1 JOHAN 5:19 - Ngawm Bible

¹⁹ Leihum buppi cu Satan in uk naven ohte cu Pathian ta hung hi tih thei hung.

1 JOHAN 5:19 Iomraidhean Croise

LUKA 4:6

“Hi leihum thuneihnak le hauhnak hempoh nangmah pia tung hi. Keima ta hi ka piak nuammi i lakah pia thei ing.

JOHAN 12:31

Atu-in hi leihum thu a khen hun le leihum uktu neh huncan hi tuk toh hi.

JOHAN 14:30

Hi leihumpi uktu pa hung li toh a hih hangin thu saupi sonpih man lehma toh ing. Keima humah thuneihnak imah nei ma hi.

JOHAN 16:11

Thukhennak thu i humah a ngaihsutdan haw khial hi. Itahim titale leihum uktu bawi cu thukhensa zo hangin hi.

JOHAN 17:15

Amuhte cu leihum pen latulin, tin ngen kha man naveng mipha ngawlmi pa i lak pen hupin hi bangin ngen ing.

ROM Khua Khristian Tei Lakah Paul i Laikuat (Paul’s Letter to the Romans) 8:16

Mahtin a au uhten Pathian i Hawvangin eimu hawvang pehzomin Pathian ca a hihnak uh khi ciangtik hi.

2 KORIN 1:12

Ka tuangkhawn pihzet uhmi pa khat um; mahmi cu ikaw titale: hi leihum a nundan uh le a cuangin, nangmuh tuah a pehzop dunnak uh hi, mihing cihnak i ukmi hi ngawlin Pathian hehpihnak huhamin uk hi. Amah Pathian i piakmi awn taituang le lungmu ngai tuah a nunzia uh cu a lungmu uh sia le pha deidan thiamnakin, a theihpihmi hi.

2 KORIN 4:4

Mahmi ten sang haw ma hi, itahim titale hi leihum i pathian sesuakin, a lungmu haw cu khuathim lakah a koih leleng hangin hi. Thuthangpha i vaknak Khrih i sunloihnak pen a hengmi vaknak cu mu haw ma hen tin mah pathian in lim leleng hi. Khrih cu Pathian tuah bangve loli hi.

2 KORIN 5:1

Ohtei umnak hi leihum thi le sa pumpi hi a siat khawng hei in, Pathian in vancungah eimu umnak tuk a sakmi, kumkhua a sia thei ngawlmi inn, eimu ca in koih hi tih cu thei hung hi.

GALATI 1:4

Tuhun hi hunsia sung pen ohte luattik tukin Khrih in Pa Pathian i deihnak zui in, ohtei sualnak hangin a nunnak pia zo hi.

EFESA 2:2

Mah hun laihin leihum daan pha ngawl zui uh ci; Van le lei laklawh a hawvang huham neitu, Pathian thu a zui nuam ngawlte uktu i thu khi zui uh ci.

2 TIMOTE 1:12

Hi bangin ka thuaknak cu mahmi hangin hi. Mahnaven ka muansanmi akua him tih ka theih hangin lungmuannak a dimin nei ing. Mah hangin ka khut sungah a keptikmi cu mah ni khua a hen tianin himdamno in, amah in cingkhawi tuk hi tih cangcian zetin thei ing.

TITUS 3:3

Itahim titale eimuh hei nidang laihin misilzet le thu ngai ngawlmi hi hung a, khialzet hung hi. Tisa deihnak le nopnak a phunkim i sal hi hung hi. Mi nautatnak le mi cinnakin, a hun le can uhte mang hung hi. Miten hua in, eimuhte vangin hua bok hung hi.

JAMES 4:4

Muantak ngawl mihingte leipi tuah ngualcam pha na hih uh cu Pathian tuah ngaldunnak hi tih thei ma uh cim? A kuakua hei in, leipi tuah a komduntu cu Pathian i ngalin, a bawlcopmi hi.

1 JOHAN 3:14

Ohte cu thihnak zamsanin, nunnak sungah tum zo hung; tih thei hung hi. Mahtibang a theihnak uh cu a unau uhte a ih uh hangin hi; itnak a nei ngawltu cu thihnak sungah a tang hih laihmi hi.

1 JOHAN 3:24

Pathian thupiakmi a zuitu hempoh cu Pathian tuah umkawmin, Pathian vangin amu lakah um bok hi. Pathian i piakmi Hawvang hangin Pathian cu eimuh tuah umkawm tih thei hung hi.

1 JOHAN 5:10

Mah hangin kua hei hihen Pathian Capa a umtu in ama lungmu sungah theihnak nei hi; mahnaven Pathian a umngawltu in, Pa in, a Capa thu a hilhmi a up ngawl hangin, Pathian khi zolthu sontik hi.

1 JOHAN 5:13

Pathian Capa a umtu ten kumkhua nunnak nei hung tih na theih theihnak tukin hi laikuat hi nangmu nelah ngan ing.

1 JOHAN 5:15

Ama nelah a nget uh sial ten theihsak hi. Mahten theihpih hi tih a theih uh hangin a nget uhmi hempoh pia hi tihvang thei hung hi.

1 JOHAN 5:18

Pathian cate cu sualnak bawl leleng ma hi tih thei hung hi. Itahim titale Pathian Capa in hupin, Satan in siatsuah thei ma hi.

1 JOHAN 5:20

Pathian Capa hungsukin, ohtei nelah theihnak pia zo tih theih hung hi. Amah cu thuman tih thei hung a, ohte cu thuman sungah um hung hi. A Capa Jesuh Khrih sungah hei um hung hi. Himi hi kumkhua nunnak thuman hi.

MANGMUHNAK 12:9

Ngulpi ngengpi, tanglaih ngulpi, Dawi ahimata Satan tin sammi, lei buppi zoltu cu van pen vawksukin um zo a, a vancungmite vang amah tuah um haw hi.

MANGMUHNAK 20:3

Kum thawng khat a kim laklawh kuamah zol toh pahsuh hen tin mah khuk sungah tawhkalhin tacik khen cih hi. Samkhat sung hahleh hi tuk laih hi.