1 PETER 2:11 - Ngawm Bible

¹¹ Ka ihmi ka ngualcamte, hi leihumah mikhual le ngaltaimi bangkek hi nave uhcin, nangmuh tei lakah hehpih kun ing. Hawvang tuah a ngaldun lelengmi tisa i deihnakin neh pahsuh hen.

1 PETER 2:11 Iomraidhean Croise

PIANPATNAK 21:34

Filistia ngam sungah Abraham cu kum ngeipi um hi.

PIANPATNAK 23:4

“Kei hi nangmu lakah a bawklawk hih, ngamdangmi, mikhual ka hih ten, ka zi vuinak tukin, na ngam uh hi neuno hu zuak ve ule,” tin ngen hi.

PIANPATNAK 47:9

Jakob in, “Vakvai in, kum za le sawm thum nung zo toh ing. Ka nuncak sungah haksatnak tawk pepel ing a, ka pu le pa tei a vahvaih haw kum cu bangma laih ing,” ti hi.

1 KHANGSIALNAK 29:15

Topa aw, na theih bangin, ka pu le pa uhte bangin nunnak lampi ah ngalmatmi le mikhual bangin a vakvai mite ung hi. Ka damsung uh hun hi a paileh theimi nilim bang hi, thihnak pen suakca tukin muansannak nei ma ung.

SAAM LABU 119:19

Leihumah ngei ngawlno sung bek um ing. Ka lak pen na thukham cu sel zal pahsun.

SAAM LABU 119:54

Khual ka zinnak ka innah na thukhamte cu ka lasak mite hi.

SAAM LABU 39:12

Topa aw, ka thungetnak zaksak zal inna, ka ngetmi hi theihsak zalin hi. Na lakah ka kah ten mengdenin zamsan thong pahsun. Ka pu le pate bangin kei hi hun comno sung bek na mikhual ing.

THIAMPI NADEHNAK 15:18

Nu le pa a zaukawm nung haw ten, a pa nih haw in tuibual haw tuk a, mah sun cu taklam tian mi thiangtho ngawl hi tuk hi.

THIAMPI NADEHNAK 25:23

Na leingam uh cu kumkhua ca in zuak pahsuh uh hi; itahim titale nangmuta hi ma hi, Pathian ta hi, noh cu ngamdangmi hi uh ci a, hun demno sung mantik hihmi bek hi uh ci.

LUKA 21:34

Jesuh in, “Ngallingin um un! Puai bawlin zu inthah le sa ei hei in hihen, nun khuasaknak helhkamin, na umta pahsuh un hi; na um sual uh tale na phawhkhak uh ngawlin mah Ni cu heng tuk hi.

NUNGZUITU 15:20

Mah sangin amuh tei lakah milim biaknak an thiang ngawlte ei tuk ngawlin le nupa sualnak bawl tuk ngawlin, ngawng awkin, thahmi cik le sathi pawpoh ei tuk ngawlin laikuat saw nung.

NUNGZUITU 15:29

Milim biaknak an ei pahsuh unna; sathi ei pahsuh un; ngawng awkin, thahmi cik ei pahsuh unna; nupa sualnak bawl pahsuh un hi. Hi mite hi bawl ngawlin na pial thei uh tale pha khawng tuk hi. Damno in umta un,” tin ngan haw hi.

ROM Khua Khristian Tei Lakah Paul i Laikuat (Paul’s Letter to the Romans) 12:1

Mahti bang a hih hangin ka u le naute aw, Pathian i hehpihnak hangin Pathian nelah na pumpi uh cu a nungin apmi biakpiaknak bangin pia un tin ngen ing. A nadehnakah pum a pia mi le a lungdamtiktu hi tukin sawm ing. Mahmi cu Pathian nelah na piak tuk uhmi biaknak tatak hi.

ROM Khua Khristian Tei Lakah Paul i Laikuat (Paul’s Letter to the Romans) 7:23

Mahnaven ka taksa sungah daan dang nadek boktu um hi; mah daan cu ka lungmu sungin, pha a tihmi a dodaltu khi hi. Mahmi in ka taksa sungah a nadehmi sualnak daan nuai ah sila bangin tangtik hi.

ROM Khua Khristian Tei Lakah Paul i Laikuat (Paul’s Letter to the Romans) 8:13

Mihing na hihnak uh i deihzawngin, na nung uh tale thi tuk uh ci; mahnaven sualnak na bawl mekmi uhte khi Hawvang i bopnakin, na that uh tale nung tuk uh ci.

2 KORIN 5:20

Mah hangin kohte cu Khrih i palai ung hi: Pathian amah loli in keimuh mangin thu a hilh bangin thuhilh ung. Khrih minin nangmuhte zawm ung hi. Pathian tuah lemdun unna, a ngal hihnak pen a ngualcamin cang zal un. Khrih cu sualnak imah nei ma hi;

2 KORIN 6:1

Pathian tuah na a dek langkhatmi ka hih uh hangin Pathian hehpihnak a cotu noh ten mah hehpihnak cu a thawnthongin cangtik pahsuh un tin ngen ung hi.

2 KORIN 7:1

Ka ihmi u le naute aw, hi thutepnak hempoh hi eimu lak a tepmi hi. Mah hangin taksa pumpi hihen, Hawvang hihen, a nintiktu pawpoh cu vawkin, a thiangthono in um nung hi; Pathian upat le kihcaknak tuah nungten nung.

GALATI 5:24

Jesuh Khrih i ta a himi in, mihing tei taksa deihnak le tisa nopnak cu thinglamtehah khencih zo haw toh hi.

EFESA 2:19

Mahti bang a hih hangin noh Gentail mite vang mikhual le ngamdangmi hi lehma toh uh ci; Pathian i miphunte tuah a bang tenmi hi uh ci a, Pathian i innkua ah sungtel hi zo uh ci.

EFESA 4:1

Topa i nadehnak hangin thawngta mi keimah in; Pathian sapmi na hih uh bangin na nunnak uhah Pathian sammi na hihnak uh langtik un, tin so ing.

2 TIMOTE 2:22

Khanno laih i tisa deihnak cu zam inna, lung thiangno in, Topa i bop tuk a ngentute tuah munkhatah thumannak, upnak, itnak le lemdaihnak ngah tukin nase zetin zuamin hi.

HEBRU 11:13

Hih mite cu upnak neitu cu a hih haw hangin upnak tuah thi haw hi. Pathian i tepsa mite a co ngah haw ngawl hei in, ngalcuanin, mu in lungdam haw hi. Lei humah mikhual le mi vakvai a hihnak haw theicop haw hi.

HEBRU 6:9

Ka ihmi u le naute aw, hitih bangin hilh nave ung, noh tei cungcangah thinnopzetnak nei ung hi. Noh ten muicu thupha saw a himi nunpatnak nei uh ci tih khi thei ung hi.

JAMES 4:1

Pa khat le pa khat hauhdunnak le vahdunnakte i lai pen heng him? Tisa nopnak na deihnak uh pen heng a, tisa sungah catngawl sualdun leleng haw hi.

1 PETER 1:1

Jesuh Khrih i tiikmi keimah Peter in Pontius, Galatia, Kappadosia, Asia le Bithinia peng a ngaltai bangin a vakkekmi, Pathian i tenmite nangmu lakah laikuat ing.

1 PETER 1:17

Pathian nelah thu na nget uhten ohtei Pa tin sam uh ci, mah na Pa uh cu mi hempoh deidatnak nei ngawlin amuh tei nadehnak bangkekin, thukhen tuk hi. Mahtibang a hih hangin hi leihum na nunsung uhah amah kihcaknak tuah ama ca in nung un.

1 PETER 4:12

Ka ihmi ngualcamte aw, a haksa zetmi thiatha zohnak na thuak uh hangin amthongin um pahsuh un, kuamah i tawh awng ngawlmi eimu humah heng hi, tin ngaisung pahsuh un.

1 PETER 4:2

Mah hangin tu pepan leihum nunnak huncan na neih sung uh hempoh mihing deihnak hi ngawlin, Pathian deihnakin uk hen.

2 PETER 3:1

Ka ih mite, himi hi nangmu lak a, ka kuatmi a vei nihnak lai hi. Ka laikuat a vei nih mahin, ka tuptahmi cu nangmuh tei lungmu sungah ngaihsutnak thiang um pan hen tih theilehtik nuam ing.