1 PETER 1:11 - Ngawm Bible

¹¹ Ituk ten kaw mah hun cu a hen tuk tin zei suak tukin a tumtah haw mi hi. Amu sungah a ummi Khrih i hawvangin, Khrih i thuak tukmi haksatnak le mah nungten a co tukmi sunloihnak thu a hilh ham ten atu hun hi, a son nuammi hun hi.

1 PETER 1:11 Iomraidhean Croise

PIANPATNAK 3:15

Numei nu tuah ngalduntik tung a, na casuan uh tianin ngaldun tuk uh ci. Amuh ten na lu supeek haw tuk a, nang vangin, a kecawk cik tuk ci,” tin ti hi.

PIANPATNAK 49:10

A kumpi ngolh cawi in, a casuante cu uktu hi leleng haw tuk hi. Miphun tampi ten siah pia haw tuk a, upatnakin, a maiah kun haw tuk hi.

ISAIAH 49:6

Topa in, “Ka nadektu, na dehvo thu pi sesem um hi; A tang calam Israel tei nelah, ni dang laih bang lengin minthannak na hen lehtik tuk bek hi ngawlin, Lei buppi in luatnak a ngah theihnak tukin, nangmah cu miphun tampi tei lakah vaaknak tukin bawl tung,” ti hi.

DANIEL 2:44

Mah ngamuktu bawi ten ngam a uk haw ten vancung a Pathian in, a bo awng ngawlmi uknak umtik tuk hi. Kuamah in mah uknak cu neh haw tukma hi; mahnaven uknak dang hempoh cu siatsuah khawng tuk a, kumkhua in kho tatuk hi.

ZEKHARIAH 13:7

Cungnungbel Topa in, “Maw, ngalnam, tho inna, ka ca in, nadektu tuucingte cu satin! That inna, tuute cu mun tihkimah lengkek khawng haw tahen. Mi nautate cu keimah in siatsuah tung a;

ZEKHARIAH 14:9

Topa cu leihum buppi i kumpi hi tuk a, mi hempoh ten Pathian cu thei in bia haw tuk hi.

MATTHAI 26:24

Lai Thiangtho in, a hilh hamsa bangin, Mihing Capa cu thi tuk naven Mihing Capa a zuaktu pa i ca in itih zahin lauhuai him? Mahmi pa cu a nu i pum sung pen tul ngawl sawta ahin pha saw tuk naven!” tin ti hi.

LUKA 24:44

Amuh tei lakah, “Nohtei lakah ka umlaihin ka hilh lihmi thu cu a hite toh hi: Moses Daan laibu sung a, profet hempoh tei laingatmi sung le Saam laibu sung a, keima thu a ngat haw cu a cangkim khawng kul tuk,” ti hi.

JOHAN 12:41

Isaiah in hi thu a hilhmi cu Jesuh in sunloihnak co zo tih amuh hangin hi.

NUNGZUITU 16:7

Misia ngamngi heng haw a, Bithinia ngam sungah tum tukin ngaisung haw naven Jesuh i Hawvangin phalma hi.

ROM Khua Khristian Tei Lakah Paul i Laikuat (Paul’s Letter to the Romans) 8:9

Mahnaven nohte cu na mihing hihnak uhin nung ma uh ci; Pathian i Hawvang cu nangmu sungah a um tatak tale Hawvang i hilh bangin nung saw tuk uh ci. Kua hei hihen Khrih i Hawvang a nei ngawltu cu Khrih ta hi ma hi.

GALATI 4:6

Mahten a cate na hihnak uh langtiknakin Pathian in, a capa i Hawvang cu eimu lungmu sungah pia hi. Eimu lungmu sung pen, “Ka Pa, Ka Pa,” tin, a autu cu mah Hawvang hi.

2 PETER 1:21

Itahim titale profet tei thuhilhmi cu mihing tei deihnak pen a hengmi kha ma hi, Pathian lak pen a hengmi thuthang a phuan haw ten Hawvang Thiangtho sosuahnakin, a hilhmi haw hi.

MANGMUHNAK 19:10

Mahten amah bia tukin a ke bulah kun ing; mahnaven amah in, “Mahtin kun pahsun, kei vang nangmah bangbokin, a nadektu ing hi. Jesuh i phuanmi thutak a pom ngahtu na unaupih tei lak pen pa khat hi bok ing hi; Pathian bek biak tukmi hi,” ti hi. Profette lungthotiktu cu Jesuh i phuanmi thutak khi hi.