1 PETER 1:4 - Ngawm Bible

⁴ Pathian in, a mihing tei ca a koihmi lo le lam co tukin ngakhel zetin um ung hi. Mah lo le lam cu nangmu ca vancungah koihsakin, a sia thei ngawlmi kuamah i nguk theih ngawlmi le a muat thei ngawlmi hi.

1 PETER 1:4 Iomraidhean Croise

SAAM LABU 31:19

Nangmah a kihcatu tei ca in, Na khawlsa mi thilpha a tam daan cu! Nangmah a muangtute na hupnak thu, Mi hempoh mitmuhah a mawidan cu!

SAAM LABU 47:4

Ohtei ca in, a umnak uh leingam hi na ten sak hi; A ihmi a mihing tei co mi, Jakob i sunsakmi ngam sunglawi cu!

ISAIAH 66:22

“Van thak le lei thakte cu keima huham hangin a kho zetmi a hih haw bangin na casuan uh le na min uh cu a kho mi hi bok haw tuk hi.

EZEKIEL 47:12

Tui mawk mawknihah thingkung a phunkim po in, eih pha mi ngah, ngah haw tuk hi. A ceh haw thim ngawlin a ngah vang cawl awng tukma hi. Biakinn pen a luangmi tui in, a cawm hangin ha sialin ngah thak ngah leleng tuk hi. Mah thingngahte cu an in mang haw tuk a, thingcehte vang mi tampi tei damnak hi tuk,” ti hi.

MATTHAI 25:34

Mahten Kumpipa in, a taklam a mipha tei lakah, ‘Hung un ka pa i thupha piakmite! Hung unna, leihum semsuah pepan nangmu ca lepsami ngamnop luah un hi.

MARKA 10:17

Jesuh cu khualzin a hawh lih laihtakin, mi pa khatin, amah zuanin, a mai ah khukdinin, “Zilhtu pha pa, kumkhua nunnak ka co theihnak tukin i bawl kam nang?” tin dong hi.

NUNGZUITU 20:32

Atu-in Pathian i cinkhawinak le hehpihnak thu sungah ap zo ing. Amah in khangtotik tuk a, mihing tei ca in, a koihsami thupha cu pia tuk hi.

NUNGZUITU 26:18

A mit haw haktik tuk ci a, khuathimnak sung pen khuavaknakah Satan huham sung pen Pathian i lakah kiklehtik tuk ci. Mahten keimah a upatnak haw i hangin a sualnak haw cu ngaihdam hi haw tuk a, Pathian i mihing tenmi sungah tel bok haw tuk,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 8:17

Ca a hih uh hangin Pathian in, a mihing tei ca in, a koihsami thupha a cotu tukte hung hi; mahten Pathian in Khrih ca tukin a koihsami vang Khrih tuah co langkhat tuk hung hi. Itahim titale Khrih thuaknak a thuak boktu ahi uh tale, a thawm ngengnak vang co bok tuk hung hi.

1 KORIN 9:25

Zuamdunnakah a teltu hempoh ten a cun haw laihin, a taksa haw cu nase zetin thuaknak nei haw hi. Mahti bangin a zuam lih haw cu a thim thei mi paakkual lukhu ngah tukin hi. Mahnaven ohtei taksa in, a thuaknak uh cu a thim thei ngawlmi pak lukhu a ngah nuam uh hangin hi.

GALATI 3:18

Itahim titale Pathian i laksawng cu Daan i hangin tih ahi tale ama thutiamnak hangin kha ma tihnak suak tuk hi. Mahnaven Abraham lakah Pathian i laksawng a piaknak cu Abraham lakah thutiamnak a bawl zo hangin hi.

EFESA 1:11

Ihempoh hi Pathian ama tuptahsa le soncat sa bangin kim khawng hi. Khrih tuah a pehzop dunnak uh thawmin a mihing hi tukin Pathian in teng zo hi, Mahmi cu ama tuptahmi, a pattungin khau a khihsami hi.

EFESA 1:14

Pathian in, a mitei lakah a tepsami ngah loli tuk hung tih langtiknakin, mah Hawvang Thiangtho cu thutepnak na hi. Mihing tei lakah luatnak cangkimin pia tuk tih a theihciannak uh hei hi bok hi. A sunloihnak cu thangphat hi tahen.

EFESA 1:18

Iti bang muansannak nei tukin kaw nohte samin, a mihing tei ca in, a tepsami cu iti bang nalamdang him!

KOLOSE 1:12

Vaknak ngam sungah Pathian in, a mitei ca tukin a koihmi cu a cotu hi bok tukin a semsuahtu Pathian cu lungdamin thangphat un.

KOLOSE 1:5

A manmi Thuthangpha na nel uhah a hen tungin, iti bang muansannak pia him tih cu nangmuh ten thei uh ci. Mah hangin upnak le itnak na neih uhmi cu vancungah nangmu ca in cangkim zetin koihsami muansannak humah bulphuh haw hi.

KOLOSE 3:24

Mahten Topa in, a mihing tei ca in, a koihsami dehman cu pia tuk hi, tih khi cing leleng un hi. A na nadeh uh ngangai mi Topa cu Khrih khi hi.

2 TIMOTE 4:8

Atu-in ka Topa thudik khentu Topa in, mah ni khua ten a piak tukmi nehnak laksawng cu ka ca in, a koihsami cu ngak ing. Mah laksawng cu dikcangnak lukhu hi, keima ca bek kha ma hi; itnak tuah a lang tukmi amah a ngaktu hempoh tei ca hei in hi.

HEBRU 10:34

Thawngtate a haksatnak haw thuakpih uh ci. Na neih uhmi van hempoh a lonsak khawng haw ten, na sunnak uhte cu lungdamin umpih thei uh ci; itahim titale hi vante sangin a pha saw mi le kumkhua a kho leleng tukmi nei leng hung tih khi thei uh ci.

HEBRU 9:15

Mahti bang a hih hangin Pathian i sammi ten Pathian i tepsami kumkhua thupha co theihnak tuk thutiamnak thak a ngaisungtu cu Khrih amah hi. Mah bangin a hih theihnak cu ama thihnak hangin hi. A thihnakin thukham masa i nuai a um haw laihin, a sualnak haw sung pen luattik hi.

JAMES 1:11

Nisuak sa ten pak kung cu thiimin, a mawinak bo hi. Mahti bang bokin mihaute cu nanok zetin, a um haw laih takin thamthong haw tuk hi.

1 PETER 3:9

Phat ngawlnak cu phat ngawlnak tuah lulleh pahsuh unna, tamsiatnak tuah lulleh ngawlin le thupha muicu tuah lulleh saw un hi. Itahim titale Pathian in, a sam ten thupha muicu piatu tukin a sammi hi.

1 PETER 5:4

Mahten Tuucing Bawibel a lang ten a vaknak a kiam thei awng ngawlmi sunloihnak lukhu sunglawi cu ngah tuk uh ci.

MANGMUHNAK 21:27

Mahnaven mah khuapi sungah a thiangtho ngawlmi imah tum tukma hi. Zahcakhuai thil a bawltute le zolthu sontute vang tum haw tukma hi. Tuuno i nunnak laibu sung a minngat mite bek tum haw tuk hi.