1 PETER 1:12 - Ngawm Bible

¹² Profet tei nadehnak cu amuh tei nemcuamnak tuk hi ngawlin nangmuh tei ca tukmi saw hi, tihmi Pathian in amuh tei lakah langtik hi. Mahten profet tei a hilh haw mi cu atu-in vancung pen a hahsukmi Hawvang Thiangtho i huham hangin Thuthangpha a phuangtu tei lak pen na zak uhmi hi. Hi thu hi vancungmite hei in, a theih nuam haw mi thu hi.

1 PETER 1:12 Iomraidhean Croise

SUAHTULNAK 25:20

Cherub pa nih cu a humah a ha haw phalhin, kuang sin khuh haw tuk a, maitondunin kuang sin zo veve haw tuk hi.

THUPAUCAP 1:23

Nun ka hilh laihin phano in ngai in, Ngaihsutnak pha pia tung a ka cihnak cu sem bok tung hi.

ISAIAH 32:15

Mahnaven Pathian in, a hawvang eimu lakah khunleh tuk hi. Lei ngam siate cu ngampha in canglehin, lo ten an tampi kaisuah haw tuk hi.

ISAIAH 53:1

Mipi ten, a thu hilh haw hi, a sangtu um sap haw a ni maw? Hithu ah, Topa i khut a mutu um sap haw a ni maw?

DANIEL 10:1

Darias in Persia kumpi a deh kum thumnakin Belteshazzar tih hei a sammi Daniel i lakah thu pa khat heng hi. Mah thu cu thudik hi naven theih haksazet hi. A lakah muhnak tuah a hilhciangmi hi.

DANIEL 12:13

“Nang Daniel, a bo tian muantak zetin umin hi. Leihum na nunnak cu bo tuk naven hun bonak ten laksawng co tukin tholeh tuk ci,” ti hi.

DANIEL 12:9

Amah in, “Daniel, atu hawh inna, hi thute cu hun bonak a hen laihngawl sung cu kuamah i theih tuk ngawl selkuhin, tacik khetmi hi tuk hi.

DANIEL 2:19

Mah zan loli ah Daniel in muhnak nei in, thuthukzette cu a lakah ciangtik hi. Daniel in vancung Pathian cu thangphat hi.

DANIEL 2:22

Thuthuk le thukuhte vang, amah in langtik khawng hi. Khuathim lak a, selmi vang thei khawng hi. Amah cu vaknakin kil hi.

DANIEL 2:47

Kumpi in, “Na Pathian hi pathian dang hempoh lak pen thawmngengbel hi; kumpi tei humah Topa hi a, thasiahhuai nate hilhciangtu Pathian hi. Hi cu thei ing, itahim titale thasiahhuai nate nangmah in hilhciang zo ci,” ti hi.

DANIEL 8:13

Mahten vancungmi pa khatin, a dang vancungmi lakah, “Hi muhnak sungah a langmi hi itik tian kaw a ngei tuk? Hiti bang mullinghah sualnakin itik tian kaw nisial bawlmi biakpiaknak cu a khahtan tuk? Itik tian kaw van ngalkapte le Biakinn cu sihpek a hih tuk?” tin, a dot cu za ciang hi.

DANIEL 9:24

“Sualnak le phatngawlnak pen na mihingte le na khuapi a luatnak tukin Pathian in kum sawm salih i let salih teksa zo hi. Sualnak cu ngaihdam hi tuk a, diknak cu kumkhua khohtik tuk hi, a hilhsami le na muhmite cu heng ngangai haw tuk a, Biakinn thiangtho cu a thakin, thianthohtik hileh tuk hi.

JOEL 2:28

Tu nungten mi hempoh humah ka Hawvang buak tung a, na capa le canu uhten ka thu phuang haw tuk hi. Na putek uhten mangmanin, Na khangno uhten muhnak nei haw tuk hi.

AMOS 3:7

Cungnungbel Topa in, a nadektu profet tei lakah a tumtahmi phuang hihta ngawlin nadek awng ma hi.

ZEKHARIAH 12:10

David casuante le Jerusalem khua a midangte cu hehpihnak lungmu le thunget nuamnak lungmu tuah a lungmu haw dimtik tung hi. Mi a dawhhup sa mi cu zo lehin, a ca neihcalam haw thi in, a kah haw bangin kap haw tuk hi. A capa upabel haw thi in, lungleng khawngai tei umdan bangin um haw tuk hi.

MATTHAI 11:25

Jesuh in, “Maw ka pa, lei le van i Topa! Micip le mithiam tei lak pen a sel lelengmi khi atu-in imah a thiam ngawl tei lakah na langtik hangin lungdam ing.

MATTHAI 11:27

“Ka Pa in, ka khut sungah ihempoh pia khawng zo hi. Pa sialngawl kuamah in, Capa cu thei haw ma hi; mahten Capa in thei bok haw hen tin, a ten mite sial ngawl, kuamah in Pa thei haw ma hi.

MATTHAI 16:17

Jesuh in, “Bar Jonah i capa Simon mi bawngpha hi ci: Itahim titale hi thuman hi mihing lak pen na ngahmi hi ngawlin vancung a um ka Pa i theihtikmi hi.

MARKA 16:15

Jesuh in, “Leihum khua le ngam hempoh ah hawhta unna, mi hempoh tei lakah lungdamnak Thuthangpha hilhta un.

LUKA 15:10

Mahti bang bokin sual sihkiknak a neimi misual pa khat humah Pathian i vancungmite a lungdamzet haw,” ti hi.

LUKA 2:26

“Topa i thutiam, Khrih na muh laklawh thi tukma ci,” tin Hawvang Thiangtho in, a lakah ciang zetin phuang hi.

LUKA 9:6

Nungzuitute cu hawhin, khuano sungah zin pepel haw a, Lungdamnak Thuthangpha hilhin, khua hempoh ah tina damtik pepel haw hi.

JOHAN 15:26

Ka Pa i lak pen Bawmtu, Hawvang heng tuk a, amah cu Pathian i thutak langtiktu tuk hi. Ka Pa i lak pen tiik tung a, keima cungcang hilh tuk hi.

NUNGZUITU 10:44

Mahtin Peter i otlih laihtakin, a thuhilhmi a ngaitu hempoh tei humah Hawvang Thiangtho heng hi.

NUNGZUITU 16:10

Paul i muhnak a neih ceng bek ten Mesidonia ah a hawh tukin vaithawi ung hi, itahim titale mahlai mitei lakah Thuthangpha hilh tukin Pathian in sam hi tin ngaisung ung hi.

NUNGZUITU 2:33

A pa, Pathian i taklamah sunglawi zetin hentik hi zo in, a tepsa bangin Hawvang Thiangtho cu a Pa i lak pen co zo hi. Tu a na muh uhmi le na zak uhmi cu eimu humah a leihsukmi ama laksawng hi.

NUNGZUITU 4:31

Thu a nget celh bek haw ten mah a tawhdun khawmnak haw inn cu hing a, Hawvang Thiangtho tuah dimin, Pathian i thu cu ngalpha zetin phuang haw hi.

NUNGZUITU 4:8

Peter cu Hawvang Thiangtho tuah dimin, amuh tei lakah, “Mipi hotu le upate

NUNGZUITU 8:25

Pathian awnkamte phuangin, amuh mi le a tawh haw mite a hilh ceng haw ten Peter le Johan cu Jerusalem ah kikleh haw hi. A kihleh lam haw ten Samaria ngamsung khuano tampi ah Thuthangpha cu hilh pepel haw hi.

ROM Khua Khristian Tei Lakah Paul i Laikuat (Paul’s Letter to the Romans) 1:15

Mah hangin Rom khua a um nangmu lakah vang Thuthangpha phuang tuk cu ngakhel mahtak ing.

ROM Khua Khristian Tei Lakah Paul i Laikuat (Paul’s Letter to the Romans) 1:17

Itahim titale Pathian in Amah le mihing tei laklawhah itin lemnak bawl him tih khi langtikin; mahmi cu a patnak pen a tawpnak tian upnak hangin hi. Lai Thiangtho vangin “Upnak hangin Pathian tuah a lemdunmi cu nung haw tuk,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 10:15

Kamtai hahmi a umma tale itin kaw a phuan theih haw tuk? Lai Thiangtho in, “Thuthangpha a phuangtu tei ke khi itih zahin mawi him?” tin ti hi.

ROM Khua Khristian Tei Lakah Paul i Laikuat (Paul’s Letter to the Romans) 15:19

Hitih bang a dehmi hi awnkam le dehnakin hihen, thasiahhuai nalamdang dehnak le a lamdang cahnak huhamin hihen, Pathian Hawvang i cahnakin, a bawlmi hi. Jerusalem pepanin Illirikum tian ka khualzinnakah Khrih i Thuthangpha cu cangkim zetin phuang ing.

1 KORIN 2:10

Mah a thu-ip cu Pathian in ohtei lakah, a Hawvang tuah phuang hi. Hawvangin ihempoh khi zei in, Pathian i tuptahmi a thukbel tianin sawk ngah hi.

2 KORIN 1:22

Ama bulta a hihnak uh cu eimu humah melciknak koih zo in, eimu ca koihsa in, a ummi hempoh ngah tuk tih amahkhannak in, a lungmu uhah Hawvang Thiangtho pia zo hi.

2 KORIN 6:6

Ka ziaza phatnak uh hei in hihen, thuman theih theihnak uh le thinsau in hehpihnak ka neihnak uhin hihen, Pathian nadektu ka hihnak uh langtik ung hi. Mah i humah Hawvang thiangtho ka co uhmi le itnak tatak ka neih uhmi in hihen,

GALATI 1:12

Mihing tei lak pen ka ngahmi hi kha ma hi; Mihing kuamah i zilhmi hei kha ma hi. Jesuh Khrih amah in kei ma lakah a phuanmi hi.

GALATI 1:16

A Thuthangpha cu miphun dang tei lakah phuang thei tukin, a Capa ka lakah a langtik ten mihing kuamah i lakah thu siampih tukin zuan mang hi.

EFESA 3:10

Ita mah tin sel hum ti ahin a pawlpi i hangin vancung a vancungmi uktu le thuneitu ten Pathian i cihnak cu a phunkimin, tu khang hunah a theihkim theihnak haw tukin hi.

1 THESALON 2:9

Ka ihzet uhmi hi zo uh ci. U le naute aw, cawl le haksa zetin, na ka deh uh cu thei leng poh uh ci. Pathian Thuthangpha nangmuh tei lakah ka phuan uhten nangmu ca in vanngit a hih ngawlnak tukin sun le zan na ka dehnak uh hi.

1 TIMOTE 3:16

A biaknak sung uh a, thu-ip cu ngeng ngangai hi, tih cu kuamah in el thei haw tukma hi. Amah cu mihing bangin langto a, a diknak thu cu Hawvangin langtikin, vancungmite vangin mu haw hi. A thu le la cu mi hempoh tei lakah phuan hi a, leihum khua hempoh ten um haw in, vancungah lato haw hi.

HEBRU 11:13

Hih mite cu upnak neitu cu a hih haw hangin upnak tuah thi haw hi. Pathian i tepsa mite a co ngah haw ngawl hei in, ngalcuanin, mu in lungdam haw hi. Lei humah mikhual le mi vakvai a hihnak haw theicop haw hi.

HEBRU 2:4

Mah hun lengah Pathian in thasiahhuai le nalamdang a phuphunte bawlin, ama deihnak bangin Hawvang Thiangtho i laksawng khi sem ten hi.

HEBRU 4:2

Itahim titale amuh tei zak bangin eimuh vangin Thuthangpha cu za zo toh hung. Mahnaven Thuthangpha a zak haw mi cu amu ca in nemcuamnak imah umma hi. Itahim titale a zak bek zata zamin upnak tuah pom nuam haw ma hi.

1 PETER 1:25

Mahnaven Topa i thu cu kumkhua kho hi.” Nangmuh tei lakah a phuanmi Thuthangpha cu hi thu hi, hi.

1 PETER 4:6

Mah hangin mithi tei lakah Thuthangpha a phuannak cu! Amuhte vang midangte bangin a nun haw laihin thukhennak tawk zo haw hi. Mahten amuh tei lakah Thuthangpha phuan a hihnak cu Hawvang nunah Pathian bangin nung thei bok tukin hi.

MANGMUHNAK 5:11

Ka zohleh ten vancungmi a thawng a za tei thawm za ing. Amuhte cu kumpi khunnak le sahang pa li le upa tei kimkotah ding haw in,