1 PETER 2:1 - Ngawm Bible

¹ Mah hangin phat ngawlnak hempoh vawk khawng toh un; zolthu sonleh toh pahsuh un; ultungleh toh pahsuh un; mi iksikleh toh pahsuh un, nautatnak awnkamte mangleh toh pahsuh un;

1 PETER 2:1 Iomraidhean Croise

JOB Laibu (The Book of Job) 36:13

Pathian thei ngawlte cu a thin haw so leleng; Haksatnak a tawk haw hei in bopnak deihin thungen haw ma.

SAAM LABU 32:2

Topa i sual a not ngawlmi, a lungmu sungin mizolnak a nei ngawltu cu mi muicu hi.

SAAM LABU 34:13

Na nuam uh ahi tale, a pha ngawlmi awn tuk ngawlin le zolthu son tuk ngawlin ngalling un.

SAAM LABU 37:1

Mipha ngawl a um haw hangin ngaihsut hakin um pahsun. Sualnak a bawl haw mite vang hawza pahsun.

SAAM LABU 73:3

Itahim titale mi ultungte iksik ing, mipha ngawlte mihau a hih haw mu thei mang.

THUPAUCAP 14:30

Lungdaihnakin pumpi damtik hi, mahnaven iksiknak cu khensa natnak bang hi.

THUPAUCAP 24:1

Mipha ngawlte hawza pahsun; A muhte tuah phialdun pahsun.

THUPAUCAP 24:19

Mipha ngawl tei hangin thin nop ngawlin um pahsun, mipha ngawlte hawza pahsun.

THUPAUCAP 3:31

Mi pualthaute hawza pahsun, amuh bangin um tuk vang ngaisung pahsun.

ISAIAH 2:20

Mah ni a hen ngangai ten sui le ngun tuah a bawl haw mi milimte cu taisan khawngin, zuphul le baak tei lakah vawk khawng haw tuk hi.

ISAIAH 30:22

Sui le ngun tuah bawlmi na milim uhte cu buak bangin vawkin; “Muleh nuam ma toh ung,” tin tituk uh ci.

MATTHAI 15:7

Mi ultungte! Profet Isaiah i nangmu cungcang thu a ngatmi man tatak hi? A ngatmite cu;

MATTHAI 23:28

Mahti bangin na pualam uh zoh ten mi hempoh ca in miphazet bang naven uhcin na sunglam uh cu ultunnak le sualnak namkim tuah dim uh ci.

MATTHAI 24:51

A bawipa in mahpa cu hawlvawkin, mi ultung tei umnakah kuat tuk a, mahlai munah kap le hacang ngawi in um tuk hi,” tin ti hi.

MATTHAI 7:5

Mi ultung pa! Nangma mitsung a buak ngengpi cu khek masa inna, mahceng ten na unau pa i mitsung a mitcang cu celzetno mu in, kheksak thei tuk ci.

MARKA 12:15

Jesuh in, a ngitlohnak haw amuh ten, “Itakaw thangin awktik na tum uh? Ngun tangka pia hem un zo nang,” ti hi.

LUKA 11:44

Nohtei ca in izah takin lauhuai him? Noh cu melciknak hei umleh ngawl tohmi khankhuuk, kuamah in theihtupleh ngawltohin a cilpek lihmi khan bangkek hi uh ci,” ti hi.

LUKA 12:1

Mihing cu a thawng tampite cu cil khadun susuihin, a tawhdun lih haw laih takin Jesuh in, a nungzuitu tei lakah hi bangin hilh hi, “Farasi tei naman khi na ngalling un hi. Ka sonnuambelmi cu a ultunnak haw khi hi.

LUKA 6:42

Na unau i lakah, “Unau pa aw, na mitsung a, buak zohsak nang” tin ita ti thei cim? Nangma mitsung a, thingkhal hei mu ma ci. Noh mi ultung theite! Na mitsung a, thingkhal khi suah masa unna, mah nungten na unau uh i mitsung a, buak cu phano in mu tuk uh ci,” tin ti hi.

JOHAN 1:47

Jesuh in Nathanel a hun cu amuh ten, “Israel mi cikcek pa hi zo un! A lungmu sungah zolthu hihim umma hi,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 1:29

Amuhte cu siatnak, phatngawlnak a phunkim le hampumnak, suaksualnak namkim tuah dim haw hi. Iksiknak, mithahnak, dodunnak, mizolnak le huatdunnak, awklawlnak tuah dim haw hi. Kam tamin,

1 KORIN 14:20

U le naute aw, na thu ngaihsutnak uh naupang bangin um pahsuh un. Na pha ngawl bawlnak naupang bang unna, thu ngaihsutnak lamah ngilcang un.

1 KORIN 5:8

Mah hangin a Kaltan Puai uh cu naman lun sualnak le phat ngawlnak tuah a cokhelmi cangho lom tuah hi ngawlin naman hel ngawl thianthohnak le thutak cangho lom tuah bawl nung hi.

2 KORIN 12:20

Mahnaven nangmu lak ka hen ten mahti bang um haw le pha tin ka thuduhsammi bangin na hileh uh ma pang ahin tih hi lau em ing a, keimah vang mah tin hileh tin na deih sak uhmi ka hileh ma ahin tihvang cu lauzet bok ing. Nangmu lakah hauhdunnak, iksiknak, thincomnak, mai matan bek ngaihsutnak, zotsaknak le sonsiat dunnak, pualthaunak le buai cecunakte tawk kha kawn ing, tih hi lauzet ing.

EFESA 4:31

Lungmu sungin mihuatnak le ngaldunnak, tisa nopnak le thinuknakte khi botik un hi. Pa khat le pa khat hauhdunnak, zotsaknak le huatnak lungmu neuno hei nei toh pahsuh un.

1 THESALON 2:3

Ka hilh uhmi thu ah khelhnak imah umma hi, lungmu thiangtho ngawl sung pen a tulmi hei kha ma, mizol ka tumnak uh i hang hei kha ma hi.

1 TIMOTE 3:11

A zite haw vang ziaza pha mi hi tuk a, mi sonsia in kamtam mi hi haw pahsuh hen, zu a in ngawlmi hi haw tuk a, ihempoh ah mi ngeikhei zetmi hi haw hen.

TITUS 2:3

Mahtibang kek bokin numei upa deuhte khi numei hihnak danno tuah nun thiangtho nei tukin zilhin hi. Mi sonsia tuk ngawlin le zu i salah um tuk ngawlin, a phami zilhin hi.

HEBRU 12:1

Ohte vang hitihzah takin, a tammi tetti a elkim uhah a neih uh hangin a hawhnak lampi uh khamtu le a khaktu thil cu vawkin, a sualnak uh bawmngit cu zamsanin le eimu mai ah a ummi, tai zuamdunnakah teimak suahin tai nung hi.

JAMES 1:21

Mah hangin a nawngkai le a ninmi ngamtat pha ngawl hempoh cu vawk khawng un. Pathian nelah ap unna, nangmuh nunpan theitu thudik cu nangmu lungmu sungah khumin pom un.

JAMES 3:14

Mahnaven nangmu lungmu sungah iksiknak, mihuatnak le mai matan ca ngaihsutnak bek a dim tale cip ing tin, ultung pahsuh un, thutak humah sualnak a bawl limi hi saw uh ci.

JAMES 4:11

U le naute aw, nohte pa khat le pa khat sonsiadun pahsuh un. Khristian unau dang a sonsiatu le a mawhsiattu cu Daan a sonsiatu le a vawktu hi. Daan na sonsia uh tale Daan zuitu hileh ngawltohin, a mawhsiattu hi saw uh ci.

JAMES 4:5

Lai Thiangtho sungah, “Pathian in eimu sungah a koihmi hawvang cu nase zetmi itnak tuah dim hi,” tin, a tihmi cu sullam nei ngawlmi hi, tin ngaisung sual pahsuh un.

JAMES 5:9

U le naute, pa khat le pa khat mawhsiatdun pahsuh unna, Pathian in mawhsiat bok tukma hi. Thukhentu heng awndiak toh hangin ngallingin um un hi.

1 PETER 2:16

A luatmi bangin nung un; mahnaven na luatnak uh cu phat ngawlnak huptu in bawl pahsuh un, mah sangin Pathian i sal bangin nung saw un.

1 PETER 2:22

Khrih in sualnak imah bawl ma hi, a kam pen zolthu son hi tihvang miten thei awng haw ma hi.

1 PETER 3:10

Lai Thiangtho sungah, “Nunnop zetin anung nuamtu le nisuah pha a mu nuamtu in awn sia in, a ot tuk khi sup henna, zolthu sonleh toh pahsuh hen.

1 PETER 4:2

Mah hangin tu pepan leihum nunnak huncan na neih sung uh hempoh mihing deihnak hi ngawlin, Pathian deihnakin uk hen.

1 PETER 4:4

Atu cu Pathian thu umngawltu tei, supnak imah nei ngawlin a nunnak hawah na tualtelleh uh ngawl ten nangmu humah lamdangsa in zawnsak haw hi.

MANGMUHNAK 14:5

Zolthu son awng ngawlmi le sonsiat tuk imah nei a ngawlmite hi haw hi.