1 JOHAN 5:9 - Ngawm Bible

⁹ Mihing tei thu theihpihmi cu um hung hi. Mahten Pathian i theihpihmi cu thupi saw laih hi. A Capa i thu a theihpihmi cu amah loli in langtik zo hi.

1 JOHAN 5:9 Iomraidhean Croise

MATTHAI 17:5

Mahtin a otlih laih takin a de zetmi meingo in tuamin, meingo sung pen aw pa khatin, “Hi pa hi ka ih zetmi ka Capa hi; A humah ka lungkim mahtak ing, a thu na ngai un,” ti hi.

JOHAN 10:38

Mahnaven ka bawl ahi tale keimah na um nuam uh ngawl vangin ka bawlmi bek hi na um uh ahin mawi hi; mahten Pa cu ka sungah umin, Pa i sungah kei um ing, tih na theih lelengnak tukin,” ti hi.

JOHAN 5:39

Lai Thiangtho sialin cung uh ci; mah bangin na cunnak uh cu hi Lai Thiangtho sungah kumkhua nunnak mu tuk ung tin na ngaihsut uh hang hi. Hi Lai Thiangtho cu a venghawngin keima thu a hilhtu hi.

NUNGZUITU 17:31

Itahim titale a tensami mi pa khatin leihum buppi hi diknak tuah thukhencat tukin ni ciangtan zo hi. Mahmi thu cu thihnak pen tholehtik zo toh,” ti hi.

NUNGZUITU 5:32

Hi thil hempoh a theihpihtu tetti cu keimuh hi ung hi; keimuh bek hei hi ngawlin, Pathian in ama thu a zuitu tei lakah laksawngin, a piaksa mi Hawvang Thiangtho vang cu thu theihpihtu hi bok hi,” tin ti haw hi.

HEBRU 2:4

Mah hun lengah Pathian in thasiahhuai le nalamdang a phuphunte bawlin, ama deihnak bangin Hawvang Thiangtho i laksawng khi sem ten hi.

HEBRU 6:18

Hi thu pa nih hi thek thong theih ngawlmi a hih hangin Pathian hei in hi thu humah zolthu sonnuam ma hi. Mahti bang a hih hangin ama lak pen humhimnak a ngahtu cu ngalphatnak le thathonak ngengpi nei in, a mai uhah a koihsami muansannak cu khimzet pom hung hi.

1 JOHAN 5:10

Mah hangin kua hei hihen Pathian Capa a umtu in ama lungmu sungah theihnak nei hi; mahnaven Pathian a umngawltu in, Pa in, a Capa thu a hilhmi a up ngawl hangin, Pathian khi zolthu sontik hi.

1 JOHAN 5:8

Hawvang, tui le thisan hi haw in, a pa thum haw in, a theihmi haw thu cu pa khat hi.