1 PETER 2:4 - Ngawm Bible

⁴ Topa i lakah hung un; Amah cu mihing ten nemcuam ma hi tin, a lawl haw hei in Pathian in, a sunglawi tin, a tenmi a nungmi suang hi.

1 PETER 2:4 Iomraidhean Croise

ISAIAH 28:16

Topa in, “Zion ah a khimzet le a kho zetmi inn taw pan ing a, mah inn taw innkilah tian cihmi suangpi koih ing. Mah innkil suangpi humah, A kho mi upnak cu a thinsau sih, tin ngan ing.

ISAIAH 42:1

Topa in, “Ka sila cu hilai ah um hi. Amah cu ka ngiltikmi le ka tenmi hi. A humah ka lungdam ing. Ka hawvang tuah dimtik zo ing hi, Miphun hempoh lakah thudik hengtik tuk hi.

ISAIAH 55:3

“Ka mihingte, ngai unna, ka lakah hung un; ka lakah hung unna, nunnak ngah tuk uh ci. Nangmuh tuah kumkhua a kho mi thutiam bawl tung a, David lakah ka tepmi thupha cu pia tung.

JEREMIAH 3:22

Topa a nunghektu mi hempoh kikleh un hi; amah in damtik tuk a, muantakmi in bawl tuk hi. Noh ten, “Mahzuh hi, Topa i lakah kikleh ngai nung, itakaw titale amah cu eimuh tei Pathian hi.

DANIEL 2:34

Mah milim cu na zoh lih laih takin kuamah i zen ngawlmi suangpi pa khat cu amahno in lum cawm a, thik le taklei tuah bawlmi a ke cu khiakin, keh let khawng hi.

DANIEL 2:45

Na mangin kuamah i zen ngawlin mual a, suangpi cu lum cawmin thik, daal, taklei, ngun le sui tuah bawlmi milim a seh cu mu ci. A thawmngeng Pathian in mailam a heng tuk mite kumpipa nangmah hilh hi. Na mang matmi cikcek hilh zo ing; mahten a sullam vang dik zetin hilh ciang zo ing,” ti hi.

ZEKHARIAH 3:9

Joshua mai ah mai salih neimi suangtum pa khat koih tung. A humah lai ngan tung a, ni khat sungin hi ngam i sualnak cu laksak khawng tung hi.

ZEKHARIAH 4:7

Na mai ah khaktu mualpi tia a um vangin pha thong khawng tuk hi. Biakinn cu tungdingleh tuk ci a, biakinn saknak a dawlbel suang na tian uhten mipi ten mawizet hei, mawizet hei, tin au haw tuk tin,” ti hi.

MATTHAI 11:28

“Van ngit a pua mi le a cim a kham mite, ka nelah hung un, colhdamnak pia tung hi.

MATTHAI 12:18

“Ka tenmi ka nadektu pa cu hilai hah um, Ka ihmi le a humah ka lungdam zetmi hi. A humah ka Hawvang koih tung a, Ka thukhennak cu mi phun hempoh tei lakah than tung.

MATTHAI 21:42

Jesuh in, “Lai Thiangtho i hilhmi sial awng ma uh cim? Lai Thiangtho in, ‘Inn satu tei nemcuam ngawl tin a lawl haw mi suang cu a thupibel mi suangin cang hi. Hihi Topa i bawlmi hi, ohtei mitzohin mawizet,’ ti hi.

JOHAN 14:19

Imah can um ngawlin leihumpi in, kei cu muleh tukma toh hi. Mahnaven noh ten kei cu mu tuk uh ci. Mahbek sial ngawlin keimah ka nun bang bokin nohte vang nungbok tuk uh ci.

JOHAN 14:6

Jesuh in, “Kei cu lampi, thutak le nunnak ing. Keimah tawn ngawlin kuamah in ka Pa i lakah heng thei haw tukma hi.

JOHAN 5:26

Pa amah loli khi nunnak bulpi hi. Mah hangin Capa vang nunnak bulpi in bawl zo hi.

JOHAN 5:40

Mahnaven nunnak ngah tukin ka lakah hung nuamcuang ma uh ci.

JOHAN 6:37

Ka pa in keimah a piakmi pawpoh cu kua hei hihen ka lakah hung haw tuk hi. Keima lakah a hungmi pawpoh cu pa khatno hei kik tuk mang hi.

JOHAN 6:57

A nungmi Pa in keimah tiikin, ka nunnak hi amah hangin nung ing. Mahti bang bokin, keima taksa a eitu cu keimah hangin nungbok haw tuk hi.

ROM Khua Khristian Tei Lakah Paul i Laikuat (Paul’s Letter to the Romans) 5:10

Ni dang laihin, Pathian ngal hi nave hung, atu-in, a Capa i thisan hangin a ngualcamin bawl zo hi. Pathian i ngualcam a hih zo uh hangin Khrih i nunnakin itih zahin ohte cu nunpan tuk him?

1 KORIN 3:11

Itahim titale Pathian in Jesuh Khrih cu innkil tawphah hi tukin koih zo a hih tak innkil tawphah dang betleh theih ma toh hi.

KOLOSE 3:4

Mahmi na nunnak tatak uh cu Khrih hi a, amah a langleh ten nohte vang amah tuah langkhatin, a sunloihnak co kawm bok tuk uh ci.

1 PETER 1:19

A luattiktu cu a sunglawimi, Khrih thisan hi; Khrih cu sonbang ngawl, a thiangthomi tuuno bang hi.

1 PETER 1:7

Itahim titale hi haksatnak na thuak uhmi cu na upnak uh a ngangai maw, a ngangai ma him tih theihnak tukin hi. A sia theimi sui hei khi mei tuah khingkhai haw hi. Mahti bang bokin sui sangin a sunglawi saw mi na upnak uh cu haksatnak a thuak zotu hi tukin thiathazoh kul hi. Jesuh Khrih a lang Ni ten thangphatnak, sunloihnak le upatnakte ngah tuk uh ci.

1 PETER 2:7

Thu umtu nangmuh tei ca in suang manpha hi. Mahnaven umngawltu tei ca in, “Inn satu tei nemcuam ma tin, a lawl haw mi suang cu man neibel suangin suak hi,” tihmi khi hi.

2 PETER 1:1

Jesuh Khrih i nadektu le a tiikmi keimah Simon Peter in, a Pathian uh i dikcangnak le nunpantu Jesuh Khrih hangin a sunglawimi ka upnak uh a co bokmi nangmu lakah hi laikuat hi ngan ing.

2 PETER 1:4

Mahten a tepsa mi a thawmngengnak le a sunglawi laksawng cu pia in, mah laksawng hangin a siatsuah theitu leihum tisa deihnak pen luatin, Pathian hihnak mangkawm thei tuk uh ci.