ‘Nahor le Milkah tei capa Bethuel i canu ing,’ ti hi. A naalah naalkhaih khaihsak ing a, a baanah vang cau buntik ing.

PIANPATNAK 24:53

sui le ngun, na manpha le puansilh suahin, Rebekah cu pia hi; a ningpa le a nu vang na manphazet pia hi.

2 KUMPI 9:30

Jehu cu Jezreel khua a hen ten, Jezebelin, a thulate cu thei khawngin, a mitkhoh hangtikin, a sam bawl pha in, kumpi inn tukvelh pen a nuailam lampi cu na cuan hi.

Esther 5:1

Ni thum sung, an a can nungten Esther cu kumpinu thuam tuah kumpi inn sungta khanah hawh a, kumpipa i khunnak lam hekin ding hi. Kumpipa cu kongka lam hekin, a kumpi khunnak humah khung hi.

SAAM LABU 45:9

Na umnak innpi sung a ummi numeite cu kumpi canute hi. Na kumpi khunnak i taklamah Ofir ngam a, sui phabel a thuamtu kumpinu um hi.

SUAHTULNAK 3:22

Israel numei hempoh ten a innnel Izipt mitei lak le a innsung haw a, a um Izipt numei tei lak pen puan, sui, ngun le na manpha ngen haw tuk a, a canu le capa tei humah na manphate tuah thuamdunin, Izipt mitei hauhnak hempoh laksak khawng tuk uh ci,” ti hi.

SUAHTULNAK 32:2

Aaron in “Na zi uhte, na capa uhte le na canu tei sui bengbet cu duk khawng unna, ka lakah hunpih un,” ti hi.

SUAHTULNAK 33:4

Mah thusia cu Israel miten a zak haw ten lungsia in kap haw hi, kuamah in, a sui le ngun haw vang bulh nuam haw ma toh.

SUAHTULNAK 35:22

Numei hihen, pano hihen hungin mawitiknak a, belhmi a phunkim le bengbet, khut zungbut, lawngawh le sui tuah bawlmi nate cu pha zetin pia haw hi. Mi hempohin Topa i lakah pia tukin a ngaihsutmi haw sum le pai, sui tuah bawlmi nate cu Topa i lakah hunpihin pia haw hi.

SUAHTULNAK 38:8

Topa i umnak Puanbuk sung tumnak kongkhah a nadektu numei tei neihmi daal thalang pen khutsomnak daalkuang le daal tawdamte bawl hi.

ISAIAH 52:1

Jerusalem aw, khanglo in; khanglo inna, tha la lehin! Pathian khuapi thiangtho, a mawi mi in thuam lehin hi. Pathian thei ngawlte cu na kongka sungah tumleh haw tukma toh hi.

ISAIAH 61:10

Topa i thil bawlnak hangin Jerusalem cu a lungdam tuk hi. Huaidunnak tukin van a thuamdunmi monu bang haw hi. Pathian in patnak le nehnak tuah thuamtik zo hi.

JEREMIAH 2:32

Khanglai in, a neihmi van phawkngil thei awng maw? Mothak in huaidunnak mopuan phawk ngil awng maw? Mahnaven ka mihing ten kei phawkngilin, a ni le a ha hei sialcelhleh ma toh.

JEREMIAH 4:30

Jerusalem, lumpek zo toh ci. Itakaw puansan na silh lih laih? Itakaw na sui le ngun, na lo le lamte kaisuahin, na silh uh? Itakaw na mit uhte mawinak si na noih uh? A thawnthongin mawitik uh ci! A ngaitu na tangval ten zam zo haw si, thahtum lamsang haw vei.

EZEKIEL 23:40

“Ngam khawlapi a, um panote zawm lelem haw in, panote cu hung ngangai haw hi. Unau nihte cu tuibualin, a mitmul haw hangtik haw a, sui le ngun na manphate khaih leih luih haw hi.

ROM Khua Khristian Tei Lakah Paul i Laikuat (Paul’s Letter to the Romans) 12:2

Hi leihum mihing nundan hi zui kha toh pahsuh un; mah sangin na sunglam uh pen Pathian in, na lungmu uh thek khawng saw hen. Pathian i deihnak cu thei tuk uh ci a, Pathian mai ah a pha mi, a lungdamnak tuk ikaw tih cu cangkimin thei tuk uh ci.

1 PETER 3:2

Itahim titale, na ngamtat phatnak uh le na lungmu uh a thiang dan amuh haw ten upat tak zetin mu haw tuk hi.