1 JOHAN 5:7 - Ngawm Bible

⁷ Theihpihtu pa thum um haw hi:

1 JOHAN 5:7 Iomraidhean Croise

SAAM LABU 33:6

Topa in, van a ummi hempoh a thupiaknak tuah semsuahin, a awnkamin ni, hade, aksite bawl hi.

ISAIAH 61:1

Topa i hawvang cu ka lakah umin, a ngilnak tuah dimtik hi. Topa in keimah tengin, mi ca-ngah tei lakah thuthang pha hilh tukin, lungmu tamzante damtik tukin, ngalmatmi tei lakah luatnak thuthantu tukin, thawngta mitei lakah luatnak thu hilhtu tukin hah zo hi.

MATTHAI 17:5

Mahtin a otlih laih takin a de zetmi meingo in tuamin, meingo sung pen aw pa khatin, “Hi pa hi ka ih zetmi ka Capa hi; A humah ka lungkim mahtak ing, a thu na ngai un,” ti hi.

MATTHAI 18:16

Mahnaven na thu uh a ngai ma tale thutheitu pa khat maw pa nih maw hawhpih un hi. Lai Thiangtho in, “Sual notdunnak hempoh cu thu theihpihtu pa nih maw, mahsang tam saw hei in um haw henna,” a tih bangin na hawhpihmi cu theihpihtu tetti hi tuk hi.

MATTHAI 28:19

Mah hangin miphun hempoh tei lakah hawh unna, keima nungzuitute suaktikta un. Pa, Capa le Hawvang Thiangtho minin tuiphumnak pia un hi.

JOHAN 1:1

Amasabelin Thu um zo hi. Mah Thu cu Pathian tuah umkawmin, mah Thu cu Pathian hi.

JOHAN 10:30

Ka Pa le kei cu pumkhat, sakhat ung,” ti hi.

JOHAN 12:28

Pa aw, na minthangtikin,” ti hi. Mahten van pen aw ngingin, “Minthannak cu pia zo ing. Thangtik nawm tuk laih ing,” ti hi.

JOHAN 14:17

Amah cu Hawvang hi ama Pathian thutak langtiktu hi. Leihumpi in amah pom thei ma hi. Itahim titale a theih haw ngawl hangin le amuh bat haw ngawl hangin hi. Mahnaven noh ten amah khi thei uh ci. Itahim titale nangmu lakah umcih leng a, na sung uhah amah a nun hangin hi.

JOHAN 15:26

Ka Pa i lak pen Bawmtu, Hawvang heng tuk a, amah cu Pathian i thutak langtiktu tuk hi. Ka Pa i lak pen tiik tung a, keima cungcang hilh tuk hi.

JOHAN 5:26

Pa amah loli khi nunnak bulpi hi. Mah hangin Capa vang nunnak bulpi in bawl zo hi.

JOHAN 8:18

Tulaih takin kei ca in ka tetti cu keimah hi toh ing. Ka tetti dang cu keimah a tiiktu ka Pa khi,” ti hi.

JOHAN 8:54

Jesuh in, “Keimah pahcawi duncop tale keimah le keimah pahcoih dunnak cu imah man nei tukma hi. Keimah a pawhcawitu cu ka Pa hi. Mahmi cu ka Pathian hi, tin na tih uhmi khi hi.

NUNGZUITU 2:33

A pa, Pathian i taklamah sunglawi zetin hentik hi zo in, a tepsa bangin Hawvang Thiangtho cu a Pa i lak pen co zo hi. Tu a na muh uhmi le na zak uhmi cu eimu humah a leihsukmi ama laksawng hi.

NUNGZUITU 5:32

Hi thil hempoh a theihpihtu tetti cu keimuh hi ung hi; keimuh bek hei hi ngawlin, Pathian in ama thu a zuitu tei lakah laksawngin, a piaksa mi Hawvang Thiangtho vang cu thu theihpihtu hi bok hi,” tin ti haw hi.

DAAN PIAKLEHNAK 6:4

“Maw Israel mite, phano in ngai un! Topa amah pa khat bek hi a Pathian uh hi.

1 JOHAN 1:1

A pat pepan a um sami nunnak Thu cu nangmu lakah lai tuah ngan ing. Mah thu cu za ung a, mit tuah ka muh cilcel uhmi le khut tuah ka zen uhmi loli hi.

1 JOHAN 5:6

Jesuh Khrih cu tuiphumnak le thisan luangin thihnak tuah a hungmi hi. Tui tuah bekin hungmi hi ngawlin tui le thisan tuah a hungmi hi. Hitih bang a hunnak cu a dikmi loli hi tin Hawvangin theihpih hi; itahim titale Hawvang cu thutak hi.

1 JOHAN 5:8

Hawvang, tui le thisan hi haw in, a pa thum haw in, a theihmi haw thu cu pa khat hi.

MANGMUHNAK 19:13

A vansilhmite cu thisan bang khawng hi. A min cu, “Pathian Thu,” hi.