1 PETER 1:3 - Ngawm Bible

³ Topa Jesuh Khrih i pa le a Pathian cu thangphat nung. A hehpihnak hangin Jesuh Khrih cu thihnak pen tholehtik a, nunnak thak pia zo hi. Mah hangin ohte cu a nungmi muansannak tuah dimin,

1 PETER 1:3 Iomraidhean Croise

1 KUMPI 8:15

“Israel Pathian, Topa cu thangphatin umta hen! Itahim titale ka pa David lakah

1 KHANGSIALNAK 29:20

David in mipi cu, “Topa na Pathian uh cu thangphat un,” ti in, mipi ten Topa, a pu le pa tei Pathian cu thangphat haw hi. A lu haw kunin, Topa Pathian le a kumpi haw lakah upatnak pia haw hi.

2 KHANGSIALNAK 31:8

Kumpi Hezekiah le a khutnuai bawi ten hi bangin vun menmun a piakmi laksawng amuh haw ten Topa thangphatin, Israel tei ca in muicu ngetsak haw hi.

SAAM LABU 41:13

Topa Israel i Pathian cu thangphat un. Amah cu tu le kumkhua in thangphat un. Amen, Amen!

SAAM LABU 86:15

Maw Pathian aw, nang cu itnak, hehpihnak tuah a dimmi Pathian hi ci. Thinsau in hehpihnak nei leleng tu hi ci. Mi hehpihin muantak hi ci.

SAAM LABU 86:5

Maw Topa nang cu pha in misual ngaidam ci; Na nelah thu a ngentu tei ca in itnak tuah dimtik ci.

SUAHTULNAK 34:6

Topa cu Moses i maiah hawh vawkin, “Pathian Topa cu lainatnak le hehpihnak tuah a dimmi Pathian ing. Ka thinsau in, muantakmi le itnak a nei lelengtu ing.

ISAIAH 26:19

Mahnaven a thi sa mite nung haw tuk; A luangpi haw cu nungleh tuk hi. Khansungah a hihbu mite cu khanglo in le lungdamin lasa haw tuk hi! A de sesepmi daita ten lei a hingtik bangin a thi sate cu Topa in nunglehtik tuk hi.

JONAH 4:2

Topa nelah thungenin: “Topa aw, ka ngam sungah ka umlaih pepan hiti bang tukin ti hamsa mang maw! Hi hangin hi ven Tarshish khua ah ka tainak cu! Mi hehpih thei le mi it thei Pathian, thinsau mi le a kho mi itnak neitu Pathian, mi na siatsuah nuam hei in, a sikleh lelem theitu Pathian na hihnak cu thei zo ing.

JOHAN 1:13

Pathian cate a hihnak haw cu leihum dan, mihing i hinmi hihnak tuah kha ma hi; Pathian amah loli cu a Pa haw hi.

ROM Khua Khristian Tei Lakah Paul i Laikuat (Paul’s Letter to the Romans) 12:12

Na muansannak uhin, na lung uh damtik hen; haksatnak na tawh uhten thinsau in um un; catngawlin thungen un.

ROM Khua Khristian Tei Lakah Paul i Laikuat (Paul’s Letter to the Romans) 15:13

Hawvang Thiangtho i cahnak thawmin, na muansannak uh cu khang tawto hen na, muansannak bulpi Pathian in, amah na upnak uh thawmin lungdamnak le lemdaihnak phunkim tuah dimtik tahen.

ROM Khua Khristian Tei Lakah Paul i Laikuat (Paul’s Letter to the Romans) 4:25

Eimu sualnak hangin thihnakah hentik a, Pathian tuah a lemdunnak tukin nunnakah thawhlehtik hi.

ROM Khua Khristian Tei Lakah Paul i Laikuat (Paul’s Letter to the Romans) 5:10

Ni dang laihin, Pathian ngal hi nave hung, atu-in, a Capa i thisan hangin a ngualcamin bawl zo hi. Pathian i ngualcam a hih zo uh hangin Khrih i nunnakin itih zahin ohte cu nunpan tuk him?

ROM Khua Khristian Tei Lakah Paul i Laikuat (Paul’s Letter to the Romans) 8:11

Thihnak pen Jesuh a thotiktu Pathian i Hawvang nangmu sungah a nung tale thihnak pen Khrih a tho lehtiktu Pathian in nangmu sungah a Hawvang a umtik hangin a thi thei mi na taksa pumpi uh cu nunnak pia bok tuk hi.

ROM Khua Khristian Tei Lakah Paul i Laikuat (Paul’s Letter to the Romans) 8:24

Itahim titale muansannak bek tuah nunpatmi hung hi. A muansan uhmi khi amu thei uh tale muansannak ngangai hi ma hi. Kua kaw a mitin, a muh theihmi cu a muansan awng?

1 KORIN 13:13

A bo thei ngawlmi na pa thum um hi. Mahte cu upnak, muansannak le itnakte haw hi, hi tei lak pen a ngengbel cu itnak hi.

1 KORIN 15:20

Mahnaven thutak cu hi tih hin hi: Khrih cu thihnak pen thawhtikleh hi zo in, a thisa thawhtikleh hi haw tuk tih theihnakin ngah masabel hi.

2 KORIN 1:3

A Topa uh Jesuh Khrih i Pa le a Pathian, mi hehpihtu a Pa uh, ihempoh pen bopnak a piatu Pathian cu pahcawi nung hi.

GALATI 6:16

Mah thuman cu a nunnak hawah a nisialin, a zuitute cu Pathian i lemdaihnak le hehpihnak co zazal haw tahen. Pathian i mihing hempoh tei nunah vangin um zal tahen.

EFESA 1:17

Mahten a Topa uh Jesuh Khrih i Pathian a sunglawimi a Pa uhin, nangmu lakah Hawvang pia zazal tukin ngen ing. Mah Hawvangin theiciangtik tuk a, Pathian cu nangmu lakah langtik bok tuk hi. Mahten Pathian cu thei tuk uh ci.

EFESA 1:3

A Topa uh Jesuh Khrih tuah a pehzop dunnak uh i hangin vancung a, hawvang thupha a phunkim cu eimuhte pia hi.

EFESA 1:7

Itahim titale Khrih i thisan i hangin a sualnak uh cu zahin, a luatmi hi zo hung hi. Pathian in, a hehpihnak cu eimu lakah tam zetin, a piak hangin,

EFESA 2:4

Mahnaven Pathian i ohte a hehpihnak cu cangkim ngangai in, a itnak vang cu a ngeng leita hangin,

EFESA 3:20

Eimu sungah a huham tuah nadektu in, a nget theih uhmi le a ngaihsut theih uhmite sangin a let tampi in dek thei hi.

KOLOSE 1:23

Mahti bang a hih hangin na bulpatnak uh a kho zetmi humah kho zetin upnak tuah ding leleng un hi; Thuthangpha na zaknak uh pen na co ngah uhmi muansannak tuah kuamah in khen haw pahsuh hen. Hi Thuthangpha i ca in, keimah Paul hi, nadektu hi ing a, leihummi hempoh tei lakah a hilh haw mi Thuthangpha hi.

KOLOSE 1:27

Pathian i tuptahmi cu mi hempoh tei ca in ngaihsutsa mi a sunglawi le nalamdang thu-ip cu atu-in, a mihing tei lakah langtik tukmi khi hi. Mah a thu-ip cu nangmu sungah a ummi Khrih a tihnuammi a hih hangin Pathian i sunloihnak khi kawm bok tuk uh ci tihnak hi.

1 THESALON 1:3

Itahim titale na upnak uh nisial na nundan uh pen a langmi itdunnak na neih uh hangin nase zetin, na nadehnak uh thu le, a Topa uh Jesuh Khrih sungah muansannak na neih uhmi a khodan thu thungetnak tuah a pa Pathian uh lakah hilh leleng ung hi.

1 THESALON 4:13

U le naute aw, muansannak imah nei ngawl thasia in, a ummite bangin na um ngawlnak tuk uhin, a thisa tei thu ah thuman na theih tuk uh khi deih ung hi.

2 THESALON 2:16

Kohte it in, a hehpihnak i hangin catngawlin ngilnak le muankhonak a piatu Topa Jesuh Khrih le Pa Pathian in,

1 TIMOTE 1:14

Topa in, a hehpihnak cangkim cu leihin upnak le itnak pia hi. Mahmi upnak le itnak cu Khrih Jesuh tuah a pehdunnak uh i hangin eimuta hi zo hi.

TITUS 2:13

Mahten a thawmngengmi a Pathian uh le Pantu Jesuh Khrih i sunloihnak lang tuk hi tin, a muansan uhmi Ni sunglawi cu ngak hung hi.

HEBRU 3:6

Mahnaven Jesuh cu Pathian i innkua ah muantak, Pathian i Capa hi. Oh ten a ngaihsut san uhmi khi khohkhahzet le ngalpha zetin, a lenkhim uh tale, a innkua hi hung hi.

JAMES 1:18

Ama lungkimnakin, a bawlmi hi hung a, eimuh a semsuahnakah thutak awnkam mang hi. Mah hangin a semsuahmi na hempoh lak pen ohte cu a ngah masabelmi hung hi.

1 PETER 1:13

Mah hangin nadek pan tukin na lungmu uh tuangtim sa in um un, ngalling sa in um unna, Jesuh Khrih a lang ten na ngah tuk uhmi thupha muicu laksawng humah na ngaihsutnak uh a venghawngin nga un.

1 PETER 1:21

Amah hangin Pathian muang uh ci, Pathian in amah cu thihnak pen tholehtikin, sunloihnak pia hi. Mah hangin na upnak uh le na muansannak uh cu Pathian humah a phutmi hi uh ci.

1 PETER 1:23

A nungmi le kumkhua a khomi Pathian awnkam hangin hinthakmi hi zo uh ci. A thi theimi, nu le pa tei cate hi lehma toh uh ci. A thi thei ngawlmi i cate hi zo uh ci.

1 PETER 2:2

Nau hinsemno bang un; hawvang nawitui cu duhzet un; mah nawitui na in uh hangin khangin, nunpatnak ngah tuk uh ci.

1 PETER 3:15

Na lungmu uhin Khrih cu kihca unna, Topa hi tin upat un, nangmu lungmu sung a na pom uh mite thu a dongtu pa kha khat a um haw tale, a dotmi donleh paih thei tukin ngallingsa in um leleng un.

1 PETER 3:21

Mahmi cu atu-in nangmuh nunpantu tuiphumnak i lim laktu hi. Hi tuiphumnak cu nangmu taksa pumpi a ninmi somnak tuk hi ngawlin, a sia le pha khenkhuainak lungmu thiang tuah Pathian nelah thutiam bawl na hi saw hi. Jesuh Khrih thawhlehnak hangin tuiphumnakin nangmuh nunpan hi.

1 PETER 3:5

Ni dang laih a Pathian kihcatu numei ten Pathian nelah muansannak a neitu tei mawinak cu a pasal tei thu a ngaihnak haw khi hi.

1 JOHAN 2:29

Khrih cu dikcang hi tih thei leng uh ci. Mah hangin akua hei hihen a dikmi a bawltu cu Pathian cate hi tih thei tuk uh ci.

1 JOHAN 3:3

Kua hei hihen Khrih sungah hitih bang muansannak a neitu cu Khrih a thianthoh bangin amah le mah cu thiangthono in, a cingkhawi cop hi.

1 JOHAN 3:9

Kua hei hihen Pathian ca a himi in sualnak bawl leleng ma hi. Itahim titale Pathian nundan cu a sungah um hi. Pathian cu a Pa a hih hangin sualnak bawl leleng thei ma hi.

1 JOHAN 4:7

Ka ih mite aw pa khat le pa khat itdun tuk hung hi. Itahim titale itnak cu Pathian lak pen a hungmi hi. Mi a ittu cu Pathian ca hi in, Pathian theitu hi.

1 JOHAN 5:1

Kua hei hihen, Jesuh cu Khrih hi tin, a umtu cu Pathian ca hi. Kua hei hihen Pa a ittu in, a cate vang it hi.

1 JOHAN 5:18

Pathian cate cu sualnak bawl leleng ma hi tih thei hung hi. Itahim titale Pathian Capa in hupin, Satan in siatsuah thei ma hi.

1 JOHAN 5:4

Itahim titale Pathian ca a himi hempoh ten hi leihum cu neh thei haw hi. Mahten a upnak uh hangin ohte cu leihum nehtu hi hung hi.