1 PETER 3:11 - Ngawm Bible

¹¹ A pha ngawlmite zamsanin phatnak bawl hen, a lungmu venghawngin lemdaihnak ca in dek hen,

1 PETER 3:11 Iomraidhean Croise

JOB Laibu (The Book of Job) 1:1

Uz a tih haw ngamah mi pa khat na umin, a min cu Job hi. Job cu Pathian biatu le a muangzettu hi. Amah cu mi phazet hi in, na pha ngawl imah bawl nuam ma hi.

JOB Laibu (The Book of Job) 2:3

Topa in, “Ka sila Job thei kha cim?” tin dong hi. “Leihumah amah bang mipha le muantak kuamah um haw ma hi. Keimah bia in, thilpha ngawl imah bawl ma hi. Thu bulbat um ngawlin Job cu, ‘Siatsuah tung,’ tin, keimah na lem hangin lungkim pih ing; mahnaven Job cu a masa bang lengin muantakin nung leleng,” ti hi.

JOB Laibu (The Book of Job) 28:28

Pathian in mihing lakah, “Cihnak na nei nuam uh tale Pathian kihca un; Theihtupnak na nei nuam uh tale, a pha ngawlte pial un,” ti hi.

SAAM LABU 125:4

Topa aw, mipha tei lakah pha bok inna, Na thupiakmi a bawltu tei lak hei ah pha zalin hi.

SAAM LABU 34:14

Thilpha ngawl cu pial unna, a pha mi bawl un. Lemdaihnak tumtah unna, a ngah thei tukin zuam un.

SAAM LABU 37:27

Siatnak cu taisan inna, phatnak bawlin, Mah ahi tale hi ngam sungah kumkhua in um tuk ci.

THUPAUCAP 16:17

Mipha ten a pha ngawl pelh theihnak lampi zui haw hi. Mai hawhnak tuk lampi a zo cangciantu cu a nunnak pan thei tuk hi.

THUPAUCAP 16:6

Pathian nelah dikcang le muantakin umin, na sualnak ngaihdam hi tuk hi. Topa i thu ngai in, na humah siatnak heng tukma hi.

THUPAUCAP 3:7

Cip leng ing tin, ngaisung pahsun; Topa cu kihca inna, sualnak cu zamsanin hi.

MATTHAI 5:45

Mahten vancung a um na Pa uh i cate hi tuk uh ci. Itahim titale Pathian in mipha le pha ngawl humah a bangtenno ni suaktikin, thilpha a bawltu le thilsia a bawltu tei humah bangtenno in nguahzutik hi.

MATTHAI 5:9

Lemdaihnak a bawltute cu, thupha muicu ngahte haw hi. Itahim titale Pathian i cate tin sam co haw tuk hi.

MATTHAI 6:13

Sualsohnakah tel tuk ngawlin, siatnak lak pepanin. Na uknak, thawm ngengnak huham le sunloih upatnak cu na humah catngawl kho leleng tahen. Amen.

MARKA 14:7

Mi ca-ngahte cu a kumkhua in, nangmu lakah um haw tuk poh hi, na nuam uh tale i tuk hei ten bawm thei uh ci. Mahnaven kei cu nohtei lakah um leleng tuk mang hi.

LUKA 1:79

Thihnak lim nuai a um tei humah vanhum pen vaknak hengsuk tuk hi. Lemnak lampi ah hawhtik tuk,” ti hi.

LUKA 6:35

Mahti bang kha ma hi! Na ngalte it unna, amu humah phatnak bawl un, ngahleh tung tin ngaihsutnak tuah sum leicawi pahsun hi. Mahti bang na bawl uh tale laksawng tampi ngahin, Cungnungbel Pathian i ca hi tuk uh ci. Itahim titale amah cu misual le lungdamnak thei ngawl tei humah hei in pha hi.

LUKA 6:9

Jesuh in, “Thu pa khat dong tung. Eimu Daan ah Sabbath ni-in, a bawl phalmi i him? Mi bop tuk maw, mi siatsuah tuk saw him? Mi nunnak humhim tuk maw, siatsuah tuk khi saw him?” tin dong hi.

JOHAN 17:15

Amuhte cu leihum pen latulin, tin ngen kha man naveng mipha ngawlmi pa i lak pen hupin hi bangin ngen ing.

ROM Khua Khristian Tei Lakah Paul i Laikuat (Paul’s Letter to the Romans) 12:18

Mi hempoh tuah a lemno in um tuk khi a cangthei tawkin zuam un.

ROM Khua Khristian Tei Lakah Paul i Laikuat (Paul’s Letter to the Romans) 14:17

Itahim titale Pathian Uknak cu ei le in hi saw ngawlin; Hawvang Thiangtho i piakmi dikcangnak, lemdaihnak le lungdamnakte hi saw hi.

ROM Khua Khristian Tei Lakah Paul i Laikuat (Paul’s Letter to the Romans) 14:19

Mahtin a hih hangin, lemdaihnak a hengtiktu le pa khat le pa khat laklawhah cahnak a hengtiktu nate cu a zocik leleng tuk uhmite haw hi.

ROM Khua Khristian Tei Lakah Paul i Laikuat (Paul’s Letter to the Romans) 5:1

Atu-in upnak hangin thiancotikmi hi zo hung hi; a Topa uh Jesuh Khrih hangin Pathian tuah lemdun zo hung hi.

ROM Khua Khristian Tei Lakah Paul i Laikuat (Paul’s Letter to the Romans) 7:19

A pha bawl nuammi khi bawl mang hi; a pha ngawl, bawl tuk ka nuam ngawl saw bawl ing.

ROM Khua Khristian Tei Lakah Paul i Laikuat (Paul’s Letter to the Romans) 7:21

Mah hangin ka sung a, thil a piang dan hi thei ing, a phami bawl tuk ka nuam ten, ka ten ngahmi cu a pha ngawlmi ngeh na hi saw hi.

ROM Khua Khristian Tei Lakah Paul i Laikuat (Paul’s Letter to the Romans) 8:6

Mihing hihnak i uk mitei tawh tukmi, cu thihnak hi; Hawvang i uk mitei co tukmi cu nunnak le lemdaihnak hi.

GALATI 5:22

Mahnaven Hawvang i ngah a ngahtikmi cu itdunnak, lungdamnak, thinnopnak, lungmuannak, hehpihnak, phatnak, muantakmi hihnak,

GALATI 6:10

Mah hangin hun pha a tawh uh hempoh ah kuakua i humah hei hihen a phami cu bawl nung inna, Khristian a upnak uh lam pen a innkua tei lakah a cuangin bawl tuk hung hi.

KOLOSE 3:15

Khrih i piakmi khenkhuai theihnak cu thu na son uhten na soncatnak hempoh uhah a hotu in bawl un, itahim titale hi lemdaihnak sungah um tukin Pathian in taksa pumpi pa khat sungah a sam mite hi uh ci. Mah hangin lungdamin um un.

1 TIMOTE 6:18

Midangte hehpih thei tukin le ngamtat ziaza pha in phal zetin pia thei tukin hilhin hi.

HEBRU 12:14

Mi hempoh tuah lem dimdiamno in, um tuk zuam unna, nun thiangtho in, nuntuk tum un hi; itahim titale nunnak thiang nei ngawl cu kuamah in Pathian mu thei haw tukma hi.

HEBRU 13:16

Pa khat le pa khat bawmdunin, phatnak bawlsakdun tuk phawkngil pahsuh un, itahim titale mahmi cu Pathian lungdamtiktu biakpiaknak hi.

JAMES 4:17

Mah hangin thilpha bawl tuk thei lengin, a bawl ngawltu cu misual hi.

1 PETER 3:12

Itahim titale Topa in midikte cu phazetno zo in, a thungetnak haw theihpih hi. Mahnaven thilpha ngawl a bawltu cu langpang,” ti hi.

3 JOHAN 1:11

Ka ihmi ngualcam pa aw, a pha ngawlmi cung pahsun, a phami cung saw in, a phami a bawltu hempoh cu Pathian ta hi. A pha ngawl a bawltu hempoh cu Pathian mu ma hi.

THUKHENTUTE 11:14

Jefthah in Ammon kumpi lakah palai hah lehin,