1 PETER 2:2 - Ngawm Bible

² Nau hinsemno bang un; hawvang nawitui cu duhzet un; mah nawitui na in uh hangin khangin, nunpatnak ngah tuk uh ci.

1 PETER 2:2 Iomraidhean Croise

2 Samuel 23:5

A pelh thei tuk ngawlmi le, a kumkhua in, a kho mi thutepnak tuah Topa in thu a tep zo hangin ka casuante cu Pathian in muicu pia tuk hi. Mahmi cu ka lungtummi le ka nehnak hi tuk hi. Pathian in kimtik tatak tuk hi.

JOB Laibu (The Book of Job) 17:9

Upat takmi ing tin, a ngaisungdun cop ten, dik ung hi tin muangdun sesem haw hi.

THUPAUCAP 4:18

Mahnaven midik tei lampi cu zing khuavak pen sun tiang a vak dedeuhmi vaknak tuah bangve hi.

HOSEA 14:5

Israel tei ca in ngamko a, nguahtui bang hi tung hi. Lily pak bangin pak haw tuk a, Lebanon thingkung bangin kho zetin poto haw tuk hi.

HOSEA 14:7

Keima humhimnak sungah ankungte cingin, sabit huan sung a, sabittui bangin a min haw thang tuk hi.

HOSEA 6:3

Topa cu thei tukin zuam nung. Amah cu oh tei nelah zinglam sial ten khuavak bangin hung tuk a, lei kawttiktu khuapi nguah bangin pelh ngawlin hung tuk ti haw hi.

MALAKHI 4:2

Mahnaven ka thu a zuitu noh tei ca in, ka mi patnak huham cu ni bangin vak zihziah tuk a, noh tei humah, ni alin damnak a piak bangin noh tei humah damnak hengtik tuk hi. Khuino cu khui inn pen a suah haw bangin luat hilhialin le lungdam zetin um tuk uh ci.

MATTHAI 18:3

“Thungai in hilh ing. Na lungmu uh thekin, naupangno na bang uhma tale Vancung Uknak sungah tum tukma uh ci.

MATTHAI 19:14

Jesuh in, “Vancung Uknak cu hi bang tei tatuk a hih hangin, naupangte cu ka lakah hung haw poh hen, kham pahsuh un,” tin ti hi.

MARKA 10:15

Thungai in hilh ing; a kuakua hei hihen naupang tei Vancung Uknak a san haw bangin a sang bok haw ma tale Vancung Uknakah tum thei haw tukma hi,” ti hi.

LUKA 18:17

Hi thu hi phawk leng un! nau Akua hei hihen naupangte bangin Pathian Uknak a co sang ngawltu cu mahlai Uknak sungah tum thei awng haw tukma,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 6:4

Tui sungah a phum uhten amah tuah phumcih hi hung hi, a thihnakah thi bok hung hi; mahti bang bokin Pa i sunloihnak huhamin Khrih cu thihnak pen a thawhtik bang bokin eimuh vang a thakin nung bok tuk hung hi.

1 KORIN 14:20

U le naute aw, na thu ngaihsutnak uh naupang bangin um pahsuh un. Na pha ngawl bawlnak naupang bang unna, thu ngaihsutnak lamah ngilcang un.

EFESA 2:21

Amah cu inn pumpi a kaikhawmtu hi a, Topa biakinn thiang cang suak tian, a khangtotiktu cu amah hi.

EFESA 4:15

Itdunnak lungmu pua in, thutak hilh saw in, a lu uh ahi mi Khrih sungah a phunkimin khangto tuk mite hung hi.

2 THESALON 1:3

U le naute nangmuh hangin Pathian humah lungdamzet ung hi. Mahti bangin Pathian a thangphat uh cu a dikmi hi. Itahim titale na upnak uh khang zetin pa khat le pa khat na itdunnak uh vang khang tawto hi.

1 PETER 1:23

A nungmi le kumkhua a khomi Pathian awnkam hangin hinthakmi hi zo uh ci. A thi theimi, nu le pa tei cate hi lehma toh uh ci. A thi thei ngawlmi i cate hi zo uh ci.

2 PETER 3:18

Ohtei Topa le nunpantu Jesuh Khrih hehpihnak le amah theihnak sungah khangto sesemta un. Ama lakah sunloihnak cu atu le kumkhua in um leleng tahen! Amen.