1 PETER 3:16 - Ngawm Bible

¹⁶ A thudotmi haw na donleh uhten nemnak le upatnak tuah don un: lungmu thiangzetno in um un; mahtibang na um uh tale, Khrih zuitu na hih uh bang bokin, na ngamtat ziaza uh cu miten a sonsia haw hei in, na ngamtat dan uh pha hi tih khi amuh haw ten amuh lehlam zakca haw tuk hi.

1 PETER 3:16 Iomraidhean Croise

DANIEL 6:4

hotu dang pa nih le ngamkhen uktu bawi ten Daniel in sualnak le khelhnak nei maw tih cu zei haw hi, mahnaven a sualnak mu haw ma hi, itahim titale Daniel cu mifel muantakzet a hih hangin, thil sual le muantak ngawl imah bawl awng ma hi.

MATTHAI 5:11

“Keima nungzui na hih uh hangin miten zawnsakin, bawlsiatnak le a phunkimin sual a nawn haw tale thupha muicu ngahmi hi uh ci.”

NUNGZUITU 24:16

Mahten Pathian mai le mihing tei mai ah lungmu thiang nei tukin ka zuam theihzahin zuam leleng ing.

NUNGZUITU 28:22

Mahnaven na ngaihsutnak cu thei nuamzet ung. Itahim titale na pawlpi thu uh hi mun hempoh ah miten sonsia haw tih cu thei ung,” tin ti haw hi.

ROM Khua Khristian Tei Lakah Paul i Laikuat (Paul’s Letter to the Romans) 9:1

Ka hilhmi hi thuman hi. Khrih ta ka hih hangin zolthu son mang hi. A sia le a pha khenkhuai theihnak Hawvang Thiangtho i ukmi ka lungmu in zolthu ka son ngawlnak cu ciang zetin hilh hi.

2 KORIN 1:12

Ka tuangkhawn pihzet uhmi pa khat um; mahmi cu ikaw titale: hi leihum a nundan uh le a cuangin, nangmuh tuah a pehzop dunnak uh hi, mihing cihnak i ukmi hi ngawlin Pathian hehpihnak huhamin uk hi. Amah Pathian i piakmi awn taituang le lungmu ngai tuah a nunzia uh cu a lungmu uh sia le pha deidan thiamnakin, a theihpihmi hi.

2 KORIN 4:2

A bawl kuh mek uh thil le zahcakhuai thil khi vawk khawng zo ung hi; mizol ma ung, Pathian thu vang keimu deih zawngin melh ma ung. Thutak cu zaknop le taituang zetin phuang ung a, mahten itih bang mihing ung ngim tih cu miten a lungmu haw tuah khenkhuai haw hen tin nung ung hi.

1 TIMOTE 1:19

lungmu thiang nei in, na upnak khohtikin hi. Mi khenkhatte cu a sia le pha khen theihnak thu a ngaih nuam haw ngawl hangin a upnak haw siatik mek haw hi.

1 TIMOTE 1:5

Hitih bangin ka tih ten ka tuptahmi cu lungmu thiang sung pen a tulmi itnak le sia le pha khen theihnak lungmu thiang le a manmi muannak um hen tih deihnak hangin hi.

2 TIMOTE 1:3

Ka pu le pa tei a deh haw mi le lungmu thiangtho zetin ka deh bokmi Pathian nelah lungdam thu hilh ing. Sun le zan thungenin nangmah ka phawh sial ten Pathian nelah lungdamthu hilh ing.

TITUS 2:8

Kuamah i sonsiat theih tuk ngawlin awnkam pha mang inna, a ngal uhten sonsia thei ngawlin amuh lehlam zakca saw haw tuk hi.

HEBRU 13:18

Keimu ca in thungen leleng un hi. A dikmi khi bawl nuam leleng ka hih uh hangin sia le pha khencelnakah ka lungmu uh thiang hi.

HEBRU 9:14

Mahti bangin sualnak a thiang thei ahi tale Khrih i thisanin amah le mah biakpiaknakin pia hi. A nungmi Pathian na a deh theihnak tukin, imah nemcuam ngawlmi a zui nuamnak uh lungmu bawmngit khi a thisanin thiangtik tuk hi.

1 PETER 2:12

Pathian a um kha ngawl tei lakah zohteh tak tukin nung unna, phat ngawlnak a bawltu tin sual a nawn haw hei in, na ngamtat phatnak uhte mu in, Pathian a hunleh ni ten amah cu thangphat haw tuk hi.

1 PETER 2:15

Itahim titale imah thei ngawlin a umtu misil tei awnkamte cu a ngamtat phatnak uhin neh tahen, tih cu Pathian i deihsakmi hi.

1 PETER 2:19

Pathian deihnak na theih uh hangin na tawh tuk uh ngawlmi haksatnak na thuak uh tale Pathian in thupha muicu pia tuk hi.

1 PETER 3:21

Mahmi cu atu-in nangmuh nunpantu tuiphumnak i lim laktu hi. Hi tuiphumnak cu nangmu taksa pumpi a ninmi somnak tuk hi ngawlin, a sia le pha khenkhuainak lungmu thiang tuah Pathian nelah thutiam bawl na hi saw hi. Jesuh Khrih thawhlehnak hangin tuiphumnakin nangmuh nunpan hi.

1 PETER 4:4

Atu cu Pathian thu umngawltu tei, supnak imah nei ngawlin a nunnak hawah na tualtelleh uh ngawl ten nangmu humah lamdangsa in zawnsak haw hi.