1 PETER 1:7 - Ngawm Bible

⁷ Itahim titale hi haksatnak na thuak uhmi cu na upnak uh a ngangai maw, a ngangai ma him tih theihnak tukin hi. A sia theimi sui hei khi mei tuah khingkhai haw hi. Mahti bang bokin sui sangin a sunglawi saw mi na upnak uh cu haksatnak a thuak zotu hi tukin thiathazoh kul hi. Jesuh Khrih a lang Ni ten thangphatnak, sunloihnak le upatnakte ngah tuk uh ci.

1 PETER 1:7 Iomraidhean Croise

JOB Laibu (The Book of Job) 23:10

Pathian in ka ke kal khat tianin mu hi, A khingkhai ahi tale sui bangin ka thianthoh lam thei tuk hi.

JOB Laibu (The Book of Job) 28:1

Ngun a cawhnak haw khuk um; Sui a thiantiknak haw mun um.

SAAM LABU 17:3

Ka lungmu cu nangmah in thei ci; zanlamin ka lakah hungin, thiatha zo le ci, ka sungah phat ngawlnak imah mu ma ci.

THUPAUCAP 16:16

Cihnak le theihtup thiamnak neih cu sui le ngun neih sangin a manpha saw hi.

THUPAUCAP 17:3

Sui le ngun cu mei tuah khingkhai bangin mihing tei lungmu cu Pathian in khingkhai hi.

THUPAUCAP 8:19

Ka lak pen na ngah mite cu, a phabelmi sui le ngun sangin pha saw hi.

THUHILHTU 5:14

A khawlmi cu phawhkhak ngawlin paithong a, capa lakah, a piak tuk imah tang ma toh!

ISAIAH 48:10

Ngun cu pum mei ah a thiantik haw bangin, thuaknak mei sungah khingkhai ing hi, Mahnaven man nei ngawl na hihnak cu cangcian zetin thei ing.

JEREMIAH 48:36

“Mah hangin mithi la tumthahin, mithi vuinak lasatu bangin Moab le Kir Heres mitei ca in ka lungmu hitui cak hi, itahim titale a neih haw hempoh bo khawng zo.

JEREMIAH 9:7

Mah hangin Cungnungbel Topa in, “Ka mihingte hi thik tui bangin huan tui in, khingkhai tung. Ka mihing ten thilpha ngawl bawl zo haw hi. Itin kaw ka tih cuang tuk hi.

ZEKHARIAH 13:9

a tang calam khen thum khenkhat cu khingkhai tung a, ngun cu mei tuah a thiantik bangin thiangtik tung. Sui cu mei ah a khingkhai haw bangin khingkhai tung. Ka nelah thu a nget haw ten za tung. Ka mihing a hih haw hilh tung a, keimah vang a Pathian haw ka hihlam phuang haw tuk,” ti hi.

MALAKHI 3:3

Ngun cu tuitikin, thiangtik theitu bangin, thukhen tukin amah cu hung tuk hi. Thiksektu in, sui le ngun a ciantik bangin Topa i palai in, thiampite thiangtik tuk a, mahten a manmi biakpiaknak cu Topa nelah cawi haw tuk hi.

MIPUM SIALNAK 5:28

Mahnaven a sual ma ahi tale siatsuah tawk ngawlin cano vang nei thei tuk hi.

MATTHAI 19:28

Jesuh in amuh tei lakah, “Thungai in hilh ing hi, san thak hengin Mihing Capa cu a khunnak sunglawi humah a khun ten noh ka nungzuitu sawm le pa nihte cu Israel miphun sawm le pa nih uktu hi bok tukin khunnak humah khung bok tuk uh ci.

MATTHAI 25:21

A bawipa in, ‘Umlawh pha, muantakzet ci! A dawmno i humah muantak na hih hangin tampi cingtu in bawl tung hi. Hung inna, ka lungdamnak puai sungah tel bokin,’ tin ti hi.

MATTHAI 25:23

A bawipa in, ‘Pha hei, umlawh pha le muantak hi ci. A dawmno humah muantak na hih hangin tampi cingtu tukin koih tung hi. Hung inna, ka lungdamnak sungah tel bokin,’ tin ti hi.

LUKA 12:33

Na neih uhmi thil hempoh zuak khawng unna, na ngah uhmi tangka cu mi ca-ngah sem khawngta un. A sia thei ngawlmi tangka bawm noh tei ca in ngaisung unna, vancungah na tangka uhte khawl un hi. Mahlai munah nguca ten tok kha thei haw tukma hi. Sal ek hei kai thei tuk ngawl a hih hangin ituk mahten paithong tukma hi.

LUKA 17:30

Mihing Capa a langleh ni ten mahtih bangin hi bok tuk hi.

JOHAN 12:26

Akua hei hihen ka na a dek nuamtu ten ka nungzuitute hi haw tuk hi. Itahim titale ka nadektu cu keimah tuah um kawm thei tuk hi. Keima nadektu cu ka Pa in pahcoihnak pia tuk hi.

JOHAN 5:44

Pa khat le pa khat lak pen pahcoih tuk cu nuamzet uh ci. Mahnaven amah bek Pathian ummi lak pen pahcoihnak tuk hei tum ma uh ci. Mahtin ahi tale itin kaw kei na up theih tuk uh?

NUNGZUITU 8:20

Mahnaven Peter in, “Pathian i piakmi laksawng hi sumpai tuah lei thei tung tin na ngaihsut hangin nangmah le na tangka cu siatnakah heng tahen,

ROM Khua Khristian Tei Lakah Paul i Laikuat (Paul’s Letter to the Romans) 2:10

Mahnaven thilpha a bawltu hempoh tei lakah Pathian in sunloihnak, minphatnak le lemdaihnak thupha pia tukin, a co masatu cu Judah hi tuk a, a co dawltatu cu Gentail mite hi haw tuk hi.

ROM Khua Khristian Tei Lakah Paul i Laikuat (Paul’s Letter to the Romans) 2:29

A sunglam saw ah Judah lungmu in vunceptalhnak a ngahtu khi Judah mi ngangai haw hi. Mahmi cu ngatmi Daan i bawlmi kha ma hi. Pathian Hawvang i bawlmi hi. Mahti bang mihing cu mihing lak pen hi ngawlin Pathian lak pen thangphatnak ngahtu hi.

ROM Khua Khristian Tei Lakah Paul i Laikuat (Paul’s Letter to the Romans) 2:7

Mi khenkhat ten thilpha bawl lelengin sunloihnak, minphatnak le kumkhua nunnak zei haw hi; Mah mite cu Pathian in kumkhua nunnak pia tuk hi.

ROM Khua Khristian Tei Lakah Paul i Laikuat (Paul’s Letter to the Romans) 8:19

Siammi hempohin Pathian i a cate a langtik tuk khi ngakhel mahtak haw hi.

1 KORIN 3:13

A nadekte haw iti bang him tih cu Khrih Ni ten langleh tuk hi. Itahim titale mah Ni ten a nadeh haw mi cu mei tuah zohnak um tuk hi; iti bang nadeh him tih cu mei tuah zo ten ciangtik tuk hi.

1 KORIN 4:5

Mah hangin a hun a kim laih ngawlin kuamah in, a thu haw son pahsuh un hi. Topa a hun ten dawlbel thukhennak um tuk hi. Amah in khuathim sung a selmi thukuhte cu khuavak sungah tulpih tukin, mihing tei lungmu sung a ngaihsut kuhte cu phuanglang khawng tuk hi. Kuakua hei in Pathian lak pen a co haw tukmi covo thangphatnak cu ngah haw tuk hi.

JAMES 1:12

Thiathazohnak a tawh hun ten khim zetin a ding theitu cu mi lungdammi hi. Itahim titale mahtibang haksatnak a neh theih hangin Pathian in amah a ittu tei ca in, a tepsami nunnak cu laksawngin co tuk hi.

1 PETER 1:13

Mah hangin nadek pan tukin na lungmu uh tuangtim sa in um un, ngalling sa in um unna, Jesuh Khrih a lang ten na ngah tuk uhmi thupha muicu laksawng humah na ngaihsutnak uh a venghawngin nga un.

1 PETER 1:5

Hun dawlbel ten langtik tukin, atu a koihsami nunpatnak cu upnak hangin Pathian i huham tuah cinkhawimi nangmuh tei co tukmi lo le lam hi.

1 PETER 2:4

Topa i lakah hung un; Amah cu mihing ten nemcuam ma hi tin, a lawl haw hei in Pathian in, a sunglawi tin, a tenmi a nungmi suang hi.

1 PETER 2:7

Thu umtu nangmuh tei ca in suang manpha hi. Mahnaven umngawltu tei ca in, “Inn satu tei nemcuam ma tin, a lawl haw mi suang cu man neibel suangin suak hi,” tihmi khi hi.

1 PETER 4:12

Ka ihmi ngualcamte aw, a haksa zetmi thiatha zohnak na thuak uh hangin amthongin um pahsuh un, kuamah i tawh awng ngawlmi eimu humah heng hi, tin ngaisung pahsuh un.

1 PETER 4:13

Khrih i thuaknak a thuakmi na hih uh hangin lungdam saw un hi; mahtibang na bawl uh tale, a sunloihnak a lang ten nohte cu lungdamnak tuah dim tuk uh ci.

1 PETER 5:1

Pawlpi upavang hi bok ing a, Khrih i thuaknak a mutu le a lang tuk laihmi sunloihnak co boktu tuk keimah in pawlpi upa tei lakah hehpih kun ing.

2 PETER 1:1

Jesuh Khrih i nadektu le a tiikmi keimah Simon Peter in, a Pathian uh i dikcangnak le nunpantu Jesuh Khrih hangin a sunglawimi ka upnak uh a co bokmi nangmu lakah hi laikuat hi ngan ing.

2 PETER 1:4

Mahten a tepsa mi a thawmngengnak le a sunglawi laksawng cu pia in, mah laksawng hangin a siatsuah theitu leihum tisa deihnak pen luatin, Pathian hihnak mangkawm thei tuk uh ci.

2 PETER 3:14

Mah hangin ka ih mite mah Ni na ngak lih uh laihin, Pathian mai ah sualnak nei ngawl le a thiangmi hi tukin zuam unna, amah tuah a lemdunmi hi un.

JUDE 1:24

Lum le bah tuk ngawlin cingkhawi a, sualnak nei ngawlin lungdamnak tuah a sunglawimi a umnakah a hen theitu,

MANGMUHNAK 1:7

Zo un! Khrih cu meingo hum pen hung tuk a, mi hempoh ten mu haw tuk hi; amah a suntute vangin mu bok haw tuk hi. Leihum mi hempoh ten sikkikin, kap haw tuk hi. Mahtin um tatak tuk hi! Amen.

MANGMUHNAK 2:10

Na thuak tukmi haksatnak cu lau pahsun, Satan in mi khenkhat thawngah khiak tianin teh tuk hi. Ni sawm sung haksat thuak tuk ci. Thihnak tian thuak tuk ahi hei in, muantakin um unna, na neh man uh nunnak sui lukhuh pia tung hi.

MANGMUHNAK 3:10

Ka thupiakmi bangin thinsau in haksatnak na thuak theih hangin leihummi hempoh thiatha zohnakin, a heng tukmi haksatnak sung pen luattik tung hi.

MANGMUHNAK 3:18

Ngaihsutnak ka piakmi cu sui ngangai ka lak pen lei inna, hau tuk ci. Puan ngo vang lei in silh inna, zahcakhuai thacang a na ummi cu hupin hi. Na mit khua na muh theihnak tukin mitna sii lei inna noihin hi.

1 SAMUEL 2:30

Na unaupihte hihen, na phunpih hihen kumkhua in keima thiampi dek un hi, tin Israel i Topa Pathian, keimah hihimin tiamsa zo ing. Mahnaven mah bangin hi tukma toh hi tih thu hilh ing. Keimah a sunloihtu cu sunloih bok tung, a zawnsaktu cu zawnsak bok tung.