1 JOHAN 5:6 - Ngawm Bible

⁶ Jesuh Khrih cu tuiphumnak le thisan luangin thihnak tuah a hungmi hi. Tui tuah bekin hungmi hi ngawlin tui le thisan tuah a hungmi hi. Hitih bang a hunnak cu a dikmi loli hi tin Hawvangin theihpih hi; itahim titale Hawvang cu thutak hi.

1 JOHAN 5:6 Iomraidhean Croise

EZEKIEL 36:25

Tuithiang tuah theh tung a, milim biaknak le a nawngkaitiktu hempoh vang thiangthotik tung.

THIAMPI NADEHNAK 17:11

Iti bang ngamsa ahi vangin a nunnak cu a thi sungah um hi. Mah hangin thi hempoh cu mihing tei sualhahnak tukin biaklandawh humah leih un hi, tin Topa in thu a piaknak hi. Nunnak ahi mi thisanin sual thiangtik hi.

ZEKHARIAH 9:11

Topa in, “Biakpiaknak thisan tuah kipkhotikmi nangmuh tuah ka thutiamnak bangin, Na mihing uhte cu suakcatik tung; saltannak mun, tui um ngawl khuk sung pen suakcatik tung hi.

MATTHAI 26:28

Hihi ka thisan hi a, Pathian i thutepnak a khotiktu le mi tampi tei sual ngaihthiamnak tukin a luang tulmi ka thisan hi.

MATTHAI 3:16

Jesuh cu tui a phum ceng bek ten tuisung pen a thawhtoh laih takin van cu hong hi. Pathian i Hawvang cu khulo bangin kumsukin, a humah a kopsuk mu hi.

MARKA 14:24

Jesuh in, “Hi, hi mi tampi tei ca in ka sung pen a luang tulmi ka thisan hi.

LUKA 22:20

Mahti bang lelengin, takeih a eih celh haw ten khuathai cu la in, “Hi khuathai cu nohtei ca in, a luangmi ka thisan tuah khotiktu Pathian i thutiam thak hi.

JOHAN 14:17

Amah cu Hawvang hi ama Pathian thutak langtiktu hi. Leihumpi in amah pom thei ma hi. Itahim titale a theih haw ngawl hangin le amuh bat haw ngawl hangin hi. Mahnaven noh ten amah khi thei uh ci. Itahim titale nangmu lakah umcih leng a, na sung uhah amah a nun hangin hi.

JOHAN 14:6

Jesuh in, “Kei cu lampi, thutak le nunnak ing. Keimah tawn ngawlin kuamah in ka Pa i lakah heng thei haw tukma hi.

JOHAN 15:26

Ka Pa i lak pen Bawmtu, Hawvang heng tuk a, amah cu Pathian i thutak langtiktu tuk hi. Ka Pa i lak pen tiik tung a, keima cungcang hilh tuk hi.

JOHAN 16:13

Mahnaven Hawvang Thiangtho a hen ten Pathian i thutak langtiktu a hih hangin thutak hempoh sungah lamhuai tuk hi. Ama thuno in, awn tukma naven a zakmi cu hilhin, a heng tuk laihmi thu vang hilh tuk hi.

JOHAN 3:5

Jesuh in, “Thutak hilh ing: kua hei hihen tui le Hawvang tuah hinleh ahimata Pathian Uknak sungah tum thei tukma hi.

JOHAN 4:10

Jesuh in, “Pathian in, a piakmi hi ihim, tih le tui a ngentu hi akua him tih na thei ahin ama lakah ngen saw tuk navecin, amah in nunnak tui pia tuk naven!” tin ti hi.

JOHAN 4:14

Mahnaven ka piakmi tui a intute cu ituk mahten dangdumleh haw tukma toh hi. Keima piak tukmi tui cu a sungah ciktui in cang tuk a, mahmi in nunnak tui le kumkhua nunnak pia tuk hi,” ti hi.

JOHAN 6:55

Itahim titale an ngangai cu ka taksa hi a, ka thisan cu in tukmi ngangai hi.

NUNGZUITU 8:36

Hawh ngut haw a, tui umnak mun heng haw hi. Mah bawi in, “Hilai hah tui um. Tuiphum tukin ikaw a khaktu?” tin ti hi.

ROM Khua Khristian Tei Lakah Paul i Laikuat (Paul’s Letter to the Romans) 3:25

Pathian in Jesuh Khrih i thisan hangin, misual ngaihdamnak a um theihnak tukin a tuptahmi hi, mah ngaihdamnak cu amah upnak hangin ngah haw tuk hi. Pathian in hi bang thil a bawlmi hi Ama diknak a langnak tukin hi. Nidang laihin Pathian cu a thinsau in, mihing tei sualnakte kinmawh ngawlin um san thong hi. Mahnaven atu-in ama diknak khi langciang tukin mihing tei sualnak cu mu thong thei lehma toh hi; mahtih bangin a diknak cu langtikin, mahten a umtu hempoh diknak cotik hi.

EFESA 1:7

Itahim titale Khrih i thisan i hangin a sualnak uh cu zahin, a luatmi hi zo hung hi. Pathian in, a hehpihnak cu eimu lakah tam zetin, a piak hangin,

KOLOSE 1:4

Ita lungdamnak thu hilh kam ung titale Khrih Jesuh na upnak uh le Pathian i mihing hempoh tei lakah itnak na neih uh khi ka zak uh hangin hi.

1 TIMOTE 3:16

A biaknak sung uh a, thu-ip cu ngeng ngangai hi, tih cu kuamah in el thei haw tukma hi. Amah cu mihing bangin langto a, a diknak thu cu Hawvangin langtikin, vancungmite vangin mu haw hi. A thu le la cu mi hempoh tei lakah phuan hi a, leihum khua hempoh ten um haw in, vancungah lato haw hi.

TITUS 3:5

Oh ten na pha a bawl uh hang hi saw ngawlin ama hehpihnak hangin nunpatmi hung hi. Hawvang Thiangtho i somciangnak hangin hinthaknak le nunnak thak ngah hung hi.

HEBRU 10:29

Mahti bang ahi tale Pathian Capa a simsial ngawltu le sualnak pen a thiangtiktu Pathian thutepmi thisan a simsial ngawltu le hehpihnak neitu, Hawvang a zawnsaktu itih bangin bawl haw kam ni? Mahti bang mihing ten itihzah bawlsiatnak thuak haw kam ni? Ngaisung un!

HEBRU 12:24

Abel thisan sangin a thupha saw in, a sontu, Jesuh thehmi thisanah heng zo uh ci.

HEBRU 13:20

Biakpiaknak tukin a nun a piaknak hangin Tuucing ngengbel Topa Jesuh cu Pathian in thihnak pen tholehtik zo hi; mahten a thihnak hangin kumkhua thutiamnak cu khotik zo hi.

HEBRU 9:14

Mahti bangin sualnak a thiang thei ahi tale Khrih i thisanin amah le mah biakpiaknakin pia hi. A nungmi Pathian na a deh theihnak tukin, imah nemcuam ngawlmi a zui nuamnak uh lungmu bawmngit khi a thisanin thiangtik tuk hi.

HEBRU 9:7

Thiampi Sang bek, sungta khansungah kum khat, vei khat tum hi. Ama sualnak le mipi ten sualnak a hihlam thei ngawlin a bawl khak haw mi ca in nganhing thisan cawi in Pathian pia hi.

1 PETER 1:2

Jesuh Khrih i thu na zuinak tuk uhin le ama thisan tuah a thiantikmi na hih theihnak tukin nohte cu Pa Pathian tuptahnak bangin tenmi le ama hawvangin mi thiangtho ah a bawlmi hi uh ci. Pathian hehpihnak le lemdaihnak cu nangmu lakah lawhting zetin um tahen.

1 PETER 3:21

Mahmi cu atu-in nangmuh nunpantu tuiphumnak i lim laktu hi. Hi tuiphumnak cu nangmu taksa pumpi a ninmi somnak tuk hi ngawlin, a sia le pha khenkhuainak lungmu thiang tuah Pathian nelah thutiam bawl na hi saw hi. Jesuh Khrih thawhlehnak hangin tuiphumnakin nangmuh nunpan hi.

1 JOHAN 1:7

Mahnaven amah cu vaknak sungah a um bangin, eimuhte vang vaknak sungah a um uh tale pa khat le pa khat pawlkomnak nei in, a Capa Jesuh Khrih i thisanin, a sualnak uh hempoh thiangtik zo hi.

1 JOHAN 4:10

Itnak tihmi cu hi bangin hi. Eimuh in Pathian it hung tih hi kha ma hi. Amah lam saw in it in, a Capa piasuk hi; mahmi cu eimu sual ngaihthiamnak tukin hi.

MANGMUHNAK 1:5

A muanhuai theihpihtu, hin masakbel Capa, thihnak pen thawh kiklehtikmi leihum kumpite uktu Jesuh Khrih i hehpihnak le lemdaihnak thupha cu nohtei humah um tahen. Ohte it in, a thihnak hangin sualnak pen luattik zo hi.

MANGMUHNAK 5:9

La thak hi tin sa haw hi. “Nangmah cu laizial latu tukin le tacik duktu tukin tak ci. Itahim titale thahnak thuak zo ci a, na thihnak thawmin phun le nam hempoh le awn namkim ten za in, mi tampi Pathian nelah henpih ci.

MANGMUHNAK 7:14

“Thei ma sing, Topa, nangmah in thei saw tuk ci,” tin donleh ing. Amah in, “Hi mite cu bawlsiatnak nasezet sung pen a himno in, a suakmite haw hi. A puan haw cu Tuuno thisan sungah sawpin, ngotik zo haw hi.