1 JOHAN 5:12 - Ngawm Bible

¹² Kua hei hihen Capa a neitu cu nunnak nei hi. Pathian Capa a nei ngawltu cu nunnak nei ma hi.

1 JOHAN 5:12 Iomraidhean Croise

MARKA 16:16

A kuakua hei hihen a thu umin, tuiphumnak a ngahtu hempoh cu nunpat hi haw tuk hi. Mahnaven a thu um ngawlte cu sual thaman thihnak thuak haw tuk hi.

JOHAN 1:12

Mi khenkhat ten sangin a up haw hangin Pathian cate hih theihnak thupia hi.

JOHAN 3:15

Mah hangin amah a umtu hempoh cu kumkhua nunnak ngah haw tuk hi.

JOHAN 3:36

Capa a umtu cu kumkhua nunnak nei hi; Capa i thu a eltu cu nunnak nei ngawlin Pathian i dantatnak a humah um tuk hi.

JOHAN 5:24

Thutakin hilh ing; kua hei hihen ka otmi zain, kei a tiiktu a um tale kumkhua nunnak nei hi. Thukhennak tawk ngawltohin, thihnak pen nunnakah tum zo hi.

1 KORIN 1:30

Khrih Jesuh cu na nunnak uhah a bulpantu cu amah Pathian hi. Pathian in Khrih cu eimu cihnak tukin bawl hi. Khrih i hangin ohte cu Pathian tuah lemdun zo hung. Pathian mi thiangtho in suak zo hung a, a suakcami hi zo hung hi.

GALATI 2:20

Mah hangin a nungmi cu kei hi lehma toh ing. Ka sung a nungmi cu Khrih saw na hi. Atu nung ing ka tihmi cu keimah it in, keima ca nun a piatu Pathian Capa upnak tuah nung ing.

HEBRU 3:14

Itahim titale a pattungin, a co uhmi lungmuannak khi a tawpnak tian a lenkhim thei uh tale, a venghawng uhin Khrih i ngualcam hi tuk hung hi.

2 JOHAN 1:9

Akua hei hihen Khrih thuzilhnak sungah um ngawlin a valthau in, a nungtu cu Pathian nei ma hi. Mahnaven Khrih thuzilhnak sungah a umtu cu, Pathian nei in, a Capa vang nei bok hi.