1 PETER 1:8 - Ngawm Bible

⁸ Amah cu mu awng ma nave uhcin it uh ci, mu ma nave uhcin um uh ci. Mah hangin kam hei son zawh ngawlmi a sunglawimi lungdamnak nei uh ci.

1 PETER 1:8 Iomraidhean Croise

SOLOMON LA 1:7

Hilh inna, ka ngaihno aw, na tuu tei tatnakno cu? Sun ni zaangkang sungno in, thullim nuai ilai munah? Na val pih tuu tei elah, ngaihno cuan li tatung maw?

SOLOMON LA 5:16

A awn hum zuzungno cu, zaknop cuang hi ti ing. Jerusalem zozaamte aw, ka ngaihno deih awh cuang vei.

SOLOMON LA 5:9

Zozaam lak pen mawicuangbel, na tup sangbel valpa cu tih lawlawm kam thiam?

MATTHAI 10:37

Kua hei hihen, keimah sangin a nu le pa a it saw tu cu ka nungzuitu tukin tak ma hi. Keimah sangin a canu hihen, a capa hihen, a it saw tu cu ka nungzuitu tukin tak ma hi.

JOHAN 14:15

Jesuh in, “Keimah na it uh tale ka thupiakte zui tuk uh ci.

JOHAN 14:21

Ka thupiak pomin, a zuitu cu keimah ittu hi. Ama lakah keimah le keimah lang tung hi.

JOHAN 14:24

Keimah a it ngawltu ten ka thu ngai haw tukma hi. Ka hilhmi thu na zak lih uhte khi keima thu kha ma hi. Keimah a tiiktu ka Pa i thu hi.

JOHAN 16:22

Mahti bang bokin nohte vang hi bok tuk uh ci. Atu-in, na tha uh sia hi. Mahnaven nohte cu muleh tung a, na lungmu uh cu lungdamnak tuah dim tuk hi. Mah lungdamnak cu kua mah i lonsak thei ngawl tohmi lungdamnak hi tuk hi.

JOHAN 20:29

Jesuh in, “Na muh hangin um poh sisi? Keimah mu ngawl napi in, a sangtute cu thupha ngahmi haw hi,” ti hi.

JOHAN 8:42

Jesuh in, “Pathian cu na pa ngangai uh ahi tale keimah it tuk uh ci. Itahim titale kei cu Pathian lak pen hungin, atu-in hilai ah um ing. Keima thu in hung cawm mang hi. Keimah tiiktu pa i thu tuah hung ing.

NUNGZUITU 16:34

Paul le Silas cu a inn humlamah pui in, an eih tuk pia hi. Amah le a innkua hawngin Pathian a up ngah haw hangin lungdamnak tuah dim haw hi.

ROM Khua Khristian Tei Lakah Paul i Laikuat (Paul’s Letter to the Romans) 14:17

Itahim titale Pathian Uknak cu ei le in hi saw ngawlin; Hawvang Thiangtho i piakmi dikcangnak, lemdaihnak le lungdamnakte hi saw hi.

ROM Khua Khristian Tei Lakah Paul i Laikuat (Paul’s Letter to the Romans) 15:13

Hawvang Thiangtho i cahnak thawmin, na muansannak uh cu khang tawto hen na, muansannak bulpi Pathian in, amah na upnak uh thawmin lungdamnak le lemdaihnak phunkim tuah dimtik tahen.

1 KORIN 16:22

Kua hei in, Topa a deih ngawltu cu a humah siatnak heng tahen. Maranatha: Topa hung tohin hi.

2 KORIN 1:22

Ama bulta a hihnak uh cu eimu humah melciknak koih zo in, eimu ca koihsa in, a ummi hempoh ngah tuk tih amahkhannak in, a lungmu uhah Hawvang Thiangtho pia zo hi.

2 KORIN 4:18

Mah hangin cangcian zetin ka zoh uhmi cu mit amuh theih thilte hi ma hi; muh theih ngawlmi thil hi saw hi. Muhtheih mite cu hun comno sung bek phat hi, mahnaven muh theih ngawlmi cu kumkhua ca phat hi.

2 KORIN 5:7

Kohte cu upnak tuah nung ung. Muhnak tuah nungma ung hi.

2 KORIN 9:15

Son zawh ngawlin a sunglawimi Pathian i laksawng ca in lungdam thu a lakah hilh ten nung hi.

GALATI 5:22

Mahnaven Hawvang i ngah a ngahtikmi cu itdunnak, lungdamnak, thinnopnak, lungmuannak, hehpihnak, phatnak, muantakmi hihnak,

GALATI 5:6

Itahim titale Khrih Jesuh tuah a pehzomdun uh tale vunceptalhnak hihen, tan ngawlnak hei hihen, dangdunnak umma hi. A thupimi cu itdunnak sung pen na a dektu upnak bek khi hi.

EFESA 3:19

A itnak cu cangkim zetin theih khawng cu um awng tukma naven theileh leng tuk poh uh ci. Mahten a cangkimmi Pathian a hihnak tuah na nunnak uh cu dim zal tahen.

EFESA 6:24

A catngawlmi itnak tuah a Topa uh Jesuh a ittu na venghawng uh lakah Pathian hehpihnak cu kho zal tahen.

FILIPI 1:25

Mahmi cu ciang zetin ka theih hangin nung hih tung. Upnak sungah na khantohnak uh le na lungdamnak uh a belh bawmtu tukin nangmu lakah ngei nung tuk laih ing.

FILIPI 3:3

Amuhte hi ngawlin eimuh saw lehlam hi a manmi vunceptalhnak a cotu hi saw hung hi; itahim titale Hawvang i hangin Pathian bia hung a, a nunnak uh cu Khrih Jesuh tuah a pehzop uhnak hangin lungdamnak dim hi. A pualam bawlnak i humah imah muan tuk nei ma hung.

FILIPI 4:4

Topa tuah na pehzopnak uhah lungdam leleng un; notleh hih tung lungdam leleng un!

HEBRU 11:1

Upnak nei tihmi cu a muansan uhmi ngah loli tuk hung tin muan le mit tuah amuh uh ngawlmi um tatak tuk tin upmi khi hi.

HEBRU 11:27

Moses cu upnak a neih hangin Izipt ngam kumpipa i thinuknak hei lau ngawlin Izipt ngam taisan ngam hi. Muh theih ngawlmi Pathian cu amu bangin kik nuam hihim ma zo hi.

1 PETER 1:6

Mah hangin lungdam un. Haksatnak a phunkim na tawh uh hangin hun comno sung thasia in, na um uh vangin lungdamin um sesem un hi.

1 PETER 2:7

Thu umtu nangmuh tei ca in suang manpha hi. Mahnaven umngawltu tei ca in, “Inn satu tei nemcuam ma tin, a lawl haw mi suang cu man neibel suangin suak hi,” tihmi khi hi.

1 PETER 5:4

Mahten Tuucing Bawibel a lang ten a vaknak a kiam thei awng ngawlmi sunloihnak lukhu sunglawi cu ngah tuk uh ci.