1 JOHAN 5:4 - Ngawm Bible

⁴ Itahim titale Pathian ca a himi hempoh ten hi leihum cu neh thei haw hi. Mahten a upnak uh hangin ohte cu leihum nehtu hi hung hi.

1 JOHAN 5:4 Iomraidhean Croise

JOHAN 1:13

Pathian cate a hihnak haw cu leihum dan, mihing i hinmi hihnak tuah kha ma hi; Pathian amah loli cu a Pa haw hi.

JOHAN 16:33

Nohte cu keimah tuah na pehzomnak uh i hu le thawm hangin lungmuannak na ngah theihnak tuk uhin hi thu hi nohte hilh ing. Leihumin nohte cu haksatnak pia tuk hi. Mahnaven lau ngawlin ngalhang zetin um un! Leihumpi cu neh zo ing!” ti hi.

JOHAN 3:3

Jesuh in, “Thutakin hilh ing: kua hei hihen hinleh ahi ma tale Pathian Uknak mu thei haw tukma,” ti hi.

1 KORIN 15:57

Mahnaven a Topa uh Jesuh Khrih hangin nehnak piatu Pathian nelah lungdam hung hi.

1 JOHAN 2:29

Khrih cu dikcang hi tih thei leng uh ci. Mah hangin akua hei hihen a dikmi a bawltu cu Pathian cate hi tih thei tuk uh ci.

1 JOHAN 3:9

Kua hei hihen Pathian ca a himi in sualnak bawl leleng ma hi. Itahim titale Pathian nundan cu a sungah um hi. Pathian cu a Pa a hih hangin sualnak bawl leleng thei ma hi.

1 JOHAN 4:4

Mahnaven ka cate aw, nohte cu Pathian cate hi uh ci. Profet man ngawlte vang neh zo uh ci. Itahim titale nangmu sungah a ummi Hawvang cu leihum mitei sung a, hawvang sangin ngil saw hi.

1 JOHAN 5:1

Kua hei hihen, Jesuh cu Khrih hi tin, a umtu cu Pathian ca hi. Kua hei hihen Pa a ittu in, a cate vang it hi.

1 JOHAN 5:18

Pathian cate cu sualnak bawl leleng ma hi tih thei hung hi. Itahim titale Pathian Capa in hupin, Satan in siatsuah thei ma hi.

1 JOHAN 5:5

Leihum nehtute cu a kuate him? Jesuh cu Pathian Capa hi tin, a umtu hempoh cu leihum nehtute haw hi.

MANGMUHNAK 12:11

A unaupih uhten Tuuno thisan le thudik a phuan haw mi i thawmin, nehnak ngah zo haw hi. A nunnak haw vang piak phal haw a, thih vang ngam haw hi.

MANGMUHNAK 15:2

Mahten ka zo le mei alh tuah a tok helmi thalang tuipi mu ing. Mahbek sial ngawlin sahang le a zuk hihen, a min haw nambat tuah sialsiah mipa i humah a nehtute vang mu ing. Mah nehnak neitute cu thalang tuipi bulah dingin Pathian piakmi tingtang cawi haw hi.

MANGMUHNAK 2:11

“Beng a nei ten Hawvangin pawlpi lakah a hilhmi ngai un, “Nehtu cu vei nih thihnak pen luat haw tuk hi,” ti hi.

MANGMUHNAK 2:17

“Beng na nei uh tale Hawvang Thiangtho i pawlpi tei lakah a hilhmi cu na ngai un. “Nehtute cu selmi manna moh khenkhat pia tung hi. Mah i humah suangpeek ngo pa khat ten pia tung a, mah suangpeek ngo humah a cotu tuk tei theihmi amuh tei min thak ngatin um tuk hi,” ti hi.

MANGMUHNAK 2:26

Nehtute le ka deihnak bangin a tawp tian a bawltu tei lakah, ka Pa i lak pen ka ngahmi thuneihnak pia tung hi. Minam hempoh tei humah uk theihnak pia tung; Thik thiangkhut tuah uk theihnak le lei beel bangin sukkeh theihnak thu amuhte pia tung. Ni konghong aksi vang amuhte pia tung hi.

MANGMUHNAK 2:7

Beng nei na hi uh tale hawvang i pawlpi tei lak a hilhmi cu ngai un hi. Nehtu tei lakah Pathian huan sung a po mi nunnak thingngah eih theihnak thupia tung hi,” ti hi.

MANGMUHNAK 3:12

Nehtu cu ka Pathian i Biakinn sungah sutpi khuamin bawl tung a, mah Biakinn cu taisan awng tukma hi. Ka Pathian i min vang a humah ngan tung. Mah khuapi cu vancung ka Pathian lak pen a heng tukmi hi. Mahten ka min thak vang a humah ngan tung hi.

MANGMUHNAK 3:21

Nehtu hi zo ing a, atu-in ka pa i kumpi khunnak humah ka khun bangin nehtute cu ka kumpi khunnak humah khun theihnak thupia tung hi.

MANGMUHNAK 3:5

Nehtute cu mahti bangin puan ngo silh haw tuk a, nunnak laibu sung pen a min haw phiat tuk mang hi. Ka pa le a vancungmi tei lakah kata hi haw hi, tin ciang zetin hilh tung hi.