1 PETER 1:10 - Ngawm Bible

¹⁰ Hi nunpatnak thu hi profet tei zeimi le a dotkan lih haw mi thu hi. Pathian in, a piak tukmi hehpihnak laksawng thu cu profet tei hilh hamsami hi.

1 PETER 1:10 Iomraidhean Croise

PIANPATNAK 49:10

A kumpi ngolh cawi in, a casuante cu uktu hi leleng haw tuk hi. Miphun tampi ten siah pia haw tuk a, upatnakin, a maiah kun haw tuk hi.

THUPAUCAP 2:4

Ngun tangka bang ngah nuamin, na manpha selmi bangin na zei tale;

DANIEL 2:44

Mah ngamuktu bawi ten ngam a uk haw ten vancung a Pathian in, a bo awng ngawlmi uknak umtik tuk hi. Kuamah in mah uknak cu neh haw tukma hi; mahnaven uknak dang hempoh cu siatsuah khawng tuk a, kumkhua in kho tatuk hi.

DANIEL 9:3

Topa Pathian nelah lungmu tatak tuah ancang thungen ing a, thangkhau puan silhin, vut lakah khungin ngen ing.

HAGGAI 2:7

Miphun hempoh vawk khawng tung, a sum haw le a lo le lamte cu hilai ah keng haw tuk hi; mahten hi Biakinn cu hauhnak tuah dim tuk hi.

ZEKHARIAH 6:12

Ama nelah, Cungnungbel Topa in, ‘Thingkak tin sammi cu atu-in, a umnak mun pen khangto tuk a, Topa i biakinn cu amah in saleh tuk hi.

MATTHAI 13:17

Thungai in hilh ing, na muh uhmi le na theih uhmi hi profet tampi le Pathian i mihing tampi ten mu nuamin, thei nuamzet haw tuk naven mu haw ma, za nuamzet haw tuk naven za thei haw ma hi.

MATTHAI 26:24

Lai Thiangtho in, a hilh hamsa bangin, Mihing Capa cu thi tuk naven Mihing Capa a zuaktu pa i ca in itih zahin lauhuai him? Mahmi pa cu a nu i pum sung pen tul ngawl sawta ahin pha saw tuk naven!” tin ti hi.

LUKA 10:24

Nohtei lakah hilh ing. Na thil muh uhte hi profet le kumpi ten mu nuamzet haw naven mu ngah haw ma hi. Na zak uhmi thu za nuamzet haw naven za ngah haw ma hi,” tin hilh hi.

LUKA 24:44

Amuh tei lakah, “Nohtei lakah ka umlaihin ka hilh lihmi thu cu a hite toh hi: Moses Daan laibu sung a, profet hempoh tei laingatmi sung le Saam laibu sung a, keima thu a ngat haw cu a cangkim khawng kul tuk,” ti hi.

JOHAN 5:39

Lai Thiangtho sialin cung uh ci; mah bangin na cunnak uh cu hi Lai Thiangtho sungah kumkhua nunnak mu tuk ung tin na ngaihsut uh hang hi. Hi Lai Thiangtho cu a venghawngin keima thu a hilhtu hi.

JOHAN 7:52

Amuh ten, “Pha hi, nang hei hi Galilee lam pen cim? Lai Thiangtho sungah sialteh himpo inna, Galilee lam pen profet piang awng hihim tukma, tih thu thei tuk ci,” tin don haw hi.

NUNGZUITU 10:43

Profet hempoh ten ama thu cu hilh haw in, amah a umtu hempoh ten a min i cahnak huham i hangin a sualnak haw ngaihdam hi tuk hi, tin ti haw,” ti hi.

NUNGZUITU 17:11

Mahlai a mipi cu Thesalon mite sangin a lungmu taituang saw deuh haw hi. A thuhilh haw mite cu lungmu tak tuah ngai in, nisialin, Paul i hilhmi cu hi ngangai maw, hi ngangai ma him tin, Lai Thiangtho sialin zocik haw hi.

NUNGZUITU 28:23

Mah hangin Paul tuah a ni khiahdunin, Paul i umnakah mipite hung haw hi. Zing pen taklam tian, Pathian Uknak thu cu hilhciang a, Moses Daan laibu sung pen profet tei laingat mite la in, Jesuh i thu khi a lungmu sung hawah a tum tukin hilh hi.

NUNGZUITU 7:52

Na pu le pa tei bawlsiat ngawlmi profet pa khatno bek um haw ni maw? A dikmi Pathian i Salpa hung tuk hi tin ni dang laih cawngin, a phuangtu Pathian i palai that haw hi. Atu-in mah a dikmi a salpa cu zuakin that uh ci!

HEBRU 11:13

Hih mite cu upnak neitu cu a hih haw hangin upnak tuah thi haw hi. Pathian i tepsa mite a co ngah haw ngawl hei in, ngalcuanin, mu in lungdam haw hi. Lei humah mikhual le mi vakvai a hihnak haw theicop haw hi.

HEBRU 11:40

Itahim titale Pathian in eimu ca in khuakhannak pha deuh a neih hang hi. A tumtah ngangai mi cu eimuh tuah munkhatno in, a um uh bek ten cangkimnak ngah haw tuk hi, tin ti hi.

1 PETER 1:11

Ituk ten kaw mah hun cu a hen tuk tin zei suak tukin a tumtah haw mi hi. Amu sungah a ummi Khrih i hawvangin, Khrih i thuak tukmi haksatnak le mah nungten a co tukmi sunloihnak thu a hilh ham ten atu hun hi, a son nuammi hun hi.

1 PETER 1:13

Mah hangin nadek pan tukin na lungmu uh tuangtim sa in um un, ngalling sa in um unna, Jesuh Khrih a lang ten na ngah tuk uhmi thupha muicu laksawng humah na ngaihsutnak uh a venghawngin nga un.