1 JOHAN 5:20 - Ngawm Bible

²⁰ Pathian Capa hungsukin, ohtei nelah theihnak pia zo tih theih hung hi. Amah cu thuman tih thei hung a, ohte cu thuman sungah um hung hi. A Capa Jesuh Khrih sungah hei um hung hi. Himi hi kumkhua nunnak thuman hi.

1 JOHAN 5:20 Iomraidhean Croise

JOHAN 17:3

Mah kumkhua nunnak tihmi cu Pathian nangmah theih le na tiikmi Jesuh Khrih theih na hi.

LUKA 24:45

Mahten a lungmu mit haw honsakin, Lai Thiangtho hilhmi cu thei haw hi.

JOHAN 14:9

Jesuh in, “Nohtei lakah ngeipi um zo naveng sing, keimah thei ma laih cim, Filip? Keimah a mutu pawpoh ten ka Pa mu bok haw hi. Mah hangin ita na Pa lak tehin tin ti thei cim?

1 TIMOTE 3:16

A biaknak sung uh a, thu-ip cu ngeng ngangai hi, tih cu kuamah in el thei haw tukma hi. Amah cu mihing bangin langto a, a diknak thu cu Hawvangin langtikin, vancungmite vangin mu haw hi. A thu le la cu mi hempoh tei lakah phuan hi a, leihum khua hempoh ten um haw in, vancungah lato haw hi.

ISAIAH 44:6

Israel uktu le a huptu Topa Cungnungbel Topa in, “Keimah cu masabel le nungdawlbel ing hi; Keimah sialngawl Pathian dang umma.

1 JOHAN 5:1

Kua hei hihen, Jesuh cu Khrih hi tin, a umtu cu Pathian ca hi. Kua hei hihen Pa a ittu in, a cate vang it hi.

JOHAN 20:28

Thomas in, “Ka Topa le ka Pathian,” ti hi.

MANGMUHNAK 3:7

“Filadelfia pawlpi i vancungmi lakah hi bangin nganin hi. “A thiangthomi le a dikmi i thucahmi cu hi bangin hi. Amah cu David i tawh keemtu na hi a, kongka a honmi kuamah in khak thei haw tukma hi. Ama khahmi cu kuamah in hong thei haw tukma hi.

1 JOHAN 4:16

Mahten eimuh loli in Pathian i eimuhte a itnak cu thei in um hung hi. Pathian cu itnak hi a, itnak tuah a nungtute cu Pathian sungah a nungmi hi. Pathian vang ama sungah nung bok hi.

ROM Khua Khristian Tei Lakah Paul i Laikuat (Paul’s Letter to the Romans) 9:5

A muhte cu ka pu le pa uh Hebru mi minthangzet tei sung pen a tulmi haw hi; mahten mihing lam pen a ngaisung uh ahi tale Khrih vang cu a sangngam pih haw hi. Ihempoh a uk khawngtu Pathian cu kumkhua in thangphat hi tahen! Amen.

JOHAN 10:30

Ka Pa le kei cu pumkhat, sakhat ung,” ti hi.

ISAIAH 9:6

A lak uhah nauno hing zo hi; Capa piak hi zo hung hi; Amah cu eimuhte uktu hi tuk hi. A min cu, “Thasiahhuai, Lembawltu,” “A cakmi Pathian,” “Kumkhua Pa,” “Lemdaihnak Kumpi,” tin sam hi tuk hi.

1 JOHAN 4:2

Pathian Hawvang hi le hi ngawl cu hi bangin thei tuk uh ci; kua hei hihen Jesuh Khrih cu mihingin hung hi tin, a phuangtu cu Pathian lak pen a hungmi Hawvang neitu hi.

1 JOHAN 2:6

A kuakua hei hihen Pathian tuah pawlkomnak nei ing a titu in, Jesuh Khrih bangin nung tuk hi.

HEBRU 1:8

Mahten a Capa i thu ah Pathian in, “Nangmah cu Pathian ci, na kumpi khunnak cu kumkhua in kho tuk hi!

TITUS 2:13

Mahten a thawmngengmi a Pathian uh le Pantu Jesuh Khrih i sunloihnak lang tuk hi tin, a muansan uhmi Ni sunglawi cu ngak hung hi.

NUNGZUITU 20:28

Mahti bang a hih hangin nangmuh le nangmuh cingkhawi thiam unna, Hawvang Thiangtho in, na khut sung uhah a koihmi tuuhon khi phano in cingkhawi un hi. Pathian in, a Capa i thihnak i hangin amata in, a bawlsami Pathian i pawlpi cingkemtu na hita un!

JOHAN 17:14

Keimah cu hi leihum ita ka hih ngawl bang bokin, amuhte vang hi leihum ita hi bok haw ma hi, mah hangin na thu cu amuh tei lakah ka hilh ten leihum miten a huatnak cu na hi.

MANGMUHNAK 19:11

Mahten vancung khi hongin mu ing a, cipuh ngo pa khat um hi. A hum khungtu cu muantak le midik tin sammi hi. Thu a khen ten le ngal a do ten thumannak tuah khenin do hi.

MANGMUHNAK 15:3

Pathian i nadektu Moses le Tuuno i la hi tin sa haw hi. “Topa, Cungnungbel Pathian, na thil bawlmi hi izahta in thasiah huai kaw! Minam hempoh tei kumpi bawi, na lampi cu izahin, a dik le a manmi hi haw him?

MANGMUHNAK 6:10

Amuh ten nging zetin hitin au haw, “A thiangthomi le a dikmi Cungnungbel Topa aw, leihummi, kohte thatin, thi a luangtiktu hi phu la ngawlin le dantat ngawlin na um tuk,” tin ti haw hi.

MANGMUHNAK 3:14

“Laodisia pawlpi i vancungmi lakah hi bangin nganin hi. “Amen tihmi, muantak le theitu tetti dik hi in Pathian i semsuahmi hempoh tei bulpi, a tawpatnak i thucahmi cu hi bangin hi.

1 JOHAN 4:14

Pa in, a Capa cu leihum nunpantu tukin hah hi, tihmi amutu le a hilhtu cu eimuhte hung hi.

FILIPI 3:9

Amah i hangin ihempoh cu vawk khawng ing. Khrih ka co theihnak tukin le amah tuah thiamting zetin ka pehzomdun theihnak tukin ihempoh hi buak bang thongin ngaisung ing. Keima bulin dikcangnak nei lehma toh ing. Atu a dikcangnak ka neihmi cu Khrih upnak hangin piakmi diknak hi; upnak thawmin Pathian lak pen a ngah uhmi diknak hi.

2 KORIN 4:6

“Khuathimnak sung pen khuavaknak suak hen,” tin, a titu Pathian cu Khrih i mitmai hum a, Pathian i sunloihnak khi ka theih zawhnak tukin keimu lungmu sungah a vaknak piatu cu Pathian amah leleng hi.

JOHAN 15:4

Keimah tuah pehzom leleng unna, kei vang nangmuh tuah peh leleng tung hi. Sabit kung cu amahno in ngah cawm thei ma hi. Sabit nguipi ah a pehzom bek ten ngah thei hi. Mahti bang bokin nohte vang keima sungah na umma uh tale ngah thei tukma uh ci.

JOHAN 14:23

Jesuh in, “Kei a ittu pawpohin ka thu khi ngai tuk hi. Amah cu ka Pa in, it bok tuk a, keimah le ka Pa cu hungin ama lakah um tuk ung hi.

JOHAN 14:20

Mah ni le hun a hen ten kei cu ka pa i sungah ka um lam thei tuk uh ci. Nangmuh vang keima sungah na um lam uh le nangmu sungah kei ka um lam thei bok tuk hi uh ci.

JOHAN 14:6

Jesuh in, “Kei cu lampi, thutak le nunnak ing. Keimah tawn ngawlin kuamah in ka Pa i lakah heng thei haw tukma hi.

JOHAN 1:18

Kuamah in, Pathian cu mu awng ma hi. A Pa in, a Capa neihcalam, a angsungah a umtiknakin langtik zo hi.

LUKA 21:15

Itahim titale awn kam thiamnak le cihnak nase zetin pia tung a, na awn uh a don theitu tuk pa khat hei um haw tukma hi.

MATTHAI 13:11

Jesuh in amu lakah, “Vancung ngam thukuh theih theihnak cu nangmu lakah piak hi zo naven mipi tei lakah piak hi kha ma hi.

JEREMIAH 10:10

Mahnaven Topa, nang cu a dikmi Pathian hi ci. A nungmi Pathian hi ci. Kumkhua in kumpipa hei hi ci. Na thin a uk ten lei buppi hi hing khawng. Na thinuknak cu miphun ten thuak thei haw ma.

ISAIAH 54:5

Nangmah a piangtiktu, Cungnungbel Topa cu na pasal bang hi tuk a, A thiangtho Pathian, Israel i Pathian in pan tuk hi. Amah cu leihum buppi uktu hi.

1 JOHAN 2:24

Mah hangin, a pat pepan na zak uhmi thu cu nangmu lungmu sungah komzetno in koih unna, pha zetin, na kem uh tale Pa le Capa tuah a pawlkomdun lelengmi hi tuk uh ci.

EFESA 3:18

mahten Pathian i mihingte tuah lungmu khatin, Khrih i itnak hi, itihzah thukin, sang a, itihzah sau in, zal him tih khi theih zawhnak nei tuk uh ci ti hi.

2 KORIN 5:17

A kuakua hei hihen Khrih tuah pehzomdun tale semsuah thakmi hi; a nunlun cu bo in siam thakmi hi zo hi.

1 KORIN 1:30

Khrih Jesuh cu na nunnak uhah a bulpantu cu amah Pathian hi. Pathian in Khrih cu eimu cihnak tukin bawl hi. Khrih i hangin ohte cu Pathian tuah lemdun zo hung. Pathian mi thiangtho in suak zo hung a, a suakcami hi zo hung hi.

JOHAN 17:25

A dikcangmi Pa aw! Leihum ten nangmah thei haw ma naven kei in nangmah thei ing a, nangma tiikmi ka hihlam cu thei bok haw hi.

JEREMIAH 23:6

Kumpi a deh ten Judah mite cu himdamzetno in um haw tuk a, Israel mite cu lungmuangzet le lemdaihnak tuah um haw tuk hi. ‘Topa cu Eimu Nunpantu tih hi tuk hi.’

JOHAN 8:42

Jesuh in, “Pathian cu na pa ngangai uh ahi tale keimah it tuk uh ci. Itahim titale kei cu Pathian lak pen hungin, atu-in hilai ah um ing. Keima thu in hung cawm mang hi. Keimah tiiktu pa i thu tuah hung ing.

1 JOHAN 2:23

Itahim titale Capa a nialtu cu Pa vang nial bok hi. A kuakua hei hihen Capa a umtu cu Pa vang um bok tuk hi.

1 JOHAN 5:5

Leihum nehtute cu a kuate him? Jesuh cu Pathian Capa hi tin, a umtu hempoh cu leihum nehtute haw hi.

1 JOHAN 5:15

Ama nelah a nget uh sial ten theihsak hi. Mahten theihpih hi tih a theih uh hangin a nget uhmi hempoh pia hi tihvang thei hung hi.

1 JOHAN 5:18

Pathian cate cu sualnak bawl leleng ma hi tih thei hung hi. Itahim titale Pathian Capa in hupin, Satan in siatsuah thei ma hi.