1 PETER 1:21 - Ngawm Bible

²¹ Amah hangin Pathian muang uh ci, Pathian in amah cu thihnak pen tholehtikin, sunloihnak pia hi. Mah hangin na upnak uh le na muansannak uh cu Pathian humah a phutmi hi uh ci.

1 PETER 1:21 Iomraidhean Croise

SAAM LABU 42:5

Maw ka hawvang ita hitih lawlawmin thasia ing kaw? Maw ka hawvang ita hitih lawlawmin lungkham ing kaw? Mahnaven ka muansanmi cu Pathian bek hi. Kei pantu le ka Pathian! Amah cu thangphatleh tung.

JEREMIAH 17:7

Mahnaven keimah a muangtu cu, muicu pia tung.

MATTHAI 28:18

Jesuh in amu lakah zuanin, “Lei le Van i thuneihnak hempoh cu ka lakah piak hi khawng zo hi.

JOHAN 12:44

Jesuh in nging zetin, “Kei a umtu cu keimah um hi ngawlin keimah a tiiktu Pa vang umcih bok haw hi.

JOHAN 14:1

Jesuh in, “Thinkham le ngaihsut haksa in, um pahsun un hi. Pathian um unna, keima hei um bok un hi.

JOHAN 14:6

Jesuh in, “Kei cu lampi, thutak le nunnak ing. Keimah tawn ngawlin kuamah in ka Pa i lakah heng thei haw tukma hi.

JOHAN 17:1

Jesuh in hi thu a hilh ceng ten vanlam zoto in, “Ka Pa, a hun heng zo hi. Capa in nangmah a sunloihnak le huham a piak theihnak tukin na Capa i lakah sunloihnak pia tohin hi.

JOHAN 17:24

Pa aw! Nangma piakmi ka sunloihnak hi amuh theihnak haw tukin nangmah in, amuhte cu ka khut sungah pia zo ci. Keima umnakah umbok tukin deih ing hi; itahim titale leipi a pian laihngawlin it zo ci.

JOHAN 17:5

Pa aw! Leipi bawl laihngawl khin nangmah tuah ka neimi sunloihnak khi atu-in, na mitmuhah pia in hi.

JOHAN 3:34

Pathian i tiikmi cu Pathian in, a Hawvang cangkimnak a piak hangin Pathian i thu cu phuang hi.

NUNGZUITU 2:24

Mahnaven Pathian in thihnak pen tholehtikin thihnak huham sung pen luattik zo hi, itahim titale amah cu thihnak i hetcih lo theih hi ma hi.

NUNGZUITU 3:13

Abraham, Isaak le Jakob tei Pathian, a pu le pa tei Pathian in ama sunloihnak cu a Capa Jesuh lakah pia zo hi. Mahnaven noh ten amah cu thuneitu tei khut sungah pia uh ci. Pilat in hah tung hi tin thu a sonsami cawmin, Pilat i maicang loli pen el zo uh ci.

NUNGZUITU 3:15

Noh ten nunnakah mi a puitu pa khi that uh ci, mahnaven Pathian in thihnak pen tholehtikin, keimuh hi mah a theihpihtu ung hi.

NUNGZUITU 4:10

na theih tuk uhmi le Israel mi hempoh tei theih khawng tukmi ah nangmu mai ah a dingtu pa i damciangnak cu Nazareth mi, thinglamteh humah na thah uhmi le thihnak pen Pathian i thawhlehtikmi, Jesuh i huham hangin hi,” tin ti hi.

ROM Khua Khristian Tei Lakah Paul i Laikuat (Paul’s Letter to the Romans) 10:9

Jesuh cu Topa hi tin na muk uh tuah phuangin, Pathian in thihnak pen tho lehtik, tin na lungmu in, na um tatak tale nunpat hi tuk ci.

ROM Khua Khristian Tei Lakah Paul i Laikuat (Paul’s Letter to the Romans) 4:24

A Topa uh Jesuh thihnak pen a tholehtiktu Pathian a upnak uh hangin midikin sanmi eimuh tei ca vangin hi bok hi.

2 KORIN 6:15

Itin kaw Khrih le khawhuai a lungmu haw a bangve thei tuk? Thu umtu le umngawltu cu iti bangin a ngaihsutnak haw langkhat thei tuk him?

EFESA 1:15

Topa Jesuh na upnak uh le Pathian i mitei hum a itdunnak na neih uh ka theih pat tung pepan,

KOLOSE 1:27

Pathian i tuptahmi cu mi hempoh tei ca in ngaihsutsa mi a sunglawi le nalamdang thu-ip cu atu-in, a mihing tei lakah langtik tukmi khi hi. Mah a thu-ip cu nangmu sungah a ummi Khrih a tihnuammi a hih hangin Pathian i sunloihnak khi kawm bok tuk uh ci tihnak hi.

1 TIMOTE 1:1

Ohtei Nunpantu a Pa uh Pathian le a muansan uhmi Jesuh Khrih i hangin Khrih i tiikmi keimah Paul in,

1 TIMOTE 3:16

A biaknak sung uh a, thu-ip cu ngeng ngangai hi, tih cu kuamah in el thei haw tukma hi. Amah cu mihing bangin langto a, a diknak thu cu Hawvangin langtikin, vancungmite vangin mu haw hi. A thu le la cu mi hempoh tei lakah phuan hi a, leihum khua hempoh ten um haw in, vancungah lato haw hi.

HEBRU 2:9

Mahnaven Jesuh cu Pathian i hehpihnak hangin mi hempoh ca tukin a thihnak tukin hun comno sung vancungmite sangin niam saw deuhin, bawl hi tih mu hung. Mahti bang thihnak a thuak hangin atu-in sunloihnak le upatnak lukhu khu in mu hung hi.

HEBRU 6:1

Mah hangin mailamah not tuk hung; Khristian thuthang a tawpatnak a, zilhdunnak cu zamsanin, piting hilhdunnakah hawh tuk toh hung. Nemcuamnak imah nei ngawlmi nadeh a zamsa zo uhmi cu a taw pepanleh tukma toh hung. Pathian a upnak uh vang a taw pen panleh tukma toh hung hi.

HEBRU 7:25

Mah hangin atu le kumkhua in ama sung pen Pathian a zuantu hempoh cu a nun haw pan thei hi; itahim titale kumkhua in, a nun hangin Pathian nelah ngetsak leleng hi.

1 PETER 1:11

Ituk ten kaw mah hun cu a hen tuk tin zei suak tukin a tumtah haw mi hi. Amu sungah a ummi Khrih i hawvangin, Khrih i thuak tukmi haksatnak le mah nungten a co tukmi sunloihnak thu a hilh ham ten atu hun hi, a son nuammi hun hi.

1 PETER 1:3

Topa Jesuh Khrih i pa le a Pathian cu thangphat nung. A hehpihnak hangin Jesuh Khrih cu thihnak pen tholehtik a, nunnak thak pia zo hi. Mah hangin ohte cu a nungmi muansannak tuah dimin,

1 PETER 3:22

Amah cu vancungah kai in, Pathian taklamah khung hi. Vancungmi hempoh le van a thuneihnak le huham hempoh humah thuneitu hi.