1 PETER 1:6 - Ngawm Bible

⁶ Mah hangin lungdam un. Haksatnak a phunkim na tawh uh hangin hun comno sung thasia in, na um uh vangin lungdamin um sesem un hi.

1 PETER 1:6 Iomraidhean Croise

SAAM LABU 119:28

Ka thasia leita a hih ten, na thutepsa bangin tha neitikleh zalin hi.

SAAM LABU 119:75

Topa aw, na thukhennak cu dikcangzet hi tih cu thei ing; Muantak na hih hangin dantat ci, tihvang thei ing.

SAAM LABU 34:19

Mipha in haksatnak tampi thuak mek hi; Mahnaven Topa in mahmi hempoh sung pen suah hi.

SAAM LABU 35:10

Topa i lakah lungmu venghawngin, “Nangmah bang kuamah um haw ma hi. Mi nawmtamte cu mi ngil ngalpha tei khut pen hup ci. Mi ca-ngah le nuncimte cu mi zawnsaktu tei khut pen hup ci,” ti tung hi.

SAAM LABU 69:20

A nautatnak haw in ka lungmu paitik. Bawmtu kuamah nei mang. Hehpihnak cuan li naveng, imah lai ah umma. Nemtu zei li naveng imah lai ah tawk mang.

SAAM LABU 9:14

Jerusalem khuasung tei mai ah dingin, Nang ka pahcoihnak thu le late hilh tung. Na patsuah hangin lungdam thu hilh tung.

SAAM LABU 95:1

Hung un, Topa cu thangphat pahcawi nung hi! Eimuh huptu le pantu pa i nelah A lungdamnak uh la in sa tuk hung hi;

ISAIAH 61:10

Topa i thil bawlnak hangin Jerusalem cu a lungdam tuk hi. Huaidunnak tukin van a thuamdunmi monu bang haw hi. Pathian in patnak le nehnak tuah thuamtik zo hi.

ISAIAH 61:3

Zion pen a tauli tei lakah thasiatnak ai-in, lungdam thatuinak Khaw-ngaihnak ai-in, thangphatnak la hentu tukin keimah hah zo hi. Topa ama phutmi thingkung bang hi haw tuk hi. A venghawng haw in, a manmi bawl haw tuk a Pathian cu a thil bawlmi hangin thangphat hi tuk hi.

MATTHAI 11:28

“Van ngit a pua mi le a cim a kham mite, ka nelah hung un, colhdamnak pia tung hi.

MATTHAI 26:37

Peter le Zebedi capa pa nihte hawhpihin, a thasia in, a lungkhamzet hi.

MATTHAI 5:12

Na thuakman uh cu nohtei ca tukin vancungah laksawng ngengpi koihsa in um, a hih hangin lungdam thatui in, um un. Nangmu laihngawl a profette vang cu mahti bang bokin bawlsiatnak thuak zo haw toh hi.

LUKA 1:47

Kei nunpantu Pathian sungah ka Hawvang a lungdam hi;

LUKA 10:20

Mahnaven dawi ngilo ten na thu uh a ngaih haw hangin na lung uh dam pahsuh un. Mah sangin vanhumah na min uh nganin, a ummi hi na lungdam saw un,” ti hi.

LUKA 2:10

Mahnaven vancungmi ten, “Lau pahsuh un! Nohtei ca tukin lungdamnak Thuthangpha puak ing hi, mah Thuthangpha cu mi hempoh ca in lungdamnak ngengbel hi.

JOHAN 16:22

Mahti bang bokin nohte vang hi bok tuk uh ci. Atu-in, na tha uh sia hi. Mahnaven nohte cu muleh tung a, na lungmu uh cu lungdamnak tuah dim tuk hi. Mah lungdamnak cu kua mah i lonsak thei ngawl tohmi lungdamnak hi tuk hi.

JOHAN 16:33

Nohte cu keimah tuah na pehzomnak uh i hu le thawm hangin lungmuannak na ngah theihnak tuk uhin hi thu hi nohte hilh ing. Leihumin nohte cu haksatnak pia tuk hi. Mahnaven lau ngawlin ngalhang zetin um un! Leihumpi cu neh zo ing!” ti hi.

NUNGZUITU 14:22

Thu umtute thapia thah pepelin, upnak sungah muantak zetin um tukin so pepel haw hi. “Pathian Uknak sungah a tum tukmi ahi uh tale haksatnak tampi a tawh tuk hihim uhmi hi,” tin zilh pepel haw hi.

ROM Khua Khristian Tei Lakah Paul i Laikuat (Paul’s Letter to the Romans) 12:12

Na muansannak uhin, na lung uh damtik hen; haksatnak na tawh uhten thinsau in um un; catngawlin thungen un.

ROM Khua Khristian Tei Lakah Paul i Laikuat (Paul’s Letter to the Romans) 5:11

Hi bek hei kha ma laih hi; Pathian ngualcamin, a bawlsaktu a Topa uh Khrih hangin Pathian i thil bawlmi ah lungdamzet hung hi.

ROM Khua Khristian Tei Lakah Paul i Laikuat (Paul’s Letter to the Romans) 5:2

Upnak hangin a co uhmi Pathian i hehpihnak sungah Aman henpihin, atu-in mah a hehpihnak sungah um hung. Mah hangin Pathian i thawm ngengnak co thei bok tuk hung tih muansannak a um hangin lungnopzet hung hi.

ROM Khua Khristian Tei Lakah Paul i Laikuat (Paul’s Letter to the Romans) 9:2

Ka khawngai leita ing; ka thinnatnak cu bo ni nei awng tukma hi.

2 KORIN 4:17

Mahten haksatnak hun comno sung ka tawh uhten a let tampi in kumkhua sunloihnak pia tuk hi.

2 KORIN 6:10

Ka lung uh siatik mek haw naven lungdam zetin um leleng ung; kohte cu mi zawngzet bang nave ung, mi tampi mihau in cangtik ung hi. Imah nei ngawl bang hi naven ung, ihempoh neitu ung hi.

GALATI 5:22

Mahnaven Hawvang i ngah a ngahtikmi cu itdunnak, lungdamnak, thinnopnak, lungmuannak, hehpihnak, phatnak, muantakmi hihnak,

FILIPI 2:26

keimah bawm tukin na hah uhmi hi. A nat thu na theih uhmi khi a thinnop ngawlnakah cangin, nangmuh tawk tuk ngakhelzet hi.

FILIPI 3:3

Amuhte hi ngawlin eimuh saw lehlam hi a manmi vunceptalhnak a cotu hi saw hung hi; itahim titale Hawvang i hangin Pathian bia hung a, a nunnak uh cu Khrih Jesuh tuah a pehzop uhnak hangin lungdamnak dim hi. A pualam bawlnak i humah imah muan tuk nei ma hung.

FILIPI 4:4

Topa tuah na pehzopnak uhah lungdam leleng un; notleh hih tung lungdam leleng un!

1 THESALON 1:6

Keimu nundan le a Topa uh i nundan cungin haksatnak tampi tawk nave uhcin Jesuh Khrih thu cu Hawvang Thiangtho lak pen a hengmi lungdamnak tuah pom uh ci.

JAMES 1:2

U le naute nangmu lakah haksatnak a phunkim a hen ten mi bawngpha hung tin ngaisung un.

JAMES 1:9

A tingsammi Khristian unau pa kha khat cu Pathian i bopnak hang neinungin, a um ten a lungdam tahen.

JAMES 4:9

Thasia in um un; kapin tauli un, na nuihnak uh cu kahnak tuah thek unna, na lungdamnak uh cu thasiatnak tuah thek un hi.

1 PETER 3:17

Na pha ngawl bawlnak hangin haksatnak na thuak tuk sangin Pathian i lungkimmi ahi tale, na pha bawlnak hangin haksatnak thuak cu pha saw hi.

1 PETER 4:7

Ihempoh ca in hun dawlbel ni heng awndiak toh a hih hangin phazetno in thu na nget theihnak tukin supnak nei in, lungmu cihnak tuah um un.

1 PETER 5:10

Mahten hun comno sung na thuak celh uhten hehpihnak tuah a dimmi Pathian in Khrih tuah na pehzomnak uh hangin kumkhua sunloihnak co bok tukin a samtu Pathian amah loli in cangkimtikin khohkhahnak le thangilnak pia tuk hi.

1 SAMUEL 2:1

Hannah cu hi bangin thungen hi. “Topa in ka lungmu cu lungdamnak tuah dimtik zo hi. A bawlsa mi hangin ka lungdam. Ka ngalte cu nuihsan thei zo ing; A bop zo hangin ka lungdam.