1 JOHAN 5:18 - Ngawm Bible

¹⁸ Pathian cate cu sualnak bawl leleng ma hi tih thei hung hi. Itahim titale Pathian Capa in hupin, Satan in siatsuah thei ma hi.

1 JOHAN 5:18 Iomraidhean Croise

SAAM LABU 119:101

Ziaza pha ngawl cu pial zo ing; Na thuzui ka nuam hangin hi.

SAAM LABU 119:3

Hihi, thil sual i mah bawl ngawlin, Topa i lampi ah hawh haw hi.

SAAM LABU 17:4

Midang bangin awnpha ngawl awn mang, Na thukham zui ing a, mipha ngawl tei lampi zui mang.

SAAM LABU 18:23

A mai ah sualnak nei mang, sualnak pen a dangno in um zo ing.

SAAM LABU 39:1

Ka lungmu sungno in, “Ka thil bawlmi ah ngalling tung; ka lei in sualtik pahsuh hen. Ka ngalte ka elah a um sung haw cu imah awn tuk mang,” tin ti ing.

THUPAUCAP 4:23

Ngalling zetin thu ngaisungin, itahim titale na ngaihsut mi thu in, na nunnak puahto tuk hi.

THIAMPI NADEHNAK 11:37

Saluang pa kha khat cu cin tukmi anci humah a cak kha hei in, mah anci cu a thiang hi leng tuk hi.

MATTHAI 5:37

Mah hi; mahma, tih bek ti un; mah sial ngawl cu mipha ngawl, khawhuai lak pen a tulmi haw hi.

MATTHAI 6:13

Sualsohnakah tel tuk ngawlin, siatnak lak pepanin. Na uknak, thawm ngengnak huham le sunloih upatnak cu na humah catngawl kho leleng tahen. Amen.

JOHAN 1:13

Pathian cate a hihnak haw cu leihum dan, mihing i hinmi hihnak tuah kha ma hi; Pathian amah loli cu a Pa haw hi.

JOHAN 14:30

Hi leihumpi uktu pa hung li toh a hih hangin thu saupi sonpih man lehma toh ing. Keima humah thuneihnak imah nei ma hi.

JOHAN 15:4

Keimah tuah pehzom leleng unna, kei vang nangmuh tuah peh leleng tung hi. Sabit kung cu amahno in ngah cawm thei ma hi. Sabit nguipi ah a pehzom bek ten ngah thei hi. Mahti bang bokin nohte vang keima sungah na umma uh tale ngah thei tukma uh ci.

JOHAN 15:7

Keima sungah umin ka thu cu nohtei sungah a kho leng tale na nget uh hempoh cu ngah tuk uh ci.

JOHAN 15:9

Ka Pa in, keimah a ih bang bokin nohte it bok ing a, ka ihnak sungah um leleng un hi.

NUNGZUITU 11:23

Barnabas cu Antiok khua a hen ten Pathian i mipi tei lakah thupha a piakdante amuh ten a lungdam zetin, a lungmu hempoh haw tuah Topa umin, muantakmi thu umtu a hih theih hawnak tukin thazaang pia hi.

JAMES 1:18

Ama lungkimnakin, a bawlmi hi hung a, eimuh a semsuahnakah thutak awnkam mang hi. Mah hangin a semsuahmi na hempoh lak pen ohte cu a ngah masabelmi hung hi.

JAMES 1:27

Pathian mai pen a thiangthomi biaknak cu, nu le pa nei ngawl ca-ngah le meivong haksate cawm le vaktu, a cingkhawitu le hi leihumpi i siatsuah ngawlte khi hi.

1 PETER 1:23

A nungmi le kumkhua a khomi Pathian awnkam hangin hinthakmi hi zo uh ci. A thi theimi, nu le pa tei cate hi lehma toh uh ci. A thi thei ngawlmi i cate hi zo uh ci.

1 JOHAN 2:29

Khrih cu dikcang hi tih thei leng uh ci. Mah hangin akua hei hihen a dikmi a bawltu cu Pathian cate hi tih thei tuk uh ci.

1 JOHAN 3:12

Kain bang hi kha pahsuh un; amah cu Satan i ca ah cangin, a nau Abel that hi. Ita Kain in Abel cu that him? Itahim titale a bawlmi khialin, a naupa i bawlmi cu a dik hangin hi.

1 JOHAN 3:3

Kua hei hihen Khrih sungah hitih bang muansannak a neitu cu Khrih a thianthoh bangin amah le mah cu thiangthono in, a cingkhawi cop hi.

1 JOHAN 3:9

Kua hei hihen Pathian ca a himi in sualnak bawl leleng ma hi. Itahim titale Pathian nundan cu a sungah um hi. Pathian cu a Pa a hih hangin sualnak bawl leleng thei ma hi.

1 JOHAN 4:6

Mahnaven ohte cu Pathian ta hung hi. Pathian a theitu hempohin eimu thu ngai haw hi. Pathian ta ahi ngawlmi in eimu thu ngai haw ma hi. Mahten a dikmi Hawvang le a dik ngawlmi hawvang deidatnak cu mu thei hung hi.

1 JOHAN 5:1

Kua hei hihen, Jesuh cu Khrih hi tin, a umtu cu Pathian ca hi. Kua hei hihen Pa a ittu in, a cate vang it hi.

1 JOHAN 5:15

Ama nelah a nget uh sial ten theihsak hi. Mahten theihpih hi tih a theih uh hangin a nget uhmi hempoh pia hi tihvang thei hung hi.

1 JOHAN 5:19

Leihum buppi cu Satan in uk naven ohte cu Pathian ta hung hi tih thei hung.

1 JOHAN 5:20

Pathian Capa hungsukin, ohtei nelah theihnak pia zo tih theih hung hi. Amah cu thuman tih thei hung a, ohte cu thuman sungah um hung hi. A Capa Jesuh Khrih sungah hei um hung hi. Himi hi kumkhua nunnak thuman hi.

1 JOHAN 5:21

Ka cate aw, milimte bia kha tuk ngawlin cingcaizet un hi.

1 JOHAN 5:4

Itahim titale Pathian ca a himi hempoh ten hi leihum cu neh thei haw hi. Mahten a upnak uh hangin ohte cu leihum nehtu hi hung hi.

JUDE 1:21

a Topa uh Jesuh Khrih in, a hehpihnak tuah kumkhua nunnak a piak tuk ni na ngah uh laihin, Pathian i itnak sungah kho leleng un hi.

JUDE 1:24

Lum le bah tuk ngawlin cingkhawi a, sualnak nei ngawlin lungdamnak tuah a sunglawimi a umnakah a hen theitu,

MANGMUHNAK 2:13

Na umnak mun cu thei ing: Satan in, a kumpi khunnak a koihnak mun hi. Ka ca in muantak zetin nung ci; Satan umnak munah muantakmi ka thu theihpihtu Antipas a thah laih haw hei in, ka hum a, upnak na neihmi kiam cuang ma ci.