1 PETER 1:5 - Ngawm Bible

⁵ Hun dawlbel ten langtik tukin, atu a koihsami nunpatnak cu upnak hangin Pathian i huham tuah cinkhawimi nangmuh tei co tukmi lo le lam hi.

1 PETER 1:5 Iomraidhean Croise

JOB Laibu (The Book of Job) 19:25

Mahnaven kei a pantu cu a nung tih thei ing; a tawpnak ten kei panpihleh tuk hi.

SAAM LABU 37:28

Itahim titale Topa in, a thudik deihin, amah a muangtute cu nunghek ma hi. Amuhte cu kumkhua in hup hi. Mahnaven mipha ngawl tei canaute cu lalthong haw tuk hi.

THUPAUCAP 2:8

Midang humah thudik a bawltute hupin amah a ittute cingkhawi hi.

ISAIAH 45:17

Mahnaven Israel cu Pathian in hup zo hi, A mi nehnak cu kumkhua phat hi. A mihingte cu mualpho awng haw tukma hi.

ISAIAH 51:6

Vante cuan teh hem un. Leipi khi cuan hem un! Van khi meikhu bangin pai haw tuk a, Leipi hi, puan lun bangin balkek tuk hi. Mi hempoh cu tho bangin thi khawng haw tuk naven ka mipatnak cu kumkhua phat tuk hi. Ka minehnak cu kum zangza in kho tuk hi.

ISAIAH 54:17

Mahnaven iti bang zahin, bawlmi hiamnam hei in hihen, tong kha baan tukma hi. Sual a nawntu awnkam hempoh cu donleh cikcek thei khawng tuk ci. Keima nadektute cu pan tung a, nehnak pia tung tin, Topa in ti zo toh hi.”

ISAIAH 66:22

“Van thak le lei thakte cu keima huham hangin a kho zetmi a hih haw bangin na casuan uh le na min uh cu a kho mi hi bok haw tuk hi.

JEREMIAH 23:4

A muhte cingkhawitu tukin hotu koih tung hi. Ka mite cu launak le lungapnak tuah umleh haw tukma toh, bawl vang bawlsialeh tukma toh ing. Keimah, Topa in, hilh zo ing,” ti hi.

JEREMIAH 32:40

Amuh tuah kumkhua ca in thutepnak bawl tung. Amu ca thilpha bawl cu cawl thong tuk mang. A lungmu hempoh haw tuah keimah a kihcaknak haw tukin, bawl tung, mahten ka nel pen pialleh haw tukma toh.

JOHAN 12:48

Keimah lawlin ka thu a pom nuam ngawltu tei ca in, thukhentu tuk cu um leng hi. Ka hilhmi thu hi ni nungdawlbel ten a thukhentu hileh tuk hi.

JOHAN 17:15

Amuhte cu leihum pen latulin, tin ngen kha man naveng mipha ngawlmi pa i lak pen hupin hi bangin ngen ing.

JOHAN 4:14

Mahnaven ka piakmi tui a intute cu ituk mahten dangdumleh haw tukma toh hi. Keima piak tukmi tui cu a sungah ciktui in cang tuk a, mahmi in nunnak tui le kumkhua nunnak pia tuk hi,” ti hi.

JOHAN 5:24

Thutakin hilh ing; kua hei hihen ka otmi zain, kei a tiiktu a um tale kumkhua nunnak nei hi. Thukhennak tawk ngawltohin, thihnak pen nunnakah tum zo hi.

ROM Khua Khristian Tei Lakah Paul i Laikuat (Paul’s Letter to the Romans) 11:20

Mahmi cu thuman hi: amu Judah mite cu a up haw ngawl hangin talhmi hi haw hi; nohte cu na up uh hangin hi mun hi luah uh ci. Mahnaven pualthau in, ultung kha pahsuh un! A lau in lau saw un hi.

ROM Khua Khristian Tei Lakah Paul i Laikuat (Paul’s Letter to the Romans) 8:18

Atu hun a haksatnak a thuak uhmi hi eimu lakah a langleh tuk laihmi sunlawinak tuah tehkip takin ngaisung hihim mang hi.

1 KORIN 1:21

Mihing ten amu cihnak tuah Pathian a theih ngawlnak haw tukin Pathian in ama cihnak tuah bawlhamsa zo hi. “Sil thu” hi tin, a ngaihsut haw mi Thuthangpha a umtute nunpan tukin Pathian i bawlmi hi.

2 KORIN 1:24

Na upnak tuk uh thu pen hi tin, muang unna, hi cu muang pahsuh un tin thuneih tum ma ung. Na upnak uhah khohzet uh ci tih cu thei ung hi. Nangmuh tei lungdamnak tukin nadek langkhat saw hung hi.

GALATI 2:20

Mah hangin a nungmi cu kei hi lehma toh ing. Ka sung a nungmi cu Khrih saw na hi. Atu nung ing ka tihmi cu keimah it in, keima ca nun a piatu Pathian Capa upnak tuah nung ing.

EFESA 2:8

Itahim titale nohte cu Pathian i hehpihnakin nunpatmi hi uh ci a, mah nunpatnak cu amah na upnak uh i hangin na ngah uhmi hi. Hi nunpatnak na ngahnak uh i hangin kuamah tuangkhawng tukmi hi ma hi, itahim titale a deh a bawl theihnak haw hangin ngahmi kha ma hi, Pathian i laksawng hi.

EFESA 3:17

nangmu upnak thawmin, na lungmu uh cu Khrih in ama innah bawl zal tahen, tin thungen ing. Thu ka nget bet uhmi cu na zung uh cu itnak sungah mantik unna,

FILIPI 1:6

Mah hangin nangmu sung a nadeh pha a pantu Pathian in, Khrih Jesuh i Ni a hen laklawh tian nangmuh tei humah dek suak tuk hi tin muang ing.

FILIPI 4:7

Mahten mihing tei ngaihsut bat ngawlmi, Pathian i lemdaihnakin, na lungmu uh le na ngaihsutnak uh cu Khrih Jesuh tuah na pehzomnak uh sungah himdamno in koih tuk hi.

2 TIMOTE 3:15

Lai Thiangtho cu na naupangno lai pen pan thei zo ci tih khi phawkngil pahsun hi. Mah Lai Thiangtho cu Khrih Jesuh na upnak hangin nunpatnakah a hentu, cihnak a piatu hi.

TITUS 2:13

Mahten a thawmngengmi a Pathian uh le Pantu Jesuh Khrih i sunloihnak lang tuk hi tin, a muansan uhmi Ni sunglawi cu ngak hung hi.

HEBRU 6:12

Thazawngmi na hih tuk uh cu awi mang hi; mahnaven Pathian i tepsami a cotu tukin upnak le thinsaunak a neitu bangin hi un, tih deih ung hi.

HEBRU 9:28

Mahti bang bokin Khrih hei in mihing tei sualnak thiangtik tukin biakpiaknak vei khat bek pia hi. A vei nihnak hungleh tuk a, mahten sualnak thu ah hileh ngawltohin amah a ngaktu tei nunpan tukin hi tuk toh hi.

1 PETER 1:13

Mah hangin nadek pan tukin na lungmu uh tuangtim sa in um un, ngalling sa in um unna, Jesuh Khrih a lang ten na ngah tuk uhmi thupha muicu laksawng humah na ngaihsutnak uh a venghawngin nga un.

1 PETER 4:13

Khrih i thuaknak a thuakmi na hih uh hangin lungdam saw un hi; mahtibang na bawl uh tale, a sunloihnak a lang ten nohte cu lungdamnak tuah dim tuk uh ci.

1 PETER 5:1

Pawlpi upavang hi bok ing a, Khrih i thuaknak a mutu le a lang tuk laihmi sunloihnak co boktu tuk keimah in pawlpi upa tei lakah hehpih kun ing.

2 PETER 1:3

A sunloihnak le a phatnak co bok tukin a samtu Khrih a theih theihnak uh hangin Pathian kihcaknak tuah a nun theihnak tukin a kul le sap uhmi hempoh cu Pathian ngilnak huhamin pia zo hi.

1 JOHAN 3:2

Ka ihmite aw, atu-in Pathian cate hi zo hung hi; mahnaven iti bang tuk laih kam hung tih cu ciang ma laih hi. Khrih a hunsuk ten amah bang tuk hung hi tih cu thei hung hi. Itahim titale ama hihnak bang loli in mu tuk hung hi.

JUDE 1:1

Khrih i nadektu le James i nau keimah Jude in, Pathian i sammi, Pa Pathian i ihmi le Jesuh Khrih i humhimnak sungah a ummi tei lakah hi laikuat hi ngan ing.

JUDE 1:24

Lum le bah tuk ngawlin cingkhawi a, sualnak nei ngawlin lungdamnak tuah a sunglawimi a umnakah a hen theitu,

1 SAMUEL 2:9

“A mi thiangtho tei ke kal cingkhawi hi. Mahnaven mipha ngawlte khuathim lakah pailal hawta hi. Mihing tei cahnak bek tuah lawhtinnak umma hi.