1 JOHAN 4:9 - Ngawm Bible

⁹ Pathian in, a itnak cu a Capa neihcalam hi leihumah a piaksuknakin langtik hi. Amah hangin nunnak a co theihnak tukin hi.

1 JOHAN 4:9 Iomraidhean Croise

PIANPATNAK 22:2

Pathian in, “Na ih zetmi na capa neihcalam Isaak cu pui inna, Moriah ngamah hawhpihin hi. Mahlai ngam a ummi, ka lak tukmi mualhumah Isaak cu biakpiaknakah pia in,” ti hi.

SAAM LABU 2:7

Kumpipa in, “Topa i thukhennak than tung,” “Topa in ka lakah nangmah cu ‘Ka capa ci, tuni in, na pa hi zo ing.

MARKA 12:6

Hah tukin a tangmi cu huan neitu pa i capa bek hi. A dawlbel ten huan bungtu tei lakah a capa cu tiikin, ‘Ka capa cu maizah deuh haw tuk,’ ti hi.

LUKA 4:18

“Topa i Hawvang cu ka humah um hi. Itahim titale mi ca-ngah tei lakah lungdamnak thuthangpha phuang tukin sathau thihsakin kei cu teng zo hi. Saltangmi tei lakah luatnak thu hilh tukin le mitcaw tei khua muhleh theihnak tukin keimah teng zo hi. Bawlsiat thuakte luattik tukin le

JOHAN 10:10

Nguca ten ngu tuk, that tukin le siatsuah tuk bekin hung haw hi. Mahnaven kei cu nunnak cangkim a neih theihnak haw tukin hung ing.

JOHAN 14:6

Jesuh in, “Kei cu lampi, thutak le nunnak ing. Keimah tawn ngawlin kuamah in ka Pa i lakah heng thei haw tukma hi.

JOHAN 3:16

Pathian in leihum hi a ih leita hangin a Capa neihcalam pia in, amah a umtu hempoh cu thi ngawlin kumkhua nunnak nei haw tuk hi.

JOHAN 3:18

Akua hei hihen Capa a umtu cu thukhennak thuak tukma hi, mahnaven a umngawltu cu Pathian i Capa neihcalam a up ngawl hangin thukhennak thuak zo hi.

JOHAN 5:23

Mah hangin Pa a upattu hempoh ten Capa vang upat bok haw tuk hi. Kua hei hihen Capa a upat ngawltu cu a tiiktu a Pa vang upat bok haw ma hi.

JOHAN 6:29

Jesuh in, “A tiikmi pa cu um un. Mahmi cu Pathian in nohte a dehtik nuammi nadeh hi,” tin don hi.

JOHAN 6:51

Vancung pen a hungsukmi nunnak cangho cu keimah ing hi. Hi cangho a eitu pawpoh cu kumkhua in nung haw tuk hi. Ka piakmi cangho cu ka taksa hi toh hi. Ita pia hing ngim titale leihum mitei nunnak tukin hi.”

JOHAN 6:57

A nungmi Pa in keimah tiikin, ka nunnak hi amah hangin nung ing. Mahti bang bokin, keima taksa a eitu cu keimah hangin nungbok haw tuk hi.

JOHAN 8:29

Keimah a tiiktu Pa hei cu keima lakah umin; ama deihnak bangin na ka deh hangin keimah nguakcang zamthong ma,” ti hi.

JOHAN 8:42

Jesuh in, “Pathian cu na pa ngangai uh ahi tale keimah it tuk uh ci. Itahim titale kei cu Pathian lak pen hungin, atu-in hilai ah um ing. Keima thu in hung cawm mang hi. Keimah tiiktu pa i thu tuah hung ing.

JOHAN 9:3

Jesuh in, “A mitcawnak cu ama sualnak hang hei hi ma, a nu le pa tei sualnak hang hei hi ma, Pathian thil tihtheihnak huham a lang theihnak tukin hi.

ROM Khua Khristian Tei Lakah Paul i Laikuat (Paul’s Letter to the Romans) 8:32

A dodaltu cu Pathian kha ma hi, a Capa neihcalamno hei khawih ngawlin eimuh venghawng ca in pia zo hi! Ama Capa loli hei a pia tale thil dangte hi a thawnthongin pia tukma maw?

HEBRU 1:5

Itahim titale Pathian in itih bang vancungmi hihen, “Nang cu ka Capa ci, tuni in, na Pa ah cang zo ing” ti awng ma hi. Mah humah i bang vancungmi hei hihen, “Kei cu a Pa hi tung a, amah cu ka Capa hi tuk hi,” tin ti awng ma hi.

1 JOHAN 3:16

Itnak ngangai iti bang him tih a theihnak uh cu hitih bangin hi. Khrih in eimu ca in, a nunnak pia hi; mahti bang bokin ohte vangin a nunnak uh hi a unau tei ca in, a pia bok tuk mite hung hi.

1 JOHAN 4:10

Itnak tihmi cu hi bangin hi. Eimuh in Pathian it hung tih hi kha ma hi. Amah lam saw in it in, a Capa piasuk hi; mahmi cu eimu sual ngaihthiamnak tukin hi.

1 JOHAN 4:16

Mahten eimuh loli in Pathian i eimuhte a itnak cu thei in um hung hi. Pathian cu itnak hi a, itnak tuah a nungtute cu Pathian sungah a nungmi hi. Pathian vang ama sungah nung bok hi.

1 JOHAN 5:11

Mahten a theihtikmi cu hitih bangin hi. Pathian in kumkhua nunnak cu pia zo in, mah nunnak cu a Capa i sungah um hi.

1 JOHAN 5:13

Pathian Capa a umtu ten kumkhua nunnak nei hung tih na theih theihnak tukin hi laikuat hi nangmu nelah ngan ing.